மூட்டை மூட்டையாக குவிந்த தக்காளி, வெங்காயம்.! ஒரு கிலோ இவ்வளவு தானா.? அள்ளிச்செல்லும் இல்லத்தரசிகள்

தக்காளி மற்றும் வெங்காயத்தின் விலை சரிந்துள்ளதால் இல்லத்தரசிகள் மகிழ்ச்சி அடைந்துள்ளனர். விளைச்சல் அதிகரிப்பால் தக்காளி விலை குறைந்துள்ளது, வெங்காயம் வரத்தும் அதிகரித்துள்ளது. 

Image Credit : our own

தக்காளி, வெங்காயம் விலை என்ன.?

காய்கறிகள் இல்லையென்றால் சமையலில் ருசியை கொடுக்காது. அதிலும் தக்காளி, வெங்காயம் அத்தியாவசிய தேவையாக உள்ளது. ரசம் முதல் பிரியாணி வரை சமைப்பதற்கு மக்கள் அதிகமாக வாங்கும் காய்கறியாக உள்ளது. எனவே இதன் விலையானது உயர்ந்தால் இல்லத்தரசிகளின் நிலை கஷ்டம் தான். அந்த வகையில் கடந்த சில மாதங்களுக்கு முன்பு வரத்து குறைவின் காரணமாக தக்காளி மற்றும் வெங்காயத்தின் விலையானது போட்டி போட்டு உச்சத்தை தொட்டது. ஒரு கிலோ 100 ரூபாயை தாண்டியது.

Image Credit : our own

உச்சத்தை தொட்ட தக்காளி, வெங்காயம் விலை

இதனால் மாத பட்ஜெட்டில் பெரிய அளவில் பற்றாக்குறை ஏற்பட்டது. எனவே எப்போது தக்காளி மற்றும் வெங்காயத்தின் விலை குறையும் என காத்திருந்தனர். அதற்கு ஏற்றார் போல தக்காளி வரத்து அதிகரித்தது. பெட்டி பெட்டியாக தமிழகம் முழுவதும் உள்ள காய்கறி சந்தையில் குவிந்தது. 

இதேபோல வெங்காயத்தின் வரத்தும் அதிகரித்ததால் மூட்டை மூட்டையாக நாசிக் உள்ளிட்ட இடங்களில் இருந்து தமிழகத்திற்கு லாரிகளில் வந்தது. இதனால் விலையானது சரிவை சந்தித்தது. தற்போது ஒரு கிலோ வெங்காயம் 20 முதல் 35 ரூபாய் வரை தரத்திற்கு ஏற்ப விற்பனை செய்யப்படுகிறது.

Image Credit : stockphoto

விளைச்சல் அதிகரிப்பு- விலை குறைந்தது

தக்காளியும் விளைச்சல் அதிகரிப்பால் விவசாயிகளுக்கு உரிய விலை கிடைக்காத நிலை நீடித்து வருகிறது. இதனால் பெரும்பாலான விவசாயிகள் தக்காளியை பறிக்காமல் செடியிலேயே விட்டு விடும் நிலை நீடித்து வருகிறது. இந்த நிலையில் தக்காளி ஒரு கிலோ 10 முதல் 15 ரூபாய்க்கு விற்பனை செய்யப்படுகிறது. 

100 ரூபாய்க்கு 6 முதல் 8 கிலோ வரை விற்பனை செய்யப்படுகிறது. இதனால் இல்லத்தரசிகள் பை நிறைய தக்காளி மற்றும் வெங்காயத்தை வாங்கி செல்கின்றனர். மேலும் பச்சை காய்கறிகளின் விலையும் குறைந்துள்ளதால் சந்தோஷத்தில் உள்ளனர்.

Image Credit : Asianet News

பச்சை காய்கறிகளின் விலை என்ன.?

சென்னை கோயம்பேடு காய்கறி சந்தையில் பெரிய வெங்காயம் ஒரு கிலோ 15 முதல் 25 ரூபாய்க்கும், சின்ன வெங்காயம் ஒரு கிலோ 45 முதல் 55ரூபாய்க்கும், தக்காளி ஒரு கிலோ 10 முதல் 15 ரூபாய்க்கும், பச்சை மிளகாய் 30 ரூபாய்க்கும், பீட்ரூட் ஒரு கிலோ 25 ரூபாய்க்கும், உருளைக்கிழங்கு ஒரு கிலோ 25 ரூபாய்க்கும், 25 குடைமிளகாய் ஒரு கிலோ 30 ரூபாய்க்கும், பாகற்காய் ஒரு கிலோ 30 ரூபாய்க்கும், சுரைக்காய் ஒரு கிலோ 15 ரூபாய்க்கும் விற்பனையாகிறது.

Image Credit : pinterest

பை நிறைய அள்ளிச்செல்லும் மக்கள்

பட்டர் பீன்ஸ் ஒரு கிலோ 80 ரூபாய்க்கும், அவரைக்காய் ஒரு கிலோ 50 ரூபாய்க்கும், முட்டைக்கோஸ் ஒரு கிலோ 10 ரூபாய்க்கும், கேரட் ஒரு கிலோ 25 ரூபாய்க்கும், வெள்ளரிக்காய் ஒரு கிலோ 25ரூபாய்க்கும், முருங்கைக்காய் ஒரு கிலோ 50 ரூபாய்க்கும், கத்திரிக்காய் ஒரு கிலோ 30 ரூபாய்க்கும், 

பீன்ஸ் ஒரு கிலோ 70 ரூபாய்க்கும், இஞ்சி ஒரு கிலோ 50 ரூபாய்க்கும், வெண்டைக்காய் ஒரு கிலோ 30 ரூபாய்க்கும், பூசணி ஒரு 25 ரூபாய்க்கும், முள்ளங்கி ஒரு கிலோ 25 ரூபாய்க்கும், பீர்க்கங்காய் ஒரு கிலோ 50 ரூபாய்க்கும், புடலங்காய் ஒரு கிலோ 20 ரூபாய்க்கும் விற்பனை செய்யப்படுகிறது