ஓடிடி-யில் வெளியான மாறன்... வருத்தத்தில் ரசிகர்கள்

தமிழ் திரையுலகில் முன்னணி நடிகரான தனுஷ் (Dhanush). தற்போது நடித்துள்ள படம் மாறன். இந்த படத்தை இயக்கிய கார்த்திக் நரேன் ஏற்கனவே துருவங்கள் பதினாறு, மாஃபியா போன்ற படங்களை இயக்கியுள்ளார். 

 பேட்ட, மாஸ்டர் படங்களை தொடர்ந்து இந்த படத்தில் மாளவிகா தனுஷுக்கு ஜோடியாக நடித்துள்ளார். தமிழில் மாளவிகாவின் மூன்றாவது படம் இதுவாகும்.

மாறனில் தனுஷுடன் ஸ்மிருதி வெங்கட், சமுத்திரக்கனி, போஸ் வெங்கட், கேகே, மாஸ்டர் மகேந்திரன் ஆகியோர் முக்கிய கதாபாத்திரங்களில் நடித்துள்ளனர். 

ஜிவி பிரகாஷ்குமார் (GV Prakash Kumar) இசையில் உருவாகியுள்ள இந்த படத்தை  சத்யஜோதி பிலிம்ஸ் நிறுவனம் பிரம்மாண்டமாக தயாரித்துள்ளது. படத்திலிருந்து வெளியான சிங்கிள்ஸ் அனைத்தும் ஹிட் அடித்துள்ளது.

மாறன் ட்ரைலர் சமீபத்தில் வெளியாகி ரசிகர்கள் மத்தியில் எதிர்பார்ப்பை எகிற செய்திருந்தது. இந்த படத்தில் தனுஷ் பத்திரிக்கையாளராக நடித்திருப்பதும்  அரசியல் சூழ்ச்சிகளை  எதிர்த்து நிற்கும் நெஞ்சுருதுடன் தனுஷ்..கலக்கல் ஆக்சன் திரில்லராக உருவாகியுள்ளது என தெளிவானது.

இந்த படம் டிஸ்னி ப்ளஸ் ஹாட் ஸ்டாரின் இன்று வெளியாகியுள்ளது. கொரோனா அச்சுறுத்தல் காரணமாக தனுஷின் படங்கள் இந்த மூன்று வருடத்தில் பெரும்பாலும் ஓடிடியில் தான் வெளியாகியுள்ளது.

தனுஷின் முந்தைய படங்களான ஜகமே தந்திரம், கலாட்டா கல்யாணம் அதோடு க்ரே மேன் என அடுத்தடுத்து ஓடிடி சென்று விட்டது. மற்ற நடிகர்களின் ரசிகர்கள் மாஸ் கொண்டாட்டத்தில் இருக்கையில் தனுஷ் ரசிகர்கள் கவலையில் உறைந்துள்ளனர்.
 

பெரும்பாலும் முன்னை நடிகர்களின் படங்கள் ரிலீஸ் ஆகும் போது திரையரங்கு அல்லோப்படுவதுண்டு அந்த பாக்கியம் தங்களுக்குக்கிடைக்கவில்லை என்கிற ஏக்கத்தில் உள்ள ரசிக்கர்கள் மாறன் போஸ்டருடன் மூன்று வருடமாக செலிப்ரேஷன் மிஸிங் என பதிவிட்டு வருகின்றனர்.