ரூ.10,000-ல் அசத்தும் ஸ்மார்ட்போன்கள்.. பட்ஜெட் விலையில் இவ்வளவு வசதிகளா!
ரூ.10,000-க்கும் குறைவான விலையில் கிடைக்கும் சிறந்த ஸ்மார்ட்போன்களின் பட்டியல், அவற்றின் பேட்டரி, டிஸ்ப்ளே, விலை போன்றவற்றை பற்றி இங்கு விரிவாக தெரிந்து கொள்ளுங்கள்.
ரூ.10,000 குறைவான விலை ஸ்மார்ட்போன்கள்
குறைந்த விலையில் அதிக வசதிகளை வழங்கும் மாடல்கள் என்னென்ன என்பது குறித்து மக்களுக்கு பல கேள்விகள் உள்ளது. முன்னணி செல்போன் நிறுவனங்கள் ரூ.10,000-க்குள் பல புதிய போன்களை அறிமுகம் செய்து வருகின்றன. தினசரி பயன்பாடு, ஆன்லைன் வகுப்புகள், வீடியோ பார்வை, சமூக வலைதளங்கள் என அனைத்திற்கும் ஏற்ற மாடல்கள் இப்போது இந்த விலையில் கிடைக்கின்றன.
பட்ஜெட் ஸ்மார்ட்போன்கள்
இந்த பட்டியலில் முதலில் இடம்பெற்றுள்ளது ரியல்மி சி71. பெரிய பேட்டரி விரும்புவோருக்கு இது சிறந்த தேர்வாக உள்ளது. 6300mAh பேட்டரி, 45W ஃபாஸ்ட் சார்ஜிங் வசதி, 90Hz / 120Hz ரிஃப்ரெஷ் ரேட் ஆதரவு ஆகியவை இதன் முக்கிய பலங்கள். Unisoc T7250 ப்ராசசர், 4GB அல்லது 6GB RAM, 128GB ஸ்டோரேஜ் மற்றும் 13MP அல்லது 50MP கேமரா ஆகியவை இந்த போனின் அம்சங்கள். இதன் விலை சுமார் ரூ.8,699 ஆகும்.
குறைந்த விலை போன்கள்
அடுத்ததாக லாவா போல்ட் என்1 இந்திய பிராண்டு விரும்புவோருக்கு நல்ல தேர்வாக இருக்கிறது. 6.75 இன்ச் HD+ டிஸ்ப்ளே, 90Hz ரிஃப்ரெஷ் ரேட், Unisoc 9863A ப்ராசசர், 4GB RAM, 128GB ஸ்டோரேஜ் ஆகியவை இதில் இடம்பெற்றுள்ளன. 5000mAh பேட்டரியுடன் வரும் இந்த போன் ரூ.7,999 விலையில் கிடைக்கிறது.
மலிவான ஸ்மார்ட்போன்
5G வசதி தேவைப்படுவோருக்கு இன்பினிக்ஸ் ஹாட் 60ஐ 5ஜி மொபைல் நல்ல தேர்வாகும். 120Hz ரிஃப்ரெஷ் ரேட் கொண்ட 6.75 இன்ச் டிஸ்ப்ளே, MediaTek Dimensity 6400 ப்ராசசர், 8GB RAM + டைனமிக் RAM ஆதரவு, 128GB ஸ்டோரேஜ் ஆகியவை இதில் வழங்கப்படுகின்றன. 50MP ரியர் கேமரா கொண்ட இந்த போன் ரூ.9,999 விலையில் கிடைக்கிறது.
2026 புதிய போன்கள்
இறுதியாக, சாம்சங் கேலக்சி எப்06 5G மற்றும் விவோ ஒய்19இ ஆகியவை எண்ட்ரி-லெவல் பயனர்களுக்காக வடிவமைக்கப்பட்டுள்ளன. சாம்சங் மாடலில் 90Hz டிஸ்ப்ளே, Dimensity 6300 சிப்செட், 25W சார்ஜிங் உள்ளது. Vivo Y19e-l 5500mAh பேட்டரி, 13MP கேமரா வழங்கப்படுகிறது. இவை ரூ.9,999 மற்றும் ரூ.8,999 விலையில் கிடைக்கின்றன. குறைந்த பட்ஜெட்டில் நல்ல செயல்திறன் தேடுபவர்களுக்கு இந்த போன்கள் சரியான தேர்வாக இருக்கும்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
