Dusty Fan: ஃபேன்ல தூசி படிஞ்சா கரண்ட் பில் அதிகமாகுமா? 99% பேருக்கு தெரியாத உண்மை
Dusty Fan Increase EB Bill : ஃபேன் ரெக்கைகளில் தூசி படிந்தால் காத்தோட்டம் குறையும். இதனால், ஃபேனை அதிக வேகத்தில் நீண்ட நேரம் ஓடவிடுவதால், மறைமுகமாக கரண்ட் பில் அதிகரிக்கலாம்.
Dusty Fan Increase EB Bill
நம்ம வீடுகள்ல ஃபேன் பகல், ராத்திரி பார்க்காம ஓடிக்கிட்டே இருக்கும். நாள் முழுக்க இப்படி தொடர்ந்து ஃபேன் ஓடுறது ரொம்ப சாதாரண விஷயம். ஆனா, ஃபேன் ரெக்கைகள் மேல தூசி அதிகமா படிஞ்சா கரண்ட் பில் அதிகமாகும்னு நிறைய பேர் நினைக்கிறாங்க. இதுல எந்த அளவுக்கு உண்மை இருக்கு? தூசி படிஞ்ச ஃபேன் ஓடுறதுக்கு நிஜமாவே அதிக கரண்ட் தேவைப்படுமா? இதோட உண்மையான காரணம் என்னன்னு பார்க்கலாம்.
BLDC vs Regular Fan: BLDC விசிறியா? சாதாரண விசிறியா? மின்சாரத்தை அதிகம் சேமிப்பது எது?
தூசி படிஞ்சா என்ன ஆகும்?
ஃபேன் ரெக்கைகள் மேல நாள் ஆக ஆக, தூசி ஒரு தடிமனான லேயர் மாதிரி உருவாகிடும். இதனால, ரெக்கைகள் காத்தைக் கிழிக்கிற வேகம் குறைஞ்சு, காத்தோட்டம் கம்மியாகிடும். இதோட விளைவா, வீட்டுல முன்னாடி கிடைச்ச அளவுக்கு காத்து வராது, குளிர்ச்சியும் குறைஞ்ச மாதிரி தோணும். அதனால, நமக்கு இன்னும் காத்து வேணும்னு ஃபேனை அதிக ஸ்பீட்ல அல்லது ரொம்ப நேரம் ஓட விடுவோம்.
இப்படிப்பட்ட நேரங்கள்ல, மறைமுகமாக கரண்ட் பயன்பாடு அதிகமாகலாம். ஆனா, தூசி படிஞ்ச உடனே ஃபேன் மோட்டார் நேரடியா அதிக கரண்ட்டை இழுக்கும்னு சொல்ல முடியாது. கரண்ட் பயன்பாடுங்கிறது முக்கியமா மோட்டாரோட திறன், ஃபேனோட ஸ்பீடு, ஒரு நாளைக்கு எவ்வளவு நேரம் ஓடுதுங்கிறதப் பொறுத்துதான் இருக்கும்.
ஃபேனை சுத்தம் பண்றதால என்ன பிரயோஜனம்?
ஃபேனை நாம அடிக்கடி சுத்தம் செஞ்சா, ரெக்கைகள் மேல தூசி படியாது. இதனால காத்தோட்டம் சீராகக் கிடைக்கும். சுத்தம் செய்யும்போது, மோட்டார் அல்லது கெப்பாசிட்டரோட பொதுவான நிலையையும் நாம கவனிக்கலாம். ஃபேன் 'கர்... முர்...'னு சத்தம் போட்டாலோ அல்லது மெதுவா சுத்தினாலோ, ரெக்கையை மட்டும் சுத்தம் செஞ்சா பத்தாது. மோட்டார் அல்லது மத்த பாகங்கள்ல ஏதாவது தொழில்நுட்ப கோளாறு இருக்கலாம். அப்போ ஒரு டெக்னீஷியனை வெச்சு செக் பண்றதுதான் நல்லது.
கரண்ட் பில்லை எப்படி குறைக்கிறது?
உங்க வீட்டு கரண்ட் பில்லை கட்டுப்படுத்த, ஃபேனோட திறன், வோல்டேஜ், அது ஓடுற நேரம் இது எல்லாமே முக்கியம். சாதாரண சீலிங் ஃபேன்கள் சுமார் 50-ல இருந்து 80 வாட்ஸ் கரண்ட் எடுக்கும். ஆனா, இப்போ வர்ற புது டெக்னாலஜி BLDC ஃபேன்கள் வெறும் 25-ல இருந்து 35 வாட்ஸ் கரண்ட் தான் எடுக்குது. அதனால, வீட்டுல அதிக நேரம் ஓடுற ஃபேன்களுக்கு பதிலா, இந்த BLDC டெக்னாலஜி ஃபேன்களை மாட்டுறது கரண்ட்டை மிச்சப்படுத்த ஒரு சூப்பரான வழி.
மொத்தத்துல சொல்லப்போனா, ஃபேன்ல தூசி படிஞ்சதால மட்டுமே கரண்ட் பில் திடீர்னு அதிகமாகிடும்னு சொல்ல முடியாது. தூசியால காத்தோட்டம் குறைஞ்சு, நாம ஃபேனை அதிக ஸ்பீட்ல ரொம்ப நேரம் ஓடவிடும்போது, மறைமுகமாக பில் அதிகமாக வாய்ப்பிருக்கு. அதனால, ஃபேனை சுத்தமா வெச்சுக்கிறதோட, மோட்டார் டெக்னாலஜி, பவர் ரேட்டிங், பயன்பாட்டு நேரம் இது எல்லாத்துலயும் கவனம் செலுத்துனா, கரண்ட் பில்லைக் குறைக்கலாம்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
