Nothing Phone 4b: ஒரே கேமரா, சூப்பர் டிசைன்! பட்ஜெட் விலையில் ஐபோனுக்கு போட்டியா?
Nothing Phone 4b: நத்திங் நிறுவனத்தின் புதிய பட்ஜெட் ஸ்மார்ட்போன் குறித்த முக்கிய தகவல்கள் வெளியாகியுள்ளன. இதுவரை இல்லாத ஒரு மாற்றத்துடன் இந்த முறை நிறுவனம் ரசிகர்களை ஆச்சரியப்படுத்தியுள்ளது.
டீசரால் கிளம்பிய எதிர்பார்ப்பு
ஸ்மார்ட்போன் உலகில் தனித்துவ அடையாளத்தை உருவாக்கிய நத்திங் நிறுவனம், இந்திய சந்தைக்காக புதிய நத்திங் போன் 4b மாடலை அறிமுகப்படுத்தத் தயாராகியுள்ளது. நிறுவனத்தின் அதிகாரப்பூர்வ டீசர் வீடியோவில் இடம்பெற்றுள்ள சிறிய குறிப்பு, இந்த புதிய மாடலின் பெயரை உறுதி செய்துள்ளது, அறிமுகம் வெகுதொலைவில் இல்லை என்பதையும் சுட்டிக்காட்டியுள்ளது.
டிசைனில் பெரிய மாற்றம்
இதுவரை வெளியான நத்திங் போன்களில் இரட்டை கேமரா அமைக்கப்பட்டிருந்த நிலையில், இந்த முறை ஒரே ஒரு பின்புற கேமராவுடன் புதிய மாடல் வரலாம் என்ற தகவல்கள் தெரிவிக்கின்றன. அதே நேரத்தில், நிறுவனத்தின் அடையாளமாக மாறிய வெளிப்படையான பின்புற வடிவமைப்பு மற்றும் தனித்துவமான தோற்றம் ஆகியவை தொடரும் என எதிர்பார்க்கப்படுகிறது.
புதிய விலை யுக்தி
நத்திங்கின் துணை பிராண்டாக இருந்த சிஎம்எஃப் உருவாக்கிய பட்ஜெட் போன் திட்டம் தற்போது நத்திங் பிராண்டின் கீழ் கொண்டு வரப்பட்டதாக கூறப்படுகிறது. இதன் மூலம் குறைந்த விலையில் அதிக வாடிக்கையாளர்களை ஈர்க்கும் நிறுவனம் புதிய வணிக உத்தியை பின்பற்றுகிறது. இந்த ஆண்டு உயர்தர முதன்மை மாடல் வெளியாகாது என நிறுவனம் ஏற்கனவே தெரிவித்துள்ளது.
விலை எவ்வளவு இருக்கலாம்?
சமீபத்தில் அறிமுகமான நத்திங் போன் 4a தொடரை விட குறைந்த விலையில், சுமார் ரூ.30,000 முதல் ரூ.35,000 வரையிலான விலையில் இந்த புதிய மாடல் அறிமுகமாகும் என்ற தகவல்கள் வெளியாகியுள்ளன. அடுத்த மாதம் இந்தியாவில் அதிகாரப்பூர்வமாக வெளியிடப்படும் என எதிர்பார்க்கப்படும் இந்த ஸ்மார்ட்போன், வித்தியாசமான வடிவமைப்புடன் பட்ஜெட்டில் புதிய போட்டியை உருவாக்கும் என வட்டாரங்கள் கருதுகின்றன.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
