அதிரடியாக ஆடிய பாபா அபராஜித் – சேப்பாக்கம் சூப்பர் கில்லீஸ் 2ஆவது வெற்றி!

ஐடிரீம் திருப்பூர் தமிழன்ஸ் அணிக்கு எதிரான போட்டியில் சேப்பாக்கம் சூப்பர் கில்லீஸ் அணி 7 விக்கெட் வித்தியாசத்தில் வெற்றி பெற்றுள்ளது.

Chepauk Super Gillies won by 7 wickets difference against IDream Tiruppur Tamizhans in TNPL 2023

Rsiva kumar

First Published Jun 15, 2023, 10:59 PM IST | Last Updated Jun 15, 2023, 10:59 PM IST

தமிழ்நாடு பிரீமியர் லீக் தொடர் எனப்படும் டிஎன்பிஎல் கிரிக்கெட் தொடரின் 7ஆவது சீசன் பிரம்மாண்டமாக நடந்து வருகிறது. இதில் இன்று நடந்த 5ஆவது போட்டியில் ஐடிரீம் திருப்பூர் தமிழன்ஸ் மற்றும் சேப்பாக்கம் சூப்பர் கில்லீஸ் அணிகள் மோதின. இந்தப் போட்டியில் டாஸ் வென்ற ஐடிரீம் திருப்பூர் தமிழன்ஸ் அணி முதலில் பேட்டிங் ஆடியது.

நின்னு, நிதானமாக ஆடிய விஜய் சங்கர்; 20 ஓவருக்கு 120 ரன்கள் எடுத்த ஐடீரீம் திருப்பூர் தமிழன்ஸ்!

தொடக்க வீரர்களான துஷார் ரஹேஜா மற்றும் என்.எஸ். சதுர்வேத் இருவரும் சொற்ப ரன்களில் ஆட்டமிழந்தனர். அடுத்து வந்த விஷால் வைத்யாவும் 7 ரன்களில் வெளியேற திருப்பூர் தமிழன்ஸ் அணி 24 ரன்னுக்கு 3 விக்கெட் எடுத்து தடுமாறியது. அதன்பிறகு எஸ் ராதாகிருஷ்ணன் மற்றும் விஜய் சங்கர் இருவரும் இணைந்து நிதானமாக ஆடி ரன்கள் சேர்த்தனர்.

ஆசிய கோப்பை 2023 கிரிக்கெட் தொடர் அட்டவணை வெளியீடு: இந்தியா – பாகிஸ்தான் போட்டிகள் எங்கு நடக்கிறது?

ஒரு கட்டத்தில் ராதாகிருஷ்ணன் 36 ரன்களில் வெளியேற, விஜய் சங்கரும் 28 ரன்களில் ஆட்டமிழந்தார். இதையடுத்து வந்த வீரர்கள் சொற்ப ரன்களில் வெளியேற, ராஜேந்திரன் விவேக் 26 ரன்கள் எடுத்து ஓரளவு நம்பிக்கை கொடுத்தார். இறுதியாக திருப்பூர் தமிழன்ஸ் அணி 20 ஓவர்களில் 7 விக்கெட் இழப்பிற்கு 120 ரன்கள் குவித்தது.

அதிரடி காட்டிய ஷிவம் சிங்; திண்டுக்கல் டிராகன்ஸ் 6 விக்கெட் வித்தியாசத்தில் வெற்றி!

இதையடுத்து 121 ரன்களை இலக்காக கொண்ட சேப்பாக்கம் சூப்பர் கில்லீஸ் அணி ஆடியது. இதில் தொடக்க பிரதோஷ் ஃபால் மற்றும் என் ஜெகதீசன் இருவரும் நிதானமாக ஆடினர். எனினும், பிரதோஷ் ஃபால் 25 ரன்களில் ஸ்டெம்பிங் செய்யப்பட்டு ஆட்டமிழந்தார். கேப்டன் ஜெகதீசன் 13 ரன்களில் வெளியேறினார். அடுத்து வந்த சஞ்சய் யாதவ் 22 ரன்கள் சேர்த்த நிலையில் ஆட்டமிழந்தார். அதன் பிறகு பாபா அபராஜித் மற்றும் ஹரிஷ் குமார் இருவரும் நிலைத்து நின்று ஆடி சேப்பாக்கம் அணியை வெற்றி பெறச் செய்தனர். பாபா அபராஜித் 46 ரன்களும், ஹரிஷ் குமார் 12 ரன்களும் எடுத்தனர்.

அஸ்வின் ஓவரில் அடுத்தடுத்து சிக்ஸர் விளாசிய ராஜ்குமார்: திருச்சி 120க்கு ஆல் அவுட்!

இறுதியாக சேப்பாக்கம் சூப்பர் கில்லீஸ் அணி 15.4 ஓவர்களில் 3 விக்கெட் இழந்து 121 ரன்கள் எடுத்து 7 விக்கெட் வித்தியாசத்தில் வெற்றி பெற்றது. இந்த வெற்றியின் மூலமாக சேப்பாக்கம் சூப்பர் கில்லீஸ் அணி 2 போட்டியில் வெற்றி பெற்று புள்ளிப்பட்டியலில் முதலிடம் பிடித்துள்ளது. மாறாக, ஐடிரீம் திருப்பூர் தமிழன்ஸ் அணி 2 போட்டியிலும் தோற்று புள்ளிப்பட்டியலில் 7ஆவது இடத்தில் உள்ளது.

தமிழ்நாடு பிரீமியர் லீக் தொடரில் சாம்பியனாகும் அணிக்கு ரூ.1 கோடியும், 2ஆம் இடம் பிடிக்கும் அணிக்கு ரூ.60 லட்சமும், அரையிறுதிப் போட்டியில் இடம் பெறும் 2 அணிகளுக்கு ரூ.40 லட்சமும், மற்ற அணிகளுக்கு ரூ.25 லட்சமும் பரிசுத் தொகை அறிவிக்கப்பட்டுள்ளது.

34 ரன்கள் எடுத்த ஹாங்காங்: இந்திய வீராங்கனை ஸ்ரேயங்கா பாட்டீல் 5 விக்கெட் வீழ்த்தி சாதனை!

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப்

சேனலை கிளிக் செய்து பின்தொடரவும்