- Home
- டெக்னாலஜி
- நீங்க முடிவெடுக்கும் முன்பே மூளை தயாராகிவிடுமா? நரம்பியல் ஆய்வு வெளிப்படுத்தும் சுவாரசிய உண்மை!
நீங்க முடிவெடுக்கும் முன்பே மூளை தயாராகிவிடுமா? நரம்பியல் ஆய்வு வெளிப்படுத்தும் சுவாரசிய உண்மை!
‘இமேஜிங் நியூரோசயின்ஸ்’ இதழில் வெளியான புதிய ஆய்வின்படி, சுதந்திரமான முடிவுகளையும் கட்டாய முடிவுகளையும் நமது மூளை ஒரே மாதிரியான முறையிலேயே உருவாக்குகிறது.

மூளை எப்படி முடிவுகளை எடுக்கிறது
ஒரு பேக்கரி வரிசையில் நிற்கும்போது, டோனட் (Doughnut) அல்லது டார்ட் (Tart) 2-ல் எதை வாங்குவது என யோசித்துத் தேர்ந்தெடுப்பதும். வரிசையின் முன் செல்லும்போது டார்ட் மட்டுமே மிச்சமிருப்பதால் வேறு வழியின்றி அதை வாங்குவதும் முற்றிலும் மாறுபட்ட உணர்வுகளைத் தருகின்றன. ஆனால், 'இமேஜிங் நியூரோசயின்ஸ்' (Imaging Neuroscience) இதழில் வெளியான புதிய ஆராய்ச்சி, இத்தகைய சுதந்திரமான முடிவுகளையும் கட்டாய முடிவுகளையும் நமது மூளை ஆச்சரியப்படும் வகையில் ஒரே மாதிரியான முறையிலேயே உருவாக்குகிறது என்பதைக் காட்டுகிறது.
மூளை எவ்வாறு முடிவுகளை உருவாக்குகிறது?
எளிய முடிவுகளை எடுக்கும்போது, ஒவ்வொரு விருப்பத்திற்கான ஆதாரங்களை மூளை படிப்படியாகத் திரட்டுகிறது. ஒரு நீதிபதி வழக்கின் உண்மைகளை மதிப்பிட்டுத் தீர்ப்பு வழங்குவது போல, போதுமான ஆதாரம் சேர்ந்ததும் முடிவு எடுக்கப்படுகிறது. டிராஃபிக் சிக்னல் சிவப்பா அல்லது பச்சையா என்பதைக் கண்டறிவது போன்ற முடிவுகளில், மூளையின் மின் செயல்பாடு ஒரு 'லோடிங் பார்' (Loading bar) 100% நிரம்புவது போல குறிப்பிட்ட அளவை எட்டும்போது முடிவு உருவாகிறது. நரம்பணுக்களின் செயல்பாடு ஏற்ற இறக்கத்துடன் இருப்பதால் இந்தச் சிக்னலும் மாறி மாறி ஊசலாடும்; இதனால் விருப்பங்கள் மாறாமல் இருந்தாலும் சில நாட்களில் வித்தியாசமான தேர்வுகளை நாம் செய்கிறோம்.
மூளை சிக்னல்கள் காட்டும் ஒற்றுமை
சுதந்திரமான மற்றும் கட்டாய முடிவுகளில் மூளை எவ்வாறு செயல்படுகிறது என்பதை அறிய, கலர் பலூன்களை தேர்ந்தெடுக்கும் சோதனையின்போது பங்கேற்பாளர்களின் மூளைச் செயல்பாட்டை ஆராய்ச்சியாளர்கள் பதிவு செய்தனர். 2 பலூன்களில் ஒன்றைச் சுதந்திரமாகத் தேர்ந்தெடுத்தாலும், ஒரே ஒரு பலூனைக் கட்டாயமாகத் தேர்ந்தெடுத்தாலும், முடிவு எடுக்கும் முன் மூளையின் சிக்னல் ஒரே உச்ச நிலையை நோக்கி ஒரே மாதிரியாக உயர்ந்தது. விரைவாக முடிவெடுத்தபோது சிக்னல் வேகமாகவும், தாமதமாக முடிவெடுத்தபோது மெதுவாகவும் உயர்ந்தது.
சுயவிருப்பம் உண்மையா, மாயையா?
இந்த முடிவுகள், மூளையில் முடிவெடுக்கும் செயல்முறை நாம் உணர்வதை விடத் தானியங்கி தன்மை கொண்டதாக இருக்கலாம் என்பதைக் காட்டுகின்றன. நாம் செயலில் இறங்குவதை உணர்வுப்பூர்வமாக அறிவதற்கு முன்பே மூளை செயல்பாடு தொடங்கும்.
இருப்பினும், செயல்படும் முறை தானியங்கித் தன்மை கொண்டதாக இருந்தாலும், மூளை திரட்டும் ஆதாரங்கள் உங்கள் தனிப்பட்ட விருப்பங்கள், இலக்குகள் மற்றும் அனுபவங்களிலிருந்தே எடுக்கப்படுகின்றன. எனவே, நமது தேர்வுகள் உண்மையிலேயே சுதந்திரமானவையா என்பதைவிட, ஒரு தேர்வு 'உங்களுடையதாக' இருப்பதன் உண்மையான அர்த்தம் என்ன என்பதே முக்கியமான கேள்வியாகும்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.













