அடடே.. இது செம ஆஃபரா இருக்கே! 164 நாட்களுக்கு அன்லிமிடெட் கால்ஸ் மற்றும் டேட்டா அள்ளிக்கொடுக்கும் BSNL!

BSNL பிஎஸ்என்எல் வழங்கும் ரூ. 997 ரீசார்ஜ் திட்டத்தில் 14 நாட்கள் கூடுதல் வேலிடிட்டி பெறுங்கள். தினமும் 2GB டேட்டா, அன்லிமிடெட் கால்ஸ் மற்றும் இலவச BiTV சலுகைகள்!

Image Credit : Gemini

BSNL பிஎஸ்என்எல் வாடிக்கையாளர்களுக்கு ஜாக்பாட்: ரூ. 997 திட்டத்தில் டேட்டா, அழைப்புகளுடன் இலவச ஓடிடி!

தனியார் தொலைத்தொடர்பு நிறுவனங்களுக்குப் போட்டியாக பொதுத்துறை நிறுவனமான பிஎஸ்என்எல் (BSNL) தனது வாடிக்கையாளர்களைத் தக்கவைக்க தொடர்ந்து பல்வேறு அதிரடிச் சலுகைகளை வழங்கி வருகிறது. அந்த வகையில், நீண்ட கால வேலிடிட்டி (Validity) எதிர்பார்க்கும் பயனர்களுக்காக ஒரு சூப்பரான 'லிமிடெட் டைம் ஆஃபரை' (Limited-time offer) பிஎஸ்என்எல் தற்போது அறிவித்துள்ளது.

Image Credit : Gemini AI

164 நாட்கள் வேலிடிட்டி: மார்ச் 31 வரை மட்டுமே!

பிஎஸ்என்எல் வழங்கும் ரூ. 997 ப்ரீபெய்ட் (Prepaid) திட்டத்தில் தான் இந்தச் சிறப்புச் சலுகை அறிவிக்கப்பட்டுள்ளது. பொதுவாக இந்தத் திட்டத்திற்கு 150 நாட்கள் வேலிடிட்டி வழங்கப்படும். ஆனால், வரும் மார்ச் 31-ஆம் தேதிக்குள் இந்தத் திட்டத்தை ரீசார்ஜ் செய்யும் வாடிக்கையாளர்களுக்குக் கூடுதலாக 14 நாட்கள் வேலிடிட்டி இலவசமாக வழங்கப்படும் என அறிவிக்கப்பட்டுள்ளது. இதன் மூலம் எவ்விதக் கூடுதல் கட்டணமுமின்றி பயனர்கள் மொத்தம் 164 நாட்கள் சேவையை அனுபவிக்கலாம். சுமார் 5 மாதங்களுக்கு மேல் ரீசார்ஜ் குறித்த கவலையே இருக்காது!

Image Credit : Gemini

தினமும் 2GB டேட்டா மற்றும் இலவச அழைப்புகள்

இந்த ரூ. 997 திட்டத்தில் பயனர்களுக்குத் தினமும் 2GB அதிவேக டேட்டா வழங்கப்படுகிறது. கூடுதல் வேலிடிட்டி கிடைத்துள்ளதால், ஒட்டுமொத்தமாக 300GB-க்கு பதிலாக 328GB டேட்டா கிடைக்கும். இதுமட்டுமின்றி, இந்தியா முழுவதும் எந்த நெட்வொர்க்கிற்கும் அன்லிமிடெட் வாய்ஸ் கால்கள் (Unlimited Voice Calls) மற்றும் இலவச தேசிய ரோமிங் வசதியும் அடங்கும். மேலும் தினமும் 100 SMS-களையும் வாடிக்கையாளர்கள் இலவசமாக அனுப்பிக் கொள்ளலாம். அதிக டேட்டா மற்றும் அழைப்புகளைப் பயன்படுத்துவோருக்கு இது ஒரு வரப்பிரசாதமாகும்.

Image Credit : Gemini

பொழுதுபோக்கிற்கு BiTV மற்றும் ரூ. 16 டேட்டா பேக்

டேட்டா மற்றும் வாய்ஸ் கால்களோடு நிற்காமல், பயனர்களின் பொழுதுபோக்கிற்காக 'BiTV' சந்தாவையும் பிஎஸ்என்எல் இந்தத் திட்டத்தில் இலவசமாக வழங்குகிறது. இதன் மூலம் பயனர்கள் லைவ் டிவி (Live TV) மற்றும் திரைப்படங்களை மொபைலிலேயே கண்டு மகிழலாம்.

Image Credit : Gemini

பிஎஸ்என்எல்

இதுதவிர, அவசரகாலத் தேவைக்காக வெறும் ரூ. 16-க்கு 4GB அதிவேக டேட்டாவை வழங்கும் புதிய ஒரு நாள் ஆட்-ஆன் (Add-on) திட்டத்தையும் பிஎஸ்என்எல் அறிமுகப்படுத்தியுள்ளது. ஒரு ஜிபி டேட்டா வெறும் 4 ரூபாய்க்குக் கிடைப்பது, சந்தையில் உள்ள மற்ற நிறுவனங்களை விட மிகவும் மலிவானதாகும். குறைந்த செலவில் அதிக பலன்களை எதிர்பார்க்கும் பட்ஜெட் வாடிக்கையாளர்களுக்கு, பிஎஸ்என்எல்லின் இந்த புதிய அறிவிப்புகள் ஒரு சிறப்பான தேர்வாக அமையும் என்பதில் சந்தேகமில்லை.