AC Buying Guide: பில்லையும் குறைக்கலாம்... குளுகுளுன்னு இருக்கலாம்.. சரியான ஏசியை தேர்வு செய்ய டிப்ஸ்!

சுட்டெரிக்கும் வெயிலில் இருந்து தப்பிக்க எப்போடா ஏசி வாங்கலாம்னு தோணும். ஆனா கடைக்குப் போனா, நூத்துக்கணக்கான மாடல்கள், விதவிதமான ஃபீச்சர்கள்னு நம்மளையே குழப்பிடும். சரியான ஏசியை எப்படி தேர்ந்தெடுப்பது? என்பது குறித்து இந்த செய்தியில் பார்க்கலாம்.

Image Credit : Pinterest

சரியான ஏசியை வாங்குவது எப்படி?

நிறைய பேர் கடைல சேல்ஸ்மேன் சொல்றதையோ இல்லையெனில் பார்க்க நல்லா இருக்குற ஏசியையோ வாங்கிடுவாங்க. ஆனா, உங்க ரூம் சைஸ்தான் ஏசியோட பெர்ஃபாமன்ஸை முடிவு பண்ணும். உதாரணமா, உங்க ரூம் 100-லிருந்து 120 சதுர அடிக்குள்ள இருந்தா 1 டன் ஏசி போதும். அதுவே 150 சதுர அடி வரைக்கும் இருந்தா, கட்டாயம் 1.5 டன் ஏசிதான் வாங்கணும். ரூமுக்கு சம்பந்தம் இல்லாத கம்மி டன் ஏசி போட்டா, ரூமை கூல் பண்ண அது நாள் முழுக்க ஓடிட்டே இருக்கும். இதனால கரண்ட் பில் எகிறிடும். அதனால, ஏசி வாங்குறதுக்கு முன்னாடி உங்க ரூம் அளவை சரியா தெரிஞ்சுக்கோங்க.

Image Credit : Amazon.com

இன்வெர்ட்டர் ஏசிதான் பெஸ்ட் சாய்ஸ்

இன்வெர்ட்டர் ஏசினா கரண்ட் போனதும் இன்வெர்ட்டர்ல ஓடும்னு பலரும் தப்பா நினைக்கிறாங்க. அது உண்மையில்லை. இன்வெர்ட்டர் டெக்னாலஜி, ஏசியோட கம்ப்ரசர் வேகத்தை தேவைக்கு ஏத்த மாதிரி கட்டுப்படுத்தும். பழைய நான்-இன்வெர்ட்டர் ஏசி, ரூம் கூல் ஆனதும் கம்ப்ரசரை ஆஃப் பண்ணிடும், சூடானதும் ஆன் பண்ணும். இப்படி ஆன்-ஆஃப் ஆகுறதால கரண்ட் அதிகமா செலவாகும். ஆனா இன்வெர்ட்டர் ஏசி, ரூம் கூல் ஆனதும் கம்ப்ரசர் வேகத்தை குறைச்சு மெதுவா ஓடும். இதனால 30-40% வரை கரண்ட் பில் மிச்சமாகும். ஒரு நாளைக்கு 6-8 மணி நேரத்துக்கு மேல ஏசி யூஸ் பண்றீங்கன்னா, இன்வெர்ட்டர் ஏசிதான் பெஸ்ட் சாய்ஸ்.

Image Credit : Amazon.com

5 ஸ்டார் ஏசி வாங்குறதுதான் புத்திசாலித்தனம்

ஏசி மேல இருக்குற ஸ்டார் ஸ்டிக்கர் வெறும் டிசைனுக்கு இல்லை. அது உங்க ஏசி எவ்வளவு திறமையா வேலை செய்யுதுன்னு காட்டுறதுக்கு. 1 ஸ்டார் ஏசி விலை கம்மியா இருக்கலாம், ஆனா கரண்ட் பில்லை எகிற வைக்கும். 5 ஸ்டார் ஏசி விலை கொஞ்சம் அதிகம்னாலும், கரண்ட் செலவு ரொம்ப கம்மி. நீங்க அதிகமா ஏசி பயன்படுத்துற ஆள்னா 5 ஸ்டார் ஏசி வாங்குறதுதான் புத்திசாலித்தனம். எப்பவாச்சும் கெஸ்ட் வந்தா மட்டும் யூஸ் பண்ணுவீங்கன்னா 3 ஸ்டார் ஏசி போதும். இந்த ஸ்டார் ரேட்டிங்கை BEE (Bureau of Energy Efficiency) அமைப்பு ரெண்டு வருஷத்துக்கு ஒருமுறை மாத்தும். அதனால, லேட்டஸ்ட் 2026 ரேட்டிங் பார்த்து வாங்குங்க.

Image Credit : Pixabay

ஏசியோட ஆயுளை கூட்டும்

ஏசியோட கண்டென்சர் காயில்தான் அதன் இதயமே. மார்க்கெட்ல அலுமினியம், காப்பர்னு ரெண்டு வகை காயில் ஏசி இருக்கு. அலுமினியம் காயில் விலை மலிவு, ஆனா சீக்கிரம் துரு பிடிச்சு, கேஸ் லீக் பிரச்சினை வரும். ஆனா காப்பர் காயில் சீக்கிரம் துரு பிடிக்காது, வெப்பத்தையும் வேகமா வெளியேற்றும். ஒருவேளை லீக் ஆனாலும் காப்பர் காயிலை சுலபமா சரிபண்ணிடலாம். அலுமினியம்னா மொத்தமா மாத்தணும். அதனால வாங்கும்போதே அது '100% காப்பர்' காயிலானு செக் பண்ணி வாங்குங்க. இது உங்க ஏசியோட ஆயுளை கூட்டும்.

Image Credit : Pixabay

கம்பெனியோட சர்வீஸ் எப்படி ?

ஏசி வாங்கும்போது விலையை மட்டும் பார்க்காம, அந்த கம்பெனியோட சர்வீஸ் எப்படி இருக்குன்னும் பார்க்கணும். ஏசிக்கு ரெகுலர் சர்வீஸ் ரொம்ப முக்கியம். வெயில் காலத்துல ஏசி ரிப்பேர் ஆனா, சர்வீஸ் சென்டர்ல இருந்து உடனே வரலைனா ரொம்ப கஷ்டம். அதனால உங்க ஏரியாவுல எந்த பிராண்டுக்கு நல்ல சர்வீஸ் இருக்குனு விசாரிச்சு வாங்குங்க. இப்போ வர்ற பல ஏசிக்கள்ல வைஃபை, ஸ்மார்ட் ஃபீச்சர்கள் இருக்கு. இதனால போன் மூலமாவே ஏசியை ஆன்-ஆஃப் பண்ணலாம். இந்த மாதிரி ஃபீச்சர்கள் நம்ம லைஃப்ஸ்டைலை இன்னும் ஈஸியாக்கும். முக்கியமா, ஏசி ஃபில்டரை நாமளே சுத்தம் செய்ய கத்துக்கிட்டா, காசும் மிச்சம், சுத்தமான காற்றும் கிடைக்கும்.