iPhone 15 Price cut: ஐபோன் 16 வருகையை முன்னிட்டு தள்ளுபடி; ஃபிளிப்கார்ட்டில் அற்புத சலுகைகள்!!

ஆப்பிள் நிறுவனம் தனது புதிய ஐபோன் 16 சீரிஸ் ஸ்மார்ட்போன்களை விரைவில் வெளியிட உள்ளது. இதனால் தற்போது சந்தையில் உள்ள ஐபோன் 15 சீரிஸ் விற்பனையில் சுணக்கம் ஏற்படாமல் இருப்பதற்காக பல்வேறு நடவடிக்கைகளை எடுத்து வருகிறது. ஐபோன் 15 சீரிஸ் மொபைல் விற்பனையில் சிறப்பு சலுகையை அறிவித்துள்ளது.

ஐபோன் 16 மாடலுக்கான அறிமுக தேதி இன்னும் அறிவிக்கப்படவில்லை. விரைவில் அறிவிக்கப்படலாம். இந்த நிலையில், ஃபிளிப்கார்ட்டில் ஐபோன் 15 மொபைலுக்கு ஆகஸ்ட் 26 வரை கணிசமான தள்ளுபடி சலுகையை அறிவித்துள்ளது. 

ஐபோன் 15 - 128ஜிபி வேரியண்ட் ஃபிளிப்கார்ட்டில் ரூ.64,999-க்கு கிடைக்கிறது. இது ஆப்பிள் அதிகாரப்பூர்வ இணையதளத்தில் ரூ.79,600-க்கு கிடைக்கிறது. அதாவது ஃபிளிப்கார்ட்டில் ரூ.14,601 உடனடி தள்ளுபடி கிடைக்கிறது. மற்ற வேரியண்ட், சீரிஸ்களிலும் பெரிய தள்ளுபடிகள் உள்ளன.

தள்ளுபடியுடன், எக்ஸ்சேஞ்ச் சலுகையும் உள்ளது. உங்கள் பழைய மொபைலை எக்ஸ்சேஞ்ச் செய்து கொண்டு மேலும் தள்ளுபடியுடன் பெற்றுக்கொள்ளலாம். மொபைல் செயல்பாடு பொறுத்து  எக்ஸ்சேஞ்ச் சலுகையில் ரூ.42,100 வரை தள்ளுபடி பெறலாம். 

ஐபோன் 15 ஸ்மார்ட்போனில் இதுவே மிகப்பெரிய தள்ளுபடி என்று சொல்ல வேண்டும். ஆனால்,  ஃபிளிப்கார்ட் எந்த வங்கி சலுகைகளையும் வழங்கவில்லை. எனவே ஐபோன் 15 வாங்க விரும்புபவர்கள் உடனே ஆர்டர் செய்யலாம். இந்த தள்ளுபடி முடியும் முன் இந்த வாய்ப்பைப் பயன்படுத்திக் கொள்ளுங்கள்.

ஐபோன் 16 சீரிஸைப் பொறுத்தவரை, சில குறிப்பிடத்தக்க மாற்றங்களை எதிர்பார்க்கலாம். பெரிய பேட்டரி, புதிய சிப்செட், சிறிது மேம்பட்ட வடிவமைப்பு மாற்றங்கள் இருக்கும் என்று தகவல்கள் தெரிவிக்கின்றன. புதிய மாடல்களின் விலையும் அதிகமாக இருக்க வாய்ப்புள்ளது, எனவே பட்ஜெட் பிரச்சனை இல்லாதவர்கள் ஐபோன் 16-க்காக காத்திருக்கலாம். பட்ஜெட் குறைவாக இருந்தால் தற்போது ஃபிளிப்கார்ட் வழங்கும் சலுகையுடன் ஐபோன் 15 சீரிஸ் மாடலை வாங்குவது சிறந்தது.