'எதிர்நீச்சல்' சீரியல் நடிகைக்கு விரைவில் திருமணமா? காதலருடன் இருக்கும் புகைப்படத்தை வெளியிட்டு இன்ப அதிர்ச்சி

'எதிர்நீச்சல்' சீரியல் நடிகை வைஷ்ணவி, தன்னுடைய பிறந்தநாளில் காதலரை அறிமுகம் செய்து வைத்ததை தொடர்ந்து, விரைவில் திருமணமா? என ரசிகர்கள் கேள்வி எழுப்பி வருகின்றனர். 

இயக்குனர் திருச்செல்வம் இயக்கத்தில் கடந்த 2022 ஆம் ஆண்டு முதல் சன் டிவி தொலைக்காட்சியில் பிரைம் டைமில் ஒளிபரப்பாகி வரும் முக்கிய சீரியல்களில் ஒன்று 'எதிர்நீச்சல்'.

ஆணாதிக்கம் நிறைந்த குடும்பத்திற்கு மருமகளாக வரும் கதாநாயகி, அங்கு அடிமைகள் போல் கணவரின் பிடியில் வாழும் மற்ற மருகமைகளையும், தன்னுனடய சுயமரியாதையையும் நிலை நாட்ட அந்த குடும்பத்தையே ஆட்டி படைத்தது வரும் குணசேகரனை எதிர்த்து எப்படி பட்ட போராடுகிறாள் என்பதை விறுவிறுப்பாக, பரபரப்பான காட்சிகளுடன் ஒளிபரப்பாகி வருகிறது.

ஒவ்வொரு வாரமும் டிஆர்பியில் மற்ற  சீரியல்களுக்கு டஃப் கொடுத்து வரும் 'எதிர்நீச்சல்' சீரியலில், இதுவரை பல திரைப்படங்களிலும் சீரியல்களிலும் நடித்து பிரபலமானவர்கள் முக்கிய கதாபாத்திரத்தில் நடித்து வருகின்றனர்.

கதாநாயகியாக மதுமிதா, ஜனனி கதாபாத்திரத்தில் நடிக்க, சபரி பிரஷாந்த்  இவருக்கு ஜோடியாக சக்திவேல் என்கிற கதாபாத்திரத்தில் நடித்து வருகிறார்.

மேலும் மாரிமுத்து, கனிகா, பிரியதர்ஷினி, ஹரிப்ரியா, சத்யப்ரியா,விபு ராமன், கமலேஷ் போன்ற பலர் முக்கிய கதாபாத்திரத்தில் நடித்து வருகின்றனர்.

300 எபிசோடுகளை வெற்றிகரமாக கடந்துள்ள இந்த சீரியலில், அடுத்து 500 எபிசோடுகளை நோக்கி நகர்ந்து வருகிறது. தற்போது இந்த சீரியலில் நடித்து வரும் வைஷ்ணவி தன்னுடைய காதலரை ரசிகர்களுக்கு அறிமுகம் செய்து வைத்துள்ளார்.

வாசு என்கிற கதாபாத்திரத்தில் நடித்து வரும் வைஷ்ணவி, கடந்த வாரம்தன்னுடைய பிறந்தநாளை  மிகவும் பிரம்மாண்டமாக கொண்டாடிய நிலையில், தன்னுடைய காதலரை அறிமுகப்படுத்தி உள்ளார்.

மேலும் சீரியல் குழுவைச் சேர்ந்த மதுமிதா மற்றும் இவரது நண்பர்கள் பலர் வைஷ்ணவியின் பிறந்தநாள் கொண்டாட்டத்தில் கலந்து கொண்டு, இவருக்கு தங்களுடைய வாழ்த்துக்களை தெரிவித்துள்ளனர். 

இது குறித்த புகைப்படங்களையும், தன்னுடைய காதலருடன் இருக்கும் சில புகைப்படங்களையும், வைஷ்ணவி தன்னுடைய சமூக வலைதளத்தில் வெளியிட, பலரும் தங்களின் வாழ்த்துக்களை தெரிவித்து வருகின்றனர். பொதுவாக பிரபலங்கள் தங்களுடைய காதலர்களை திருமண நேரத்தில் அறிமுகப்படுத்துவதை வழக்கமாக வைத்துள்ளதால், வைஷ்ணவிக்கும் விரைவில் திருமணமா? என பல ரசிகர்கள் கேள்வி எழுப்பி வருகின்றனர். இந்த புகைப்படங்களும் வைரலாக பார்க்கப்பட்டு வாழ்த்துக்களை குவித்து வருகிறது.