Praggnanandhaa meets CM Vijay : CM விஜய்யுடன் செஸ் விளையாடிய பிரக்ஞானந்தா : மாஸ் கிளப்பிய தளபதி! - வீடியோ உள்ளே

Praggnanandhaa meets CM Vijay : நார்வே செஸ் தொடரில் வரலாற்றுச் சாதனை படைத்த இந்திய கிராண்ட்மாஸ்டர் பிரக்ஞானந்தாவை, முதலமைச்சர் சி. ஜோசப் விஜய் நேரில் அழைத்து கௌரவித்ததுடன், அவருக்கு ரூ. 50 லட்சம் பரிசுத்தொகையையும் வழங்கிப் பாராட்டினார்.

Image Credit : CHATGPT

முதலமைச்சரின் பாராட்டு

கடந்த ஜூன் 6-ம் தேதி நார்வேயின் ஓஸ்லோவில் நடைபெற்ற புகழ்பெற்ற ‘நார்வே செஸ்’ தொடரில், 20 வயதான பிரக்ஞானந்தா சாம்பியன் பட்டம் வென்று புதிய வரலாறு படைத்தார். இந்தத் தொடரில் தொடக்கத்தில் சில பின்னடைவுகளைச் சந்தித்தாலும், உலக சாம்பியன் மேக்னஸ் கார்ல்சன் உள்ளிட்ட முன்னணி வீரர்களை வீழ்த்தி, அவர் அசத்தலாகத் திரும்பி வந்து இந்த வெற்றியைப் பதிவு செய்தது குறிப்பிடத்தக்கது.

இந்த வரலாற்றுச் சிறப்புமிக்க வெற்றியைப் பெற்ற பிரக்ஞானந்தாவை அழைத்து பாராட்டிய முதலமைச்சர் விஜய், தமிழக அரசு சார்பில் ரூ. 50 லட்சம் பரிசுத்தொகையையும் வழங்கினார். இந்நிகழ்வில் பொதுப்பணித்துறை மற்றும் விளையாட்டுத்துறை அமைச்சர் ஆதவ் அர்ஜுனா மற்றும் பிரக்ஞானந்தாவின் தாயார் நாகலட்சுமி ஆகியோர் உடனிருந்தனர்.

Image Credit : Asianet News

நெகிழ வைத்த செஸ் போட்டி

இந்த சந்திப்பின் போது, எதிர்பாராத விதமாக முதலமைச்சர் விஜய், பிரக்ஞானந்தாவை ஒரு நட்பு ரீதியான செஸ் போட்டிக்கு அழைத்தார். எவரும் எதிர்பாராத இந்தச் சம்பவம் அங்கிருந்தவர்களை உற்சாகப்படுத்தியது. இருவரும் அமர்ந்து சதுரங்கப் பலகையில் வேகமாகவும், அதே சமயம் தீவிரமாகவும் நகர்த்தல்களை மேற்கொண்டனர்.

#WATCH | Chennai | Tamil Nadu CM Vijay meets Indian Grandmaster R Praggnanandhaa and awards him Rs 50 lakh on behalf of the Sports Development Authority of Tamil Nadu after the chess player won the Norway Chess 2026 title.

(Source: TNDIPR) pic.twitter.com/Lf4dNgYrEX

— ANI (@ANI) June 8, 2026

இந்த போட்டியில் பிரக்ஞானந்தா வெற்றி பெற்றாலும், முதலமைச்சரின் சதுரங்கத் திறமை அவருக்கு ஆச்சரியத்தை அளித்தது. இது குறித்து செய்தியாளர்களிடம் பேசிய பிரக்ஞானந்தா, "முதலமைச்சர் இவ்வளவு நன்றாக சதுரங்கம் விளையாடுவார் என்று நான் எதிர்பார்க்கவில்லை. அவருடன் விளையாடியது மிகுந்த மகிழ்ச்சியளிக்கிறது. அவரது நகர்த்தல்கள் மிகவும் நுணுக்கமாகவும், கவனமாகவும் இருந்தன," என்று தனது வியப்பை வெளிப்படுத்தினார்.

Image Credit : CHATGPT

சமூக வலைத்தளங்களில் வைரல்

இந்தச் சந்திப்பின் போது எடுக்கப்பட்ட புகைப்படங்களும், சதுரங்கம் விளையாடும் காணொளியும் தற்போது சமூக வலைதளங்களில் வைரலாகப் பரவி வருகின்றன. விளையாட்டு வீரர்களை ஊக்கப்படுத்துவதில் முதலமைச்சர் காட்டும் ஆர்வம், ரசிகர்களிடையே பெரும் வரவேற்பைப் பெற்றுள்ளது.

Exclusive:-CM Vijay played chess with me. I thought it would be easy to win, but his moves were very calculated and tough 😳🔥. In the end, I managed to win- Says Praggnanandhaa ♟️

pic.twitter.com/lpHyCaPOUl

— TD....❥ (@MiniiGirl__) June 8, 2026

இந்தத் தருணம் தமிழக விளையாட்டு வரலாற்றில் ஒரு மறக்க முடியாத நிகழ்வாகப் பதிவாகியுள்ளது.