கடுமையான கோவிட் பாதிப்புக்கு பிறகு இந்தியர்களுக்கு இந்த ஆபத்து அதிகம்.. புதிய ஆய்வில் தகவல்..
கடுமையான கோவிட் பாதிப்புக்கு பிறகு இந்தியர்கள் நுரையீரல் பாதிப்பின் அதிக ஆபத்தை எதிர்கொள்கின்றனர் என்பது புதிய ஆய்வில் தெரியவந்துள்ளது.
 )
Followகடுமையான கொரோனா தொற்றில் இருந்து மீண்டவர்கள் நுரையீரல் செயல்பாடு பாதிப்பை எதிர்கொண்டனர் என்பது சமீபத்திய ஆய்வு ஒன்றில் தெரியவந்துள்ளது. ஆய்வில் பங்கேற்றவர்களில் பாதி பேர் மூச்சுத் திணறலால் பாதிக்கப்பட்டிருப்பதும் தெரியவந்துள்ளது. நுரையீரல் செயல்பாட்டில் கொரோனா தொற்றின் தாக்கத்தை ஆராய வேலூர் கிறிஸ்தவ மருத்துவக் கல்லூரி ஆய்வு நடத்தியது. இந்த ஆய்வில் 207 பேர் பங்கேற்றனர். கொரோனாவில் இருந்து மீண்டு வந்த நபர்களின் நுரையீரல் செயல்பாடு, உடற்பயிற்சி திறன் ஆகியவை குறித்து ஆய்வு செய்யப்பட்டது.
அதில் இரண்டு மாதங்களுக்கும் மேலாக கடுமையான கோவிட்-19 நோயால் பாதிக்கப்பட்டு குணமடைந்த இந்தியர்களிடையே சுவாச நோய் அறிகுறிகள் அதிகமாக இருப்பதாக ஆய்வில் கண்டறியப்பட்டுள்ளது, 49.3% பேருக்கு மூச்சுத் திணறல் மற்றும் 27.1% பேருக்கு இருமல் இருந்தது என்பதும் தெரியவந்தது.
சிஎம்சி வேலூரில் உள்ள நுரையீரல் மருத்துவப் பேராசிரியரான டி ஜே கிறிஸ்டோபர் இதுகுறித்து பேசிய போது "ஒவ்வொரு வகை நோயின் தீவிரத்தன்மையிலும் மற்ற நாடுகளின் தரவுகளுடன் ஒப்பிடும்போது இந்திய மக்கள்தொகையில் நுரையீரல் செயல்பாடு அதிகம் பாதிக்கப்பட்டுள்ளது என்பது ஆய்வில் இருந்து தெளிவாகிறது" என்று தெரிவித்தார்.
என்னது.. இட்லியால் பல்லுயிர் பெருக்கத்திற்கு அதிக பாதிப்பா? புதிய ஆய்வில் வெளியான அதிர்ச்சி தகவல்
ஒருவருக்கு ஒரே நேரத்தில் ஒன்றுக்கு மேற்பட்ட நோய்கள் அல்லது இணை-நோய்கள் இருப்பது காரணமாக இருக்கலாம் என்று அவர் கூறினார். PLOS குளோபல் பப்ளிக் ஹெல்த் இதழில் வெளியிடப்பட்ட, ஆராய்ச்சியாளர்கள் ஐரோப்பா மற்றும் சீனாவின் தரவுகளை ஒப்பிட்டுப் பார்த்தனர்.
உதாரணமாக, இத்தாலியை அடிப்படையாகக் கொண்ட ஒரு ஆய்வில், 43% பேருக்கு மூச்சுத்திணறல் அல்லது மூச்சுத் திணறல் மற்றும் 20% க்கும் குறைவான நபர்களுக்கு இருமல் இருப்பது கண்டறியப்பட்டது. சீன ஆய்வின் தொடர்புடைய புள்ளிவிவரங்கள் இந்திய ஆய்வில் காணப்பட்டதை விட குறைவாக இருந்தன.
இருப்பினும், வேலூர் மருத்துவக்கல்லூரி நடத்திய ஆய்வில் சீனாவிலிருந்தோ அல்லது இத்தாலியைத் தவிர மற்ற ஐரோப்பிய நாடுகளிலிருந்தோ எந்த குறிப்பிட்ட தரவுகளையும் மேற்கோள் காட்டவில்லை. இந்தியர்களிடையே மோசமான பாதிப்புக்கான சரியான காரணத்தை அறிய இயலாது என்றாலும், அதற்கு இணை நோய்களும் ஒரு காரணியாக இருக்கலாம் என்று கூறப்படுகிறது.
நீங்கள் சரியாக தூங்கவில்லை என்றால், உங்கள் உடலில் என்னென்ன மாற்றங்கள் நடக்கும் தெரியுமா?
மேலும் கொரோனாவுக்கு பிந்தைய நுரையீரல் பாதிப்பு நுரையீரல் செயல்பாடு, வாழ்க்கைத் தரம் மற்றும் முயற்சி சகிப்புத்தன்மை ஆகியவற்றில் குறிப்பிடத்தக்க பாதிப்பை ஏற்படுத்துகிறது என்று ஆராய்ச்சியாளர்கள் முடிவு செய்தனர்.
சேனலை கிளிக் செய்து பின்தொடரவும்
