சென்னை–பெங்களூரு புல்லெட் ரயிலில் பெரிய திருப்பம்! கோயம்புத்தூருக்கும் புல்லெட் ரயிலா?

மத்திய பட்ஜெட் 2026–27ல் அறிவிக்கப்பட்ட இந்த அதிவேக ரயில் திட்டம், சென்னை–பெங்களூரு பயண நேரத்தை சுமார் 1 மணி 13 நிமிடங்களாக குறைக்கும் என்று எதிர்பார்க்கப்படுகிறது.

Image Credit : x

சென்னை பெங்களூரு புல்லெட் ரயில்

தமிழ்நாடு பாஜக தலைவி வானதி சீனிவாசன், சென்னை–பெங்களூரு புல்லெட் ரயில் திட்டத்தில் முக்கியமான மாற்றம் தேவை என்று வலியுறுத்தியுள்ளார். இது தொடர்பாக அவர் மத்திய ரயில்வே அமைச்சர் அஸ்வினி வைஷ்ணவ் அவர்களுக்கு கடிதம் எழுதியுள்ளார். அந்தக் கடிதம், தென்னிந்திய போக்குவரத்து வரைபடத்தையே மாற்றக்கூடிய ஒரு புதிய பார்வையை முன்வைக்கிறது.

Image Credit : Getty

கோயம்புத்தூர் புல்லெட் ரயில்

அவரது யோசனை மிகவும் எளிமையானது ஆனால் தாக்கம் மிகுந்தது. சென்னை–பெங்களூரு இடையே மட்டும் புல்லெட் ரயிலை இயக்காமல், சேலம் வழியாக கோயம்புத்தூருக்கு ஒரு கிளை பாதையை உருவாக்க வேண்டும் என்பதே அவர் கருத்து ஆகும். இதை மேலும் கொச்சி வழியாக திருவனந்தபுரம் வரை நீட்டிக்கலாம் என்றும் அவர் குறிப்பிட்டுள்ளார். இவ்வாறு விரிவாக்கம் செய்யப்பட்டால், இரண்டு நகரங்களுக்கு இடையேயான திட்டம், முழு பிராந்திய வளர்ச்சிக்கான அடிப்படையாக மாறும் என அவர் நம்புகிறார்.

Image Credit : Getty

அதிவேக ரயில் திட்டம்

மத்திய பட்ஜெட் 2026–27ல் அறிவிக்கப்பட்ட இந்த அதிவேக ரயில் திட்டம், சென்னை–பெங்களூரு பயண நேரத்தை சுமார் 1 மணி 13 நிமிடங்களாக குறைக்கும் என்று எதிர்பார்க்கப்படுகிறது. ஆனால், தமிழ்நாட்டின் தொழில்துறை மையமான கோயம்புத்தூரை இந்த திட்டத்தில் சேர்க்காமல் விடக்கூடாது என்பதே முக்கிய காரணம். கோயம்புத்தூரிலிருந்து சென்னை, பெங்களூரு நோக்கி தினமும் நடைபெறும் விமானம், பேருந்து மற்றும் ரயில் பயணங்களே, அங்கு ஏற்கனவே உள்ள பெரிய பயணத் தேவைகளைக் காட்டுகிறது.

Image Credit : Google

சேலம் கோயம்புத்தூர் ரயில்

இந்த திட்டம் கோயம்புத்தூருடன் மட்டுமல்லாமல், கொச்சி மற்றும் திருவனந்தபுரம் வரை நீட்டிக்கப்பட்டால், தமிழ்நாடு மற்றும் கேரளாவின் முக்கிய பொருளாதார மையங்கள் ஒன்றுடன் ஒன்று இணைக்கப்படும். துணி தொழில், ஐடி பூங்காக்கள், துறைமுகங்கள், கல்வி மற்றும் மருத்துவ மையங்கள், சுற்றுலா பகுதிகள் ஆகியவை ஒரே அதிவேக ரயில் வலையமைப்பில் சேரும் வாய்ப்பு உருவாகும்.

Image Credit : our own

வானதி சீனிவாசன்

மேலும், இரு மாநிலங்களும் முன்மொழிந்துள்ள RRTS திட்டங்களுடன் இந்த புல்லெட் ரயில் கிளை பாதையை ஒருங்கிணைத்தால், நிலம் கையகப்படுத்தும் செலவு குறையும், பயணிகள் எண்ணிக்கை உயரும் என வனதி சுட்டிக்காட்டுகிறது. திட்டத்தின் இறுதி பாதை இன்னும் நிர்ணயிக்கப்படாத நிலையில், இப்போதே சாத்தியக்கூறு ஆய்வு நடத்த வேண்டும் என்றும் அவர் கோரியுள்ளார். இந்த யோசனை ஏற்றுக்கொள்ளப்பட்டால், ஒரு வேகமான ரயில் திட்டம், முழு தென்னிந்தியாவிற்கான வளர்ச்சி நரம்பாக மாறும்.