80 தொகுதிகள் + விஜய்க்கு துணை முதல்வர் பதவி.. பாஜக – தவெக கூட்டணி பேச்சுவார்த்தை.?

நடிகர் விஜய்யின் தமிழக வெற்றிக் கழகம், வரவிருக்கும் சட்டப்பேரவைத் தேர்தலில் பாஜகவுடன் கூட்டணி அமைக்க பேச்சுவார்த்தை நடத்தி வருவதாக தகவல்கள் வெளியாகியுள்ளன. இந்த சாத்தியமான கூட்டணி தமிழக அரசியல் களத்தில் பெரும் எதிர்பார்ப்புகளை உருவாக்கியுள்ளது.

Image Credit : Google

விஜய் பாஜக கூட்டணி

தமிழ்நாட்டில் நடைபெறவுள்ள அடுத்த சட்டப்பேரவைத் தேர்தலை முன்னிட்டு அரசியல் களம் நாளுக்கு நாள் சூடுபிடித்து வருகிறது. இந்த தேர்தலில் நடிகர் விஜய் தலைமையிலான தமிழக வெற்றிக் கழகம் (TVK) நேரடியாக களமிறங்குவது அரசியல் ஆர்வத்தை மேலும் அதிகரித்துள்ளது. ஏற்கனவே ஆட்சியைத் தக்கவைத்துக் கொள்ள திமுக முயற்சி எடுக்கும் நிலையில், அதிமுக மீண்டும் ஆட்சியைப் பிடிக்க திட்டமிட்டு வருகிறது. இந்நிலையில் விஜயின் அரசியல் வருகையால் இந்த முறை தேர்தல் போட்டி மூன்று முனைகளில் நடைபெறலாம் என்ற எதிர்பார்ப்பு உருவாகியுள்ளது.

Image Credit : Asianet News

சசிகலாவின் புதிய கட்சி

அதே சமயம், முன்னாள் முதலமைச்சர் ஜெயலலிதாவுக்கு நெருக்கமானவர் மற்றும் அதிமுகவிலிருந்து நீக்கப்பட்டவர் என அறியப்படும் சசிகலாவும் புதிய அரசியல் கட்சியை அறிவித்துள்ளார். இக்கட்சியின் சின்னமாக தென்னந்தோப்பு தேர்வு செய்யப்பட்டுள்ளதுடன், கருப்பு, வெள்ளை, சிவப்பு நிறங்களில் கொடியும் வெளியிடப்பட்டுள்ளது. அந்த கொடியில் அண்ணாதுரை, எம்.ஜி.ஆர் மற்றும் ஜெயலலிதா ஆகியோரின் படங்களும் இடம்பெற்றுள்ளன.

Image Credit : x

தவெக பாஜக பேச்சுவார்த்தை

இந்த புதிய அரசியல் சூழ்நிலையில் கூட்டணி கணக்குகள் குறித்து பல்வேறு விவாதங்கள் நடைபெற்று வருகின்றன. குறிப்பாக பாரதிய ஜனதா கட்சி (பாஜக) தமிழக வெற்றிக் கழகத்துடன் கூட்டணி அமைக்க தீவிரமாக முயற்சி செய்து வருவதாக அரசியல் வட்டாரங்களில் தகவல்கள் வெளியாகியுள்ளன. விஜய் அரசியலில் நுழைந்து அவரது நடவடிக்கைகளை பாஜக தொடர்ந்து கவனித்து வருவதாகவும் தெரிகிறது.

Image Credit : x

பாஜகவுடன் கூட்டணி

இந்நிலையில் பாஜக - தமிழக வெற்றிக் கழகம் இடையே நடந்த பேச்சுவார்த்தையில் முக்கிய கட்டத்தை எட்டியுள்ளதாக தகவல்கள் வெளியாகியுள்ளன. இந்த பேச்சுவார்த்தையில் தமிழக வெற்றிக் கழகத்துக்கு சில முக்கிய அரசியல் வாய்ப்புகள் முன்வைக்கப்பட்டதாக தகவல்கள் வெளியாகியுள்ளன. கூட்டணி வெற்றி பெற்றால் விஜய்க்கு துணை முதல்வர் பதவி வழங்கலாம் என்ற பரிந்துரையும் பேசப்பட்டதாக கூறப்படுகிறது.

Image Credit : X

தவெகவுக்கு 80 தொகுதிகள்

அதோடு, சட்டப்பேரவைத் தேர்தலில் தமிழக வெற்றிக் கழகத்துக்கு சுமார் 80 தொகுதிகள் ஒதுக்கப்படலாம் என்ற தகவலும் அரசியல் வட்டாரங்களில் பேசப்படுகிறது. எனினும் இந்த முன்மொழிவுகள் குறித்து விஜய் மற்றும் அவரது கட்சி எந்த இறுதி முடிவையும் எடுக்கவில்லை என்று கூறப்பட்டுள்ளது.

Image Credit : X

விஜய்க்கு துணை முதல்வர் பதவி

இந்நிலையில் விஜய் தரப்பில் முதலமைச்சர் பதவியே இல்லை என்ற கருத்துகளும் அரசியல் வட்டாரங்களில் எழுந்துள்ளன. கூட்டணி அமைந்தால் தமிழக அரசியலில் பெரிய மாற்றங்கள் ஏற்படக்கூடும் என்றும், தேர்தல் கணக்குகள் முற்றிலும் மாறக்கூடும் என்றும் அரசியல் ஆய்வாளர்கள் மதிப்பிடுகின்றனர். இதனால் வரவிருக்கும் தேர்தலில் கூட்டணி எப்படி அமையும் என்ற கேள்வி தற்போது தமிழக அரசியலில் முக்கிய விவாதமாக மாறியுள்ளது.