ரூ.5,799க்கு ராணுவ தர மொபைல்! 5000mAh பேட்டரி + 90Hz டிஸ்ப்ளே! ஆர்டர் குவியுது!!
ஐடெல் நிறுவனம் தனது புதிய Zeno 20 Max ஸ்மார்ட்போனை இந்தியாவில் ரூ.6000-க்கும் குறைவான விலையில் அறிமுகப்படுத்தியுள்ளது. ராணுவ-தர உறுதி, 5000mAh பேட்டரி, மற்றும் 90Hz டிஸ்ப்ளே போன்ற அம்சங்களுடன் வருகிறது.
ரூ.6000க்குள் மொபைல்
ஐடெல் நிறுவனம் குறைந்த பட்ஜெட்டில் ஸ்மார்ட்போன் வாங்க நினைப்பவர்களை குறிவைத்து, தனது புதிய மாடலான ஐடெல் Zeno 20 Max-ஐ இந்தியாவில் அறிமுகப்படுத்தியுள்ளது. இந்த போன் குறைந்த விலையிலேயே பெரிய பேட்டரி, நவீன டிஸ்ப்ளே மற்றும் உறுதியான கட்டமைப்பு போன்ற அம்சங்கள் உள்ளன. குறிப்பாக, ராணுவ தரத்திலான (இராணுவ-தரம்) திடத்தன்மை கொண்டதாக விளம்பரப்படுத்தப்பட்டுள்ளது இந்த ஸ்மார்ட்போன், IP54 ரேட்டிங்குடன் தூசி மற்றும் தண்ணீர் தெறிப்புகளிலிருந்து பாதுகாப்பையும் வழங்குகிறது. இந்த போன் தற்போது அமேசான் மூலம் விற்பனைக்கு வந்துள்ளது.
விலை விவரங்களைப் பார்க்கும்போது, 3ஜிபி ரேம் மற்றும் 64ஜிபி ஸ்டோரேஜ் கொண்ட மாடல் ரூ.5,799 என்ற ஆரம்ப விலையில் கிடைக்கிறது. அதேசமயம், 4ஜிபி ரேம் மற்றும் 64ஜிபி ஸ்டோரேஜ் வேரியன்டின் விலை ரூ.6,169 ஆக நிர்ணயிக்கப்பட்டுள்ளது. இந்த போன் Aurora Blue, Space Titanium, Starlit Black ஆகிய மூன்று நிறங்களில் கிடைக்கிறது. மேலும், இந்த மாதத்திலேயே 4ஜிபி ரேம் மற்றும் 128ஜிபி ஸ்டோரேஜ் கொண்ட புதிய வேரியண்டையும் வெளியிட திட்டமிட்டுள்ளதாக நிறுவனம் தெரிவித்துள்ளது.
குறைந்த விலை ஸ்மார்ட்போன்
டிஸ்ப்ளே அம்சங்களில், ஐடெல் Zeno 20 Max-l 6.6 Inch HD+ தீர்மானம் கொண்ட IPS டிஸ்ப்ளே வழங்கப்பட்டுள்ளது. இதில் 90Hz ரிஃப்ரெஷ் ரேட் ஆதரவு இருப்பதால், ஸ்க்ரோலிங் மற்றும் வீடியோ பார்வை சற்றே மென்மையாக இருக்கும். செயல்திறனுக்காக T7100 அக்டா-கோர் புரசசர் பயன்படுத்தப்பட்டுள்ளது. 5000mAh திறன் கொண்ட பெரிய பேட்டரி, தினசரி பயன்பாட்டிற்கு போதுமான பேட்டரி பேக்கப்பை வழங்கும் என எதிர்பார்க்கப்படுகிறது. மேலும், முன்பக்க கேமரா பகுதியைச் சுற்றி நோட்டிஃபிகேஷன்களை காட்டும் ‘டைனமிக் பார்’ அம்சமும் இதில் உள்ளது.
கேமரா அம்சங்களில், பின்புறம் 13 மெகாபிக்சல் கேமராவும், செல்ஃபி மற்றும் வீடியோ கால்களுக்கு 8 மெகாபிக்சல் முன்புற கேமராவும் வழங்கப்பட்டுள்ளன. பாதுகாப்பிற்காக பக்கத்தில் பொருத்தப்பட்ட ஃபிங்கர்பிரிண்ட் சென்சார் இதில் இடம் பெற்றுள்ளது. MIL-STD-810H தரச்சான்றுடன் கூடிய உறுதியான வடிவமைப்பு, குறைந்த விலையில் ஒரு நம்பகமான ஸ்மார்ட்போனை எதிர்பார்க்கும் பயனர்களுக்கு ஐடெல் Zeno 20 Max-I கவனிக்கத் தகுந்த தேர்வாக மாறுகிறது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
