ஆதார் வெச்சிருக்கீங்களா? உஷார்.. உடனே இதை பண்ணுங்க.. இல்லனா அக்கவுண்ட் காலி! UIDAI எச்சரிக்கை!"

UIDAI ஆதார் மோசடிகளைத் தடுக்க UIDAI 5 புதிய பாதுகாப்பு குறிப்புகளை வெளியிட்டுள்ளது. மாஸ்க்டு ஆதார் மற்றும் பயோமெட்ரிக் லாக் பற்றி இங்கே தெரிந்து கொள்ளுங்கள்.

Image Credit : our own

UIDAI

இந்திய தனித்துவ அடையாள ஆணையம் (UIDAI) சமீபத்தில் தனது அதிகாரப்பூர்வ ஆதார் செயலியைப் புதுப்பித்து, மக்கள் அசல் ஆவணங்களை கையில் எடுத்துச் செல்ல வேண்டிய அவசியத்தை நீக்கும் வகையில் பல புதிய வசதிகளை அறிமுகப்படுத்தியுள்ளது. இதற்கு இணையாக, இணையவழி மோசடிகளில் இருந்து மக்களைப் பாதுகாக்க ஒரு முக்கிய பாதுகாப்பு அறிவுறுத்தலையும் தனது 'எக்ஸ்' (ட்விட்டர்) தளத்தில் வெளியிட்டுள்ளது. உங்கள் டிஜிட்டல் அடையாளத்தைப் பாதுகாக்கவும், ஆன்லைன் மோசடிகளைத் தடுக்கவும் இந்த 5 முக்கிய பாதுகாப்பு நடவடிக்கைகளைப் பின்பற்றுமாறு UIDAI கேட்டுக் கொண்டுள்ளது.

Image Credit : X @UIDAI

ஆதார் பாதுகாப்பு ஏன் அவசியம்?

இன்று பல்வேறு முக்கிய சேவைகளுக்கு ஆதார் அட்டையே நுழைவு வாயிலாக உள்ளது. ஒருவேளை உங்கள் ஆதார் விவரங்கள் ஹேக்கர்கள் அல்லது மோசடி கும்பலின் கைகளில் சிக்கினால், உங்களின் பயோமெட்ரிக் மற்றும் தனிப்பட்ட தரவுகளைப் பயன்படுத்தி அவர்கள் நிதி மோசடிகள் அல்லது அடையாளத் திருட்டில் (Identity Theft) ஈடுபட வாய்ப்புள்ளது. எனவே விழிப்புணர்வுடன் இருப்பது மிக அவசியம்.

Image Credit : our own

1. ஓடிபி (OTP)-ஐ பகிரவே கூடாது

UIDAI வலியுறுத்தும் முதல் மற்றும் மிக முக்கியமான விதி இதுதான். உங்கள் ஆதாருடன் இணைக்கப்பட்ட ஓடிபி (One-Time Password) எண்ணை எக்காரணம் கொண்டும் யாருடனும் பகிர வேண்டாம். ஓடிபி என்பது உங்கள் பாதுகாப்பின் இறுதி அரண். அது இல்லாமல், அங்கீகரிக்கப்படாத நபர்களால் உங்கள் கணக்கையோ அல்லது முக்கியமான தகவல்களையோ அணுக முடியாது.

2. 'மாஸ்க்டு ஆதார்' (Masked Aadhaar) பயன்படுத்துங்கள்

ஹோட்டல்களில் அறை எடுக்கும்போதோ அல்லது சிம் கார்டு வாங்கும்போதோ அடையாளச் சான்றாக ஆதாரைக் கொடுக்கும்போது, 'மாஸ்க்டு ஆதார்' (Masked Aadhaar) நகலைப் பயன்படுத்துங்கள். இதில் உங்கள் ஆதார் எண்ணின் முதல் 8 இலக்கங்கள் மறைக்கப்பட்டிருக்கும்; கடைசி 4 இலக்கங்கள் மட்டுமே தெரியும். இதன் மூலம் உங்கள் முழு 12 இலக்க எண்ணும் தேவையற்ற மூன்றாம் தரப்பினருக்குத் தெரியாமல் பாதுகாக்கப்படும்.

Image Credit : our own

3. பயோமெட்ரிக் லாக் (Biometric Lock) வசதி

உங்கள் கைரேகை, கருவிழி அல்லது முக அங்கீகாரத் தரவுகளை யாரும் தவறாகப் பயன்படுத்துவதைத் தடுக்க, 'பயோமெட்ரிக் லாக்' வசதியை பயன்படுத்துங்கள். அதிகாரப்பூர்வ ஆதார் செயலி அல்லது இணையதளம் மூலம் இதைச் செய்யலாம். நீங்கள் இந்த லாக்கை ஆன் செய்தால், நீங்களே நினைத்தாலும் அதை மேனுவலாக அன்லாக் (Unlock) செய்யும் வரை யாராலும் உங்கள் பயோமெட்ரிக் தரவுகளைப் பயன்படுத்த முடியாது. இது மிகச் சிறந்த பாதுகாப்பை அளிக்கும்.

4. இணையத்தில் பகிர்வதைத் தவிர்க்கவும்

ஃபேஸ்புக், இன்ஸ்டாகிராம் போன்ற சமூக வலைதளங்களிலோ அல்லது பொதுவான ஆன்லைன் தளங்களிலோ உங்கள் ஆதார் அட்டையின் புகைப்படத்தைப் பதிவேற்ற வேண்டாம். பொதுவெளியில் உங்கள் அட்டை இருப்பது, மோசடி செய்பவர்கள் உங்கள் தனிப்பட்ட தகவல்களைத் திருடுவதை மிக எளிதாக்கிவிடும்.

Image Credit : UIDAI

5. அதிகாரப்பூர்வ உதவி எண்களை நாடவும்

ஒருவேளை உங்கள் ஆதார் தரவுகள் திருடப்பட்டதாகவோ அல்லது தவறாகப் பயன்படுத்தப்பட்டதாகவோ நீங்கள் சந்தேகித்தால், உடனடியாக செயல்பட வேண்டும். சைபர் கிரைம் அல்லது UIDAI-யின் அதிகாரப்பூர்வ உதவி எண்களைத் தொடர்புகொண்டு புகார் அளிக்க வேண்டும். தாமதிக்காமல் நடவடிக்கை எடுப்பதே இழப்புகளைத் தவிர்க்க உதவும்.