கோடை காலத்தில் ஹனிமூனா? தென்னிந்தியாவில் குளு குளுவென இருக்கும் டாப் 5 இடங்கள்!
கோடை காலத்திலும் குளுமையான, ரொமான்டிக் பயணத்திற்கு ஏற்ற தென்னிந்திய இடங்களைப் பற்றி இந்த கட்டுரை விவரிக்கிறது. மூணார், குடகு, ஊட்டி, ஆலப்புழா, மற்றும் வயநாடு போன்ற இடங்களின் சிறப்புகள்.
தென்னிந்தியாவில் ரொமான்டிக் ட்ரிப் இடங்கள்
கடுமையான கோடை வெயிலில் ஹனிமூன் போவது கொஞ்சம் சவாலான விஷயம்தான். ஆனால், தென்னிந்தியாவில் சில இடங்கள் கோடை வெயில் காலத்திலும் குளு குளுவென ரொமான்டிக்கா, அதே சமயம் புதிய அனுபவத்தை கொடுக்கும். பசுமையான பள்ளத்தாக்குகள், அமைதியான இடங்கள், காபி தோட்டங்கள், அழகான மலைவாசஸ்தலங்கள் இதெல்லாம் சேர்ந்து உங்கள் ஹனிமூனை மறக்க முடியாததாக மாற்றும். கூட்ட நெரிசல் இல்லாமல் அமைதியான ஒரு ரொமான்டிக் ட்ரிப் போக வேண்டும் என்று நினைத்தால் தென்னிந்தியாவில் இந்த 5 இடங்கள் பற்றி பார்ப்போம்.
மூணார்
கேரளாவின் தேயிலை சொர்க்கம் என்று அழைக்கப்படும் மூணார் (Munnar). தேன்நிலவு ஜோடிகளுக்கும், இயற்கை ஆர்வலர்களுக்கும் மிகப்பிடித்தமான ஒரு சுற்றுலாத் தலம். கடல் மட்டத்திலிருந்து சுமார் 1,600 மீட்டர் உயரத்தில் அமைந்துள்ள இந்த மலைப்பிரதேசம், உங்கள் மனதிற்குப் புத்துணர்ச்சி அளிக்கும். கோடை காலத்தில் கூட குளு குளுவென இருக்கும். இங்கு மாட்டுப்பட்டி அணை, தேயிலை அருங்காட்சியகம், மேகங்கள் உங்கள் காலடியில் மிதப்பதைக் காணலாம்.இங்க இருக்கின்ற சொகுசு ரிசார்ட்டுகள் ஹனிமூன் ஜோடிகளுக்கு புதிய அனுபவங்களைக் கொடுக்கும்.
குடகு
"இந்தியாவின் ஸ்காட்லாந்து" என்று அழைக்கப்படும் குடகு (Coorg/Kodagu), காபித் தோட்டங்கள், ஆரஞ்சுப் பழங்கள் மற்றும் பசுமையான மலைகளுக்குப் பெயர் பெற்றது. நீங்கள் காபி பிரியர் என்றால், தோட்டங்களுக்கு நேராகச் சென்று ஃப்ரெஷ்ஷான காபி பொடியை வாங்கலாம். அப்பி உள்ளிட்ட பல்வேறு நீர்வீழ்ச்சிகள் உள்ளன. குடகில் தங்குவதற்கு ஹோட்டல்களை விட "ஹோம்ஸ்டே" (Homestays) முறையைத் தேர்வு செய்வார்கள். கோடை காலத்த்தில் கூட இங்க வானிலை ரொம்ப கூலா இருப்பதால் ஹனிமூனுக்கு இது ஒரு பெர்ஃபெக்ட் சாய்ஸ்.
ஊட்டி
மலைகளின் அரசியான ஊட்டி (Ooty), தென்னிந்தியாவின் மிகவும் புகழ்பெற்ற மலைப்பிரதேசமாகும். நீலகிரி மலைத்தொடரில் அமைந்துள்ள ஊட்டி, குளிர்ச்சியான வானிலை மற்றும் கண்ணைக் கவரும் இயற்கை காட்சிகளுக்காக அனைவரையும் கவரும். அதுமட்டுமல்லாமல் குளுமையான காற்று வீசும். தாவரவியல் பூங்கா, ஊட்டி ஏரியில் படகு சவாரி, ரோஜா தோட்டம், பைக்காரா நீர்வீழ்ச்சி மற்றும் அணைகள் உள்ளன. ஊட்டி மலை ரயில் மிகவும் பிரபலமானது. காடுகள் மற்றும் குகைகள் வழியாகச் செல்லும் இந்தப் பயணம் உங்கள் வாழ்நாளில் மறக்க முடியாத ஒன்றாக இருக்கும்.
ஆலப்புழா
கேரளாவின் "கிழக்கின் வெனிஸ்" (Venice of the East) என்று அழைக்கப்படும் ஆலப்புழா (Alappuzha/Alleppey), உப்பங்கழி (Backwaters) மற்றும் படகு இல்லங்களுக்கு (Houseboats) உலகப் புகழ்பெற்றது. ஆலப்புழாவின் மிக முக்கியமானது படகு இல்லம். படகு இல்லத்தில் கழிப்பது ஒரு சொகுசான அனுபவத்தை கொடுக்கும். படகிலேயே கேரளா பாரம்பரிய உணவு (மீன் வறுவல் போன்றவை) சமைத்து பரிமாறப்படும். இந்த இடம் புதுமண ஜோடிகள் மத்தியில நல்ல வரவேற்பை பெற்றுள்ளது.
வயநாடு
மலையாள மண்ணின் பசுமை மாறாத சொர்க்கம் வயநாடு (Wayanad). மேற்குத் தொடர்ச்சி மலையின் மடியில் அமைந்துள்ள இந்த மாவட்டம், அடர்ந்த காடுகள், நீர்வீழ்ச்சிகள் மற்றும் பழங்காலக் குகைகளுக்குப் பெயர் பெற்றது. இயற்கையோடு சேர்ந்து கொஞ்சம் அட்வென்ச்சரும் வேண்டும் என்று நினைக்கின்ற ஜோடிகளுக்கு வயநாடுதான் பெஸ்ட். இங்கு மலையேற்றம், அருவிகளுக்கு போவது எல்லாத்தையும் என்ஜாய் செய்யலாம். இது மட்டுமல்ல பசுமையும், குளிர்ச்சியான வானிலையும் கோடை கால ஹனிமூனுக்கு இதை ஒரு சூப்பரான ஸ்பாட் ஆகும்.
