கோடை வெயிலுக்கு இன்றுடன் குட்பாய்! ஊட்டி மாதிரி மாறப்போகும் சென்னை வடதமிழகம்! வெதர்மேன் குளு குளு அப்டேட்!

தமிழகத்தில் இன்று முதல் சென்னை, காஞ்சிபுரம், திருவள்ளூர், செங்கல்பட்டு மற்றும் வட தமிழ்நாட்டில் மழைக்கான வாய்ப்புகள் அதிகமாக உள்ளதாக பிரதீப் ஜான் தெரிவித்துள்ளார். 

Image Credit : our own

தமிழ்நாடு வெதர்மேன் பிரதிப் ஜான்

தமிழகத்தில் கோடை வெயில் வாட்டி வதைத்து வந்தது. பல்வேறு மாவட்டங்களில் 100 டிகிரி தாண்டி வெயில் சுட்டெரித்து வந்ததால் பகல் நேரங்களில் பொதுமக்கள் வெயில் செல்வதை முற்றிலுமாக தவிர்த்து வந்தனர். இந்நிலையில் தமிழகத்தில் இனி வரும் நாட்களில் தொடர்ச்சியாக மழைக்கு வாய்ப்புள்ளதாக பிரதீப் ஜான் தெரிவித்துள்ளார். இதுதொடர்பாக தமிழ்நாடு வெதர்மேன் பிரதிப் ஜான் வெளியிட்டுள்ள எக்ஸ் தளத்தில்: கோடைக்காலம் இன்றுடன் முடிவுக்கு வருகிறது. இன்று முதல் சென்னை, காஞ்சிபுரம், திருவள்ளூர், செங்கல்பட்டு மற்றும் வட தமிழ்நாட்டில் இன்று முதல் மழைக்கான வாய்ப்புகள் அதிகமாக உள்ளது. இந்த வாரம் உற்சாகமான வாரமாக அமையும்.

Image Credit : Asianet News

தமிழ்நாட்டில் எந்த வெப்ப அலையும் இல்லை

தமிழகத்திற்கு இந்த ஆண்டு தனித்துவமான ஆண்டுகளில் ஒன்று என்றே சொல்லலாம். இந்த ஆண்டு தமிழ்நாட்டில் எந்த வெப்ப அலையும் இல்லை. மேலும் கடந்த 25 ஆண்டுகளில் 2004, 2018, 2022 ஆகிய 3 ஆண்டுகள் அப்படி அமைந்தன. சென்னையில் 100 டிகிரியை வெயில் தாண்டாமல் இனி வரும் நாட்கள் இருக்கும்.

Image Credit : tamilnadu weatherman

குறைந்த காற்றழுத்தம்

பொதுவாக இது போன்ற வெப்பநிலை இல்லாமை என்பது மே மாதம் இறுதியிலோ அல்லது ஜூன் முதல் வாரத்திலோ இருக்கும். ஆனால் தற்போது மே மத்தியிலேயே இருப்பது இதுதான் முதல் முறை. இதனால் குறைந்த காற்றழுத்தத்தை ஏற்படுத்தும். எனவே இந்த மாத இறுதியில் அரபிக் கடல், வங்கக் கடலில் குறைந்த காற்றழுத்தம் உருவாக வாய்ப்புள்ளது. அடுத்த 10 நாட்களில் அரபிக் கடலில் புயல் உருவாக வாய்ப்புள்ளது. இந்த ஞாயிற்றுக்கிழமை இந்த சுழற்சி இன்னும் நெருக்கமாகி, கிழக்கு திசையில் இருந்து வடதமிழகம் மற்றும் சென்னை, காஞ்சிபுரம், திருவள்ளூர், செங்கல்பட்டு கடலோரங்களில் நெருங்கி வருகிறது. எனவே இனி வரும் நாட்கள் உற்சாகமாக இருக்கும்.

Image Credit : Google

எந்தெந்த மாவட்டங்களில் மழை

கிருஷ்ணகிரி, சேலம், திருவண்ணாமலை, வேலூர், திருவள்ளூர், சென்னை, காஞ்சிபுரம், செங்கல்பட்டு, கடலூர், பாண்டி, விழுப்புரம், பெரம்பலூர், கள்ளக்குறிச்சி, காரைக்காலின் டெல்டா பகுதிகள், நாகை, மயில் நடனம், தஞ்சாவூர், பெரம்பலூர், திருச்சி, தர்மபுரி, திருப்பத்தூர், ஈரோடு போன்ற இடங்களில் மழை பெய்ய வாய்ப்புள்ளது. பெங்களூருவில் மீண்டும் கனமழை பெய்ய வாய்ப்புள்ளது.

Image Credit : our own

கோடை இல்லாத மாதம்

கோடை இல்லாத மாதத்தை இனிமேல் அனுபவியுங்கள். அதற்காக சென்னையில் 10 டிகிரி செல்சியஸ் அளவுக்கு குளிர் நிலவும் என எடுத்துக் கொள்ளக் கூடாது. வழக்கத்தை விட இந்த ஆண்டு மே மாதம் வெப்பநிலை குறைவாக இருக்கும் என பிரதீப் ஜான் தெரிவித்துள்ளார்.