சஞ்சு சாம்சன் அரையிறுதியில் விளையாட தடையா? வெற்றி கொண்டாட்டத்தால் வந்த வினை.. ரசிகர்கள் ஷாக்!

சிக்சர், பவுண்டரி அடித்து அணியை வெற்றி பெற வைத்த சஞ்சு சாம்சன் வெற்றிக் கொண்டாட்டத்தில் ஹெல்மெட்டை தூக்கி எறிந்து விட்டு மைதானத்தில் முழங்காலிட்டு சிலுவையிட்டு இறைவனை வேண்டினார்.

Image Credit : Getty

மேட்ச் வின்னர் சஞ்சு சாம்சன்

டி20 உலகக்கோப்பையில் வெஸ்ட் இண்டீசுக்கு எதிரான சூப்பர் 8 போட்டியில் இந்திய அணி 5 விக்கெட் வித்தியாசத்தில் வெற்றி பெற்றது. சஞ்சு சாம்சன் அதிரடியாக விளையாடி அணியை வெற்றி பெற வைத்தார். இந்த போட்டியில் முதலில் பேட்டிங் செய்த வெஸ்ட் இண்டீஸ் அணி 20 ஓவர்களில் 4 விக்கெட் இழப்பிற்கு 195 ரன்கள் குவித்தது. பின்பு விளையாடிய இந்திய அணி 19.2 ஓவரில் 5 விக்கெட் இழந்து 199 ரன்கள் எடுத்து வெற்றி பெற்றது. அதிரடியாக விளையாடிய சஞ்சு சாம்சன் 50 பந்துகளில் 12 பவுண்டரி, 4 சிக்சருடன் 97 ரன்கள் எடுத்து இறுதிவரை ஆட்டமிழக்காமல் இருந்தார்.

Image Credit : X/BCCI

சஞ்சுவின் வெற்றி கொண்டாட்டம்

சிக்சர், பவுண்டரி அடித்து அணியை வெற்றி பெற வைத்த சஞ்சு சாம்சன் வெற்றிக் கொண்டாட்டத்தில் ஹெல்மெட்டை தூக்கி எறிந்து விட்டு மைதானத்தில் முழங்காலிட்டு சிலுவையிட்டு இறைவனை வேண்டினார். இந்த வெற்றிக் கொண்டாட்டமே சஞ்சு சாம்சனுக்கு வினையாக அமைந்தது. ஐசிசி விதிகளை அவர் மீறியதால் இங்கிலாந்துக்கு எதிரான அரையிறுதி போட்டியில் சஞ்சு சாம்சனுக்கு தடை விதிக்கப்படுகிறதா? என கேள்வி எழுந்துள்ளது.

Image Credit : Getty

ஹெல்மெட்டை தூக்கி எறிந்தது தான் பிரச்சனை

சஞ்சு சாம்சன் தான் பின்பற்றும் மதரீதியாக வெற்றியை கொண்டாடியதில் எந்த மீறமுல் இல்லை. ஆனால் அதற்கு முன்பாக அவர் ஹெல்மெட்டை தூக்கி வீசியது தான் பிரச்சனைக்கு காரணம். ஐசிசி நடத்தை விதிகளின் கீழ் கிரிக்கெட் உபகரணங்களை தவறாக கையாளுவது "Abuse of cricket equipment" என்ற குற்றச்சாட்டின் கீழ் வரும். சஞ்சு சாம்சன் செய்த தவறு நிலை 1 என்ற குற்றசாட்டின் கீழ் வருவதால் போட்டி கட்டணத்தில் 50% வரை அபராதம் மற்றும் 1-2 டிமெரிட் (Demerit) புள்ளிகள் வழங்கப்படும்.

Image Credit : ANI

அரையிறுதியில் விளையாட தடையா?

இதே தவறை அவர் மீண்டும் செய்தால் போட்டி கட்டணத்தில் 50% முதல் 100% வரை அபராதம் மற்றும் 3-4 டிமெரிட் புள்ளிகள் அல்லது ஒரு போட்டியில் விளையாட தடை விதிக்கப்படும். ஒரு வீரர் 24 மாதங்களில் 4 டிமெரிட் புள்ளிகளைப் பெற்றால் மட்டுமே ஒரு போட்டித் தடை விதிக்கப்படும். ஆகவே சஞ்சு சாசம்ன் அபராதம் அல்லது வெறும் வார்னிங்கோடு தப்பித்து விடவே அதிக வாய்ப்புள்ளது. இதனால அவர் இங்கிலாந்துக்கு எதிரான அரையிறுதி போட்டியில் விளையாட எந்த தடையும் இல்லை.