- Home
- டெக்னாலஜி
- Honor 10000mAh Battery: அடேங்கப்பா! 10,000mAh பேட்டரி, 10,000 நிட்ஸ் டிஸ்ப்ளே... Honor-இன் அடுத்த போன் மிரட்டலா இருக்கு
Honor 10000mAh Battery: அடேங்கப்பா! 10,000mAh பேட்டரி, 10,000 நிட்ஸ் டிஸ்ப்ளே... Honor-இன் அடுத்த போன் மிரட்டலா இருக்கு
Honor 10000mAh Battery: 10,000mAh-க்கும் அதிகமான பேட்டரி மற்றும் 10,000 நிட்ஸ் பீக் பிரைட்னஸ் கொண்ட புதிய ஸ்மார்ட்போனை Honor உருவாக்கி வருவதாக தகவல் வெளியாகியுள்ளது.
புதிய போன்
ஸ்மார்ட்போன் சந்தையில் போட்டி நாளுக்கு நாள் அதிகரித்து வரும் நிலையில், பேட்டரி மற்றும் டிஸ்ப்ளே தொழில்நுட்பத்தில் புதிய தரத்தை உருவாக்க Honor நிறுவனம் தயாராகி வருவதாக தகவல்கள் வெளியாகியுள்ளன. பிரபல டிப்ஸ்டரான 'டிஜிட்டல் சாட் ஸ்டேஷன்' வெளியிட்ட தகவலின்படி, 10,000mAh-க்கும் அதிகமான பேட்டரி மற்றும் 10,000 நிட்ஸ் வரை பீக் பிரைட்னஸ் கொண்ட புதிய ஸ்மார்ட்போனை ஹானர் உருவாக்கி வருகிறதாம். இந்த தகவல் சீன சமூக வலைதளமான Weibo வழியாக பரவியதால் தொழில்நுட்ப உலகின் கவனம் தற்போது Honor மீது திரும்பியுள்ளது.
10,000 நிட்ஸ் பிரைட்னஸ்
இந்த லீக்கில் அதிக கவனம் ஈர்த்த அம்சம் 10,000 நிட்ஸ் பீக் பிரைட்னஸ் ஆகும். தற்போது சந்தையில் உள்ள பெரும்பாலான பிரிமியம் ஃபிளாக்ஷிப் போன்களைக் காட்டிலும் இது குறிப்பிடத்தக்க அளவில் அதிகம். இருப்பினும், நிபுணர்கள் கூறுவதன்படி, இந்த அளவிலான பிரைட்னஸ் முழு திரையிலும் கிடைக்காது. குறிப்பிட்ட சூழ்நிலைகளில் திரையின் ஒரு சிறிய பகுதியில் மட்டுமே அந்த உச்ச ஒளிர்வு செயல்படும்.
பெரிய பேட்டரியில் Honor-ன் தொடர்ச்சியான கவனம்
கடந்த சில மாதங்களாக அதிக திறன் கொண்ட பேட்டரிகளுடன் ஸ்மார்ட்போன்களை அறிமுகப்படுத்துவதில் Honor தீவிரம் காட்டி வருகிறது. Honor Win, Honor Win RT, Honor Win Turbo மற்றும் Honor Power 2 போன்ற மாடல்களில் 10,000mAh பேட்டரி மற்றும் அதிக பிரைட்னஸ் டிஸ்ப்ளே வழங்கப்பட்டுள்ளது. இதன் அடுத்த கட்டமாகவே இந்த புதிய மாடல் பார்க்கப்படுகிறது.
அதிகாரப்பூர்வ அறிவிப்புக்காக காத்திருக்கும் சந்தை
இருப்பினும், இந்த ஸ்மார்ட்போனின் பெயர், ப்ராசசர், கேமரா அமைப்பு, சார்ஜிங் வேகம் மற்றும் அறிமுக தேதி போன்ற விவரங்கள் எதுவும் இதுவரை உறுதிப்படுத்தப்படவில்லை. எனவே, தற்போதைய தகவல்களை வதந்தியாகவே அணுக வேண்டியது அவசியம். ஆனால், இந்த அம்சங்களுடன் ஹானர் போன் அறிமுகமானால், பேட்டரி திறன் மற்றும் டிஸ்ப்ளே செயல்திறனில் புதிய அளவுகோலை உருவாக்குவது சந்தேகமில்லை.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
