Google Storage காலி ஆகிடுச்சா? இனி காசு கொடுத்து வாங்காதீங்க.. இந்த ஒரு டிரிக் போதும்!

Google Storage: கூகுள் அக்கவுண்ட்டில் கிடைக்கும் 15GB ஸ்டோரேஜ் அடிக்கடி நிரம்பி விடுகிறதா? என்ன செய்வதென்று தெரியவில்லையா? சில சிம்பிள் செட்டிங்ஸ் அல்லது ட்ரிக்ஸ் மூலம் ஸ்டோரேஜை ஈசியாக சரி செய்யலாம்.

Image Credit : Getty

கூகுள் ஸ்டோரேஜ் பயன்பாடு

ஸ்மார்ட்போனில் போட்டோ, வீடியோ, டாக்குமென்ட்ஸ் என பலவற்றை சேமிக்கிறோம். Google Photos, Google Drive போன்ற கிளவுட் சேவைகளில் பேக்கப் எடுக்கிறோம். கூகுள் அக்கவுண்ட்டுடன் கிடைக்கும் 15GB இலவச ஸ்டோரேஜ் Gmail, Photos என அனைத்துக்கும் சேர்த்துதான். டூப்ளிகேட் போட்டோக்கள், தேவையில்லாத பேக்கப்களால் இது சீக்கிரம் நிரம்புகிறது. ஆனால், சில செட்டிங்ஸ் மாற்றினால் போதும், இடத்தை உறுதி செய்யலாம்.

Image Credit : @auroraonx/X

Google அக்கவுண்ட்டில் 15GB இலவச ஸ்டோரேஜ்

ஒவ்வொரு கூகுள் அக்கவுண்ட்டிற்கும் 15GB இலவச ஸ்டோரேஜ் கிடைக்கிறது. ஆனால், இந்த இடம் கூகுள் டிரைவிற்கு மட்டுமல்ல. Gmail, Google Photos மற்றும் பிற கூகுள் சேவைகளுக்கும் இது பயன்படுத்தப்படுகிறது. உங்கள் ஆண்ட்ராய்டு போனின் பேக்கப்பும் இந்த ஸ்டோரேஜைத்தான் பயன்படுத்தும். நீங்கள் தொடர்ந்து போட்டோ, வீடியோக்களை பேக்கப் எடுத்தால், 15GB ஸ்டோரேஜ் சில காலத்திலேயே நிரம்பிவிடும்.

Image Credit : our own

ஒரே போட்டோ இரண்டு முறை பேக்கப் ஆகலாம்

கூகுள் ஸ்டோரேஜ் சீக்கிரம் நிரம்புவதற்கு டூப்ளிகேட் பேக்கப் ஒரு முக்கிய காரணம். உதாரணமாக, உங்கள் வாட்ஸ்அப் டேட்டா கூகுள் டிரைவில் பேக்கப் ஆகும். அதே நேரத்தில், கூகுள் போட்டோஸ் உங்கள் போனில் உள்ள வாட்ஸ்அப் ஃபோல்டரில் இருக்கும் போட்டோ, வீடியோக்களைத் தனியாக பேக்கப் எடுக்கும். இதனால், ஒரே போட்டோ அல்லது வீடியோ இரண்டு இடங்களில் சேமிக்கப்பட்டு, ஸ்டோரேஜ் வேகமாக நிரம்புகிறது.

Image Credit : Lava.com

கூகுள் போட்டோஸில் ஃபோல்டர் பேக்கப்பை சரிபார்க்கவும்

ஸ்டோரேஜை சேமிக்க, முதலில் கூகுள் போட்டோஸில் எந்தெந்த ஃபோல்டர்கள் பேக்கப் ஆகின்றன என்பதைச் சரிபார்க்கவும். வாட்ஸ்அப் அல்லது பிற மெசேஜிங் ஆப் மீடியா ஏற்கெனவே பேக்கப் ஆகிறதென்றால், கூகுள் போட்டோஸில் அந்த ஃபோல்டருக்கான பேக்கப்பை நீங்கள் ஆஃப் செய்யலாம். ஆனால், பேக்கப்பை நிறுத்துவதால், ஏற்கெனவே அப்லோட் ஆன ஃபைல்கள் தானாக டெலிட் ஆகாது. பழைய மற்றும் தேவையற்ற போட்டோ, வீடியோக்களை நீங்கள்தான் தேடி டெலிட் செய்ய வேண்டும்.

Image Credit : stockPhoto

தேவையற்ற மீடியாவை நீக்கவும்

வாட்ஸ்அப் குரூப்கள் மற்றும் சாட்களில் தினமும் ஏகப்பட்ட போட்டோக்கள், GIF-கள், மீம்ஸ் மற்றும் வீடியோக்கள் வருகின்றன. இவற்றில் பல ஃபைல்கள் நமக்குத் தேவையே இருக்காது. எனவே, முக்கியமான போட்டோ, வீடியோக்களை சேமித்துவிட்டு, தேவையற்ற மீடியாவை டெலிட் செய்யலாம். இது உங்கள் ஸ்டோரேஜை கணிசமாக மிச்சப்படுத்தும்.

Image Credit : Gemini AI

ஆப் பேக்கப்பையும் சரிபார்க்கவும்

போட்டோ, வீடியோக்கள் மட்டுமல்ல, உங்கள் ஆண்ட்ராய்டு போனில் உள்ள சில ஆப்களின் டேட்டாவும் கூகுள் ஸ்டோரேஜில் பேக்கப் ஆகலாம். இதைச் சரிபார்க்க, உங்கள் போனில் Settings > Google > Backup பகுதிக்குச் சென்று, எந்தெந்த டேட்டா பேக்கப் செய்யப்படுகிறது என்பதைப் பாருங்கள்.

Image Credit : Getty

கூகுள் ஸ்டோரேஜை சரி செய்ய என்ன செய்யணும்?

கூகுள் ஸ்டோரேஜ் நிரம்பினால், உடனடியாகக் கூடுதல் ஸ்டோரேஜ் பிளான் வாங்குவதற்கு முன் சில விஷயங்களைச் சரிபார்க்கவும். தேவையற்ற போட்டோ, வீடியோக்களை டெலிட் செய்யுங்கள். கூகுள் போட்டோஸில் தேவையில்லாத ஃபோல்டர் பேக்கப்பை நிறுத்துங்கள். டூப்ளிகேட் ஃபைல்களை நீக்குங்கள். ஆப் பேக்கப்பையும் ஒருமுறை செக் செய்யுங்கள்.