தமிழ்நாடு வெதர்மேனிடம் இருந்து வந்த ஏடாகூடமான வார்னிங்! எந்தெந்த மாவட்டங்களில் மழை அடிச்சு தும்சம் செய்யப்போகுது?

Tamilnadu Weatherman: தமிழக கடற்கரைக்கு அருகில் உருவாகியுள்ள புதிய காற்றழுத்த தாழ்வு நிலையால், சென்னை, திருவள்ளூர், காஞ்சிபுரம், செங்கல்பட்டு உள்ளிட்ட கடலோர மாவட்டங்களில் அடுத்த 2-3 நாட்களுக்கு கனமழை பெய்யும். 

Image Credit : our own

வடகிழக்கு பருவமழை

பெரும் எதிர்பார்ப்புகளுக்கு இடையே தொடங்கியுள்ள வடகிழக்கு பருவமழை தமிழகத்தில் பெரும்பாலான மாவட்டங்களில் விடாமல் கனமழை பெய்து வருகிறது. இந்நிலையில் சென்னை, திருவள்ளூர், காஞ்சிபுரம், செங்கல்பட்டு மாவட்டங்களில் விரைவில் கனமழை தொடங்கும் என தமிழ்நாடு வெதர்மேன் பிரதீப் ஜான் தெரிவித்துள்ளார்.

Image Credit : our own

தமிழ்நாடு வெதர்மேன் பிரதீப் ஜான்

இதுதொடர்பாக அவர் வெளியிட்டுள்ள எக்ஸ் தளத்தில்: தமிழக கடற்கரைக்கு அருகில் இன்று புதிய குறைந்த காற்றழுத்த தாழ்வு நிலை உருவாகியுள்ளதால் சென்னை, திருவள்ளூர், காஞ்சிபுரம், செங்கல்பட்டு மாவட்டங்களில் இன்று உட்பட அடுத்த 2 முதல 3 நாட்கள் (அக்டோபர் 21-23) பலத்த மழை பெய்யும். தமிழக கடலோரத்திற்கு மிக அருகில் உருவாகியுள்ள இந்தக் காற்றழுத்த தாழ்வுப் பகுதியால், டெல்டா மாவட்டங்கள், கடலூர், ராமநாதபுரம் ஆகிய பகுதிகளில் பலத்த மழைக்கு அதிக வாய்ப்பு உள்ளது. இந்த காற்றழுத்த தாழ்வுப் பகுதி, தமிழக கடலோரத்திற்கு இணையாக நகர்ந்து அடுத்த இரண்டு நாட்களுக்கு மாநிலம் முழுவதும் பரவலான மழையைக் கொடுக்கும். மேலும், இது அரபிக் கடலில் உள்ள தாழ்வுப் பகுதி ஒன்றுடன் இணைந்துள்ளதால், உள் மாவட்டங்களிலும் நல்ல மழை பெய்யும். தமிழகத்திற்கான மழை நாட்கள் தொடரும் என்றும், இந்த அக்டோபர் மாதம் தமிழகத்திற்கு மிகப்பெரிய அளவில் முடிவடையும் என தெரிவித்துள்ளார்.

Image Credit : Google

டெல்டா மாவட்டங்களில் மழை

டெல்டா மாவட்டங்களை ஒட்டி குவிந்துள்ள மழைக்கான சூழல், காற்றழுத்த தாழ்வுப் பகுதி வடக்கு நோக்கி நகரும்போது, படிப்படியாக கடலூர் பகுதிக்கும், பின்னர் சென்னை பகுதிக்கும் நகரும். இதனால், இன்று உட்பட அடுத்த இரண்டு நாட்களுக்கு சென்னையில் பகல் நேரத்திலும் அதிக மழை பெய்ய வாய்ப்புள்ளது. குறிப்பாக, சென்னையில் இன்று அதிக மழைப் பொழிவு இருக்கும். இந்த காற்றழுத்த தாழ்வுப் பகுதி புயலாக மாற வாய்ப்பில்லை. அது நமது அட்சரேகைக்கு மேலே நகர்ந்தவுடன் நமது மழை குறையும். இந்த குறைந்த காற்றழுத்த தாழ்வு நிலை சக்கரமாக மாறாது.

Image Credit : Google

அனைத்து மாவட்டங்களிலும் மழை

தமிழகத்தின் கிட்டத்தட்ட அனைத்து மாவட்டங்களிலும் இன்று மழை பெய்ய வாய்ப்புள்ளதால், குறிப்பிட்ட ஒரு மாவட்டத்தைக் குறிப்பிட்டுச் சொல்வது கடினம். எனினும், பின்வரும் மாவட்டங்களில் கனமழைக்கு அதிக வாய்ப்புள்ளது. டெல்டா மாவட்டங்கள் (நாகை, திருவாரூர், திருச்சி, தஞ்சாவூர், பெரம்பலூர், காரைக்கால், புதுக்கோட்டை), ராமநாதபுரம், கடலூர், பாண்டி, பெரம்பலூர், அரியலூர், விழுப்புரம், சென்னை, திருவள்ளூர், காஞ்சிபுரம், செங்கல்பட்டு ஆகிய மாவட்டங்களிலும் கனமழை பெய்ய வாய்ப்புள்ளது.

Image Credit : Google

KTCC இன்று கனமழை தொடரும்

மற்றொரு பதிவில் டெல்டாவிற்கு அருகிலுள்ள தாழ்வான பகுதிகளிலிருந்து வரும் பட்டைகள் சென்னை, திருவள்ளூர், காஞ்சிபுரம், செங்கல்பட்டு நோக்கி வடக்கு நோக்கித் தள்ளப்படுவதால் தயாராகுங்கள், விரைவில் மழை தொடங்கும். ராமநாதபுரம், டெல்டா, கடலூர், பாண்டி மற்றும் KTCC இலிருந்து இன்று கனமழை தொடரும் என தெரிவித்துள்ளார்.