உச்ச நீதிமன்றத்தில் அவர் பணியாற்றிய காலத்தில், அவரது நீதிமன்றம் பல முக்கியமான தீர்ப்புகளை வழங்கியது. இப்போது ஆளும் கட்சி அந்த தேர்ந்தெடுக்கப்பட்ட தீர்ப்புகளில் சிலவற்றை கிளறி எதிர்க்கட்சிகளுக்கு எதிரான ஆயுதமாகப் பயன்படுத்த முயற்சிக்கிறது.
துணை ஜனாதிபதி தேர்தலுக்கான வேட்பாளராக எதிர்க்கட்சிகள் ஓய்வுபெற்ற உச்ச நீதிமன்ற நீதிபதி பி.சுதர்சன் ரெட்டியை நிறுத்தியுள்ளன. உச்ச நீதிமன்றத்தில் அவர் பணியாற்றிய காலத்தில், அவரது நீதிமன்றம் பல முக்கியமான தீர்ப்புகளை வழங்கியது. இப்போது ஆளும் கட்சி அந்த தேர்ந்தெடுக்கப்பட்ட தீர்ப்புகளில் சிலவற்றை கிளறி எதிர்க்கட்சிகளுக்கு எதிரான ஆயுதமாகப் பயன்படுத்த முயற்சிக்கிறது.
பாஜக தலைமையிலான என்.டி.ஏ கூட்டணி வேட்பாளரும், மகாராஷ்டிரா ஆளுநருமான சி.பி.ராதாகிருஷ்ணனுக்கு எதிராக ஓய்வுபெற்ற நீதிபதி சுதர்ஷன் ரெட்டி போட்டியிடுகிறார். இந்தத் தேர்தலின் சமன்பாடு எப்படியும் ஆளும் கட்சிக்கு சாதகமாக இருக்கிறது. ஆனாலும், இந்திய கூட்டணி வேட்பாளாரான முன்னாள் உச்ச நீதிமன்ற நீதிபதியை நிறுத்துவதன் மூலம் அதை சுவாரஸ்யமாக்க முயன்றது.
இப்போது சுதர்ஷன் ரெட்டியின் பழையகால சர்ச்சைகளை கிளறி பாஜக கூற்றச்சாட்டுகளை அடுக்கி வருகிறது. கடந்த மே 2012. ஒரு துயரத்தில் குற்றம் சாட்டப்பட்டவர்கள் மீதான குற்றச்சாட்டுகளை நீர்த்துப்போகச் செய்யும் பழைய நீதிமன்றத் தீர்ப்பை எதிர்த்து சிபிஐ ஒரு சீராய்வு மனுவை தாக்கல் செய்தது. ஆனால், அந்த மனுவை உச்ச நீதிமன்றம் நிராகரித்தது. இந்த தீர்ப்பு உச்ச நீதிமன்றத்தின் ஐந்து பேர் கொண்ட பெஞ்சின் தீர்ப்பு. அதில், நீதிபதி பி.சுதர்சன் ரெட்டியும் இருந்தார். இது குறித்து, பாஜக தலைவர் தஜிந்தர் பக்கா, எக்ஸ் தளத்தில், ‘‘ஆண்டர்சன் போபால் எரிவாயு விபத்தில் 25,000 இந்தியர்களைக் கொன்றார். ராஜீவ் காந்தி அவரை இந்தியாவில் இருந்து தப்பிக்க உதவினார். சிபிஐ வழக்குத் தொடர மேல்முறையீடு செய்தபோது, நீதிபதி பி.சுதர்ஷன் ரெட்டி மறுத்துவிட்டார். இப்போது அவர் சோனியா காந்தியின் துணை ஜனாதிபதி வேட்பாளர்’’ ' என்று குற்றம்சாட்டியுள்ளார்.
பழங்குடியின இளைஞர்களை சிறப்பு காவல் அதிகாரிகளாக (SPO) நியமிப்பதற்கான சத்தீஸ்கர் அரசின் முடிவை சட்டவிரோதமானது மற்றும் அரசியலமைப்பிற்கு விரோதமானது என்று நீதிபதி சுதர்ஷன் ரெட்டி கூறியிருந்தார். உண்மையில் இந்த இளைஞர்கள் மாவோயிசத்தை சல்வா ஜூடும் அல்லது கோயா கமாண்டோக்கள் போல கையாளத் தயாராக இருந்தனர். ஆனால், நீதிபதி ரெட்டி, நீதிபதி எஸ்.எஸ்.நிஜ்ஜார் ஆகியோர் அடங்கிய அமர்வு ஜூலை 5, 2011 அன்று அதைத் தடை செய்தது. இது அரசியலமைப்பு கொள்கைகளுக்கு எதிரானது, மனித உரிமைகளுக்கு ஆபத்தானது என்று கூறியது. இந்த மனுவை சுதர்ஷன் ரெட்டி நிராகரித்தபோது நக்சலிசத்திற்கு எதிரான போராட்டத்தை பலவீனப்படுத்துவதாக அவர் மீது சர்ச்சை எழுந்தது. அதனைக் கூறி தற்போது பாஜக குற்றம்சாட்டி வருகிறது.
இந்த முடிவு வன்முறை எதிர்ப்பு பிரச்சாரத்திற்கு ஒரு பின்னடைவு மட்டுமல்ல, மாவோயிசத்துடன் தொடர்புடைய மக்கள் மீதான நீதித்துறை அனுதாபத்தின் ஒரு எடுத்துக்காட்டு’’ என்றும் பாஜக தலைவர் அமித் மாளவியா கூறியுள்ளார். சல்வா ஜூடும் பிரச்சாரத்திற்கு எதிரான மனுதாரர்களில் நந்தினி சுந்தர், ராமச்சந்திர குவா மற்றும் ஈ.ஏ.எஸ். சர்மா போன்ற ஆர்வலர்கள் அடங்குவர்.
ராணுவ மருத்துவ அறிவியல் கல்லூரியின் அனைத்து இடங்களையும் ராணுவ வீரர்களின் குழந்தைகளுக்கு ஒதுக்கும் கொள்கையை நீதிபதி ரெட்டி தடை செய்திருந்தார். பிரிவு 14- ன் படி அவர் அதை அரசியலமைப்பிற்கு விரோதமானது என்று கூறியிருந்தார். சமூக ரீதியாகவும் கல்வி ரீதியாகவும் பின்தங்கிய வகுப்பினர், பட்டியல் சாதியினர் மற்றும் பட்டியல் பழங்குடியினர் உயர்கல்வி பெறுவதைத் தடுப்பது நமது நாட்டிற்கு ஆபத்தானது என்று நீதிபதி ரெட்டி தனது தீர்ப்பில் கூறியிருந்தார். நீதிபதி ரெட்டி 2011 இல் இந்த தீர்ப்பை வழங்கினார்.
ஓய்வு பெறுவதற்கு சில நாட்களுக்கு முன்பு, நீதிபதி சுதர்ஷன் ரெட்டி, ராம் ஜெத்மலானி மற்றும் பலர் தாக்கல் செய்த கருப்புப் பண வழக்குகளை விசாரிப்பதில் மத்திய அரசு மெத்தனமாக இருந்ததற்காகக் கண்டித்துப் இருந்தார். இதை விசாரிக்க, ஓய்வுபெற்ற உச்ச நீதிமன்ற நீதிபதி நீதிபதி பி.பி.ஜீவன் ரெட்டி தலைமையில் வெளிநாட்டு வங்கிகளில் டெபாசிட் செய்யப்பட்ட கருப்புப் பணம் குறித்து விசாரணை நடத்த உத்தரவிட்டார். சுதர்சன் ரெட்டி நீதிபடியாக இருந்த காலத்தில் நீதிமன்றம் எடுத்த சில முக்கியமான முடிவுகள். அவற்றில் முதல் இரண்டு தீர்ப்புகளை பாஜக, சுதர்ஷன் ரெட்டிக்கு எதிராக ஒரு பிரச்சினையை உருவாக்க முயற்சித்தது.