ஒரு கிலோ தக்காளி, வெங்காயம் இவ்வளவா.!! இல்லத்தரசிகளுக்கு ஷாக் கொடுக்கும் விலை
தக்காளி, வெங்காயம் உள்ளிட்ட காய்கறிகளின் விலை சமீபத்தில் குறைந்திருந்த நிலையில், தென்மேற்குப் பருவமழையால் வரத்துப் பாதிப்பு ஏற்பட்டு மீண்டும் விலை உயரத் தொடங்கியுள்ளது.
சமையலும் காய்கறிகளும்
காய்கறிகள் தான் சமையலில் முக்கிய பங்கு வகிக்கும். அந்த வகையில் பெரும்பலான வீடுகளில் காய்கறிகள் இல்லாமல் சமையல் இருக்காது. ரசம் முதல் பிரியாணி சமைப்பதாக இருந்தாலும் காய்கறிகளின் பங்கு முக்கியமானது. அதிலும் தக்காளி மற்றும் வெங்காயத்தின் தேவை தான் அதிகம்.
எனவே காய்கறி சந்தையில் இல்லதரசிகள் எது வாங்குகிறார்களோ இல்லையோ தக்காளி, வெங்காயத்தை கட்டாயம் வாங்குவார்கள். அந்த அளவிற்கு அதன் தேவை அதிகமாக உள்ளது. இதன் காரணமாக மற்ற காய்கறிகளை விட இதன் விலை அதிகரித்தால் இல்லத்தரசிகளின் நிலைமை அவ்வளவு தான்.
உச்சத்தை தொட்ட காய்கறி விலை
அந்த வகையில் கடந்த சில மாதங்களுக்கு முன்பாக தக்காளி மற்றும் வெங்காயத்தின் விலை உச்சத்தை தொட்டது. போட்டி போட்டு விலை அதிகரித்தது. ஒரு கிலோ 100 முதல் 150 ரூபாய் வரை விற்பனையானது. எனவே நடுத்தர மற்றும் ஏழை மக்களின் மாத பட்ஜெட்டில் பெரிய அளவில் பற்றாக்குறை ஏற்பட்டது.
இதன் காரணமாக பை நிறைய பல கிலோ கணக்கில் தக்காளி, வெங்காயத்தை வாங்கி சென்றவர்கள் குறைவான அளவே வாங்கி செல்லும் நிலை உருவானது. எனவே எப்போது விலை குறையும் என காத்திருந்த நிலையில் அதற்கு ஏற்றார் போல் தக்காளி, வெங்காயத்தின் வரத்து அதிகரித்தது.
குறைந்தது தக்காளி, வெங்காயம் விலை
இதனால் காய்கறி சந்தையில் மூட்டை மூட்டையாக வெங்காயமும், பெட்டி பெட்டியாக தக்காளியும் வந்திறங்கியது. ஒரு கிலோ 10 முதல் 15 ரூபாய்க்கு தக்காளியும், வெங்காயம் ஒரு கிலோ 20 முதல் 25 ரூபாய்க்கு விற்பனை செய்யப்பட்டது. இதனால் இல்லத்தரசிகள் மகிழ்ச்சி அடைந்தனர்.
கிலோ கணக்கில் அள்ளிச்சென்றனர். இந்த நிலையில் தென்மேற்கு பருவமழையால் பல இடங்களில் மழை கொட்டி வருகிறது. இதனால் மீண்டும் வரத்து பாதிக்கப்பட்டு விலையானது உயரத்தொடங்கியுள்ளது. கோயம்பேடு சந்தைக்கு குறைந்த அளவே தக்காளி மற்றும் வெங்காயம் வந்துள்ளதால் இன்று விலையானது சற்று அதிகரித்துள்ளது.
காய்கறி விலை என்ன.?
சென்னை கோயம்பேடு காய்கறி சந்தையில் பெரிய வெங்காயம் ஒரு கிலோ 20 முதல் 25 ரூபாய்க்கும், சின்ன வெங்காயம் ஒரு கிலோ 55 முதல் 60 ரூபாய்க்கும், தக்காளி ஒரு கிலோ 15 முதல் 20 ரூபாய்க்கும், பச்சை மிளகாய் ஒரு கிலோ 50 ரூபாய்க்கும், பீட்ரூட் ஒரு கிலோ 40 ரூபாய்க்கும், உருளைக்கிழங்கு ஒரு கிலோ 30 ரூபாய்க்கும், வாழைக்காய் ஒன்று 10 ரூபாய்க்கும், குடைமிளகாய் ஒரு கிலோ 40 ரூபாய்க்கும், பாகற்காய் ஒரு கிலோ 35 ரூபாய்க்கும் விற்பனையாகிறது.
உயர்ந்து வரும் காய்கறி விலை
சுரைக்காய் ஒரு கிலோ 30 ரூபாய்க்கும், பட்டர் பீன்ஸ் ஒரு கிலோ 55 ரூபாய்க்கும், அவரைக்காய் ஒரு கிலோ 40 ரூபாய்க்கும், முட்டைக்கோஸ் ஒரு கிலோ 25 ரூபாய்க்கும், கேரட் ஒரு கிலோ 40 ரூபாய்க்கும், காலிபிளவர் ஒரு கிலோ 30 ரூபாய்க்கும், கொத்தவரை ஒரு கிலோ 50 ரூபாய்க்கும்,
முருங்கைக்காய் ஒரு கிலோ 70 ரூபாய்க்கும், கத்திரிக்காய் ஒரு கிலோ 45 ரூபாய்க்கும், பீன்ஸ் உருகிப்போ 60 ரூபாய்க்கும், இஞ்சி ஒரு கிலோ 50 ரூபாய்க்கும், வெண்டைக்காய் ஒரு கிலோ 35 ரூபாய்க்கும். முள்ளங்கி ஒரு கிலோ 30 ரூபாய்க்கும், பீர்க்கங்காய் ஒரு கிலோ 40 ரூபாய்க்கும், புடலங்காய் ஒரு கிலோ 35 ரூபாய்க்கும் விற்பனை செய்யப்பட்டு வருகிறது
