ஐபிஎல் வரலாற்றில் முதல் முறை – தோத்தாலும் ஜெயிச்சாலும் சாதனையில் தனி முத்திரை பதித்த ரியான் பராக்!

Riyan Parag Hit 6 Sixes in an IPL 2025 : ஐபிஎல் வரலாற்றில் புதிய சாதனை. 6 பந்துகளில் 6 சிக்சர்கள் அடித்து ரியான் பராக் புதிய சாதனை படைத்துள்ளார்.

6 பந்துகளில் 6 சிக்சர்கள் அடித்த ராஜஸ்தான் ராயல்ஸ் அணி வீரர் ரியான் பராக்

ஐபிஎல் போட்டியில் கொல்கத்தா நைட் ரைடர்ஸ் அணிக்கு எதிராக ஆறு பந்துகளில் ஆறு சிக்சர்கள் அடித்து ராஜஸ்தான் ராயல்ஸ் அணி வீரர் ரியான் பராக் புதிய சாதனை படைத்துள்ளார். ஐபிஎல் தொடரில் இதுவே முதல் முறையாக 6 பந்துகளில் 6 சிக்சர்கள் அடித்து சாதனை படைத்துள்ளார். இரண்டு ஓவர்களில் பராக் தொடர்ச்சியாக ஆறு சிக்சர்கள் அடித்துள்ளார். ஐபிஎல் வரலாற்றில் முதல் முறையாக ஒரு பேட்ஸ்மேன் தொடர்ச்சியாக ஆறு பந்துகளில் ஆறு சிக்சர்கள் அடித்துள்ளார். மொயின் அலியின் கடைசி 5 பந்துகள் மற்றும் அடுத்த ஓவரில் வருண் சக்கரவர்த்தியின் முதல் பந்தில் சிக்சர் அடித்து சாதனை படைத்துள்ளார்.

ஒரே ஓவரில் மட்டும் 5 சிக்ஸர்கள் அடித்த 5ஆவது வீரர்

206 ரன்கள் இலக்கைத் துரத்திய ராஜஸ்தான் ராயல்ஸ் ஒரு கட்டத்தில் தடுமாறியது. 71 ரன்களுக்கு அணியின் ஐந்து பேட்ஸ்மேன்கள் அவுட்டாகியிருந்தனர். பின்னர் 13வது ஓவரில் ரியான் பராக் மொயின் அலிக்கு சிம்ரன் ஹெட்மியர் ஒரு சிங்கிள் எடுத்தார். பின்னர் அடுத்த ஐந்து பந்துகளில் ஐந்து சிக்சர்கள் அடித்தார். பின்னர் 14வது ஓவரில் வருண் சக்கரவர்த்தியின் முதல் பந்திலேயே ஒரு பெரிய சிக்சர் அடித்து 6 பந்துகளில் 6 சிக்சர்கள் அடிக்கும் சாதனையைப் படைத்தார்.

ஒரு ரன்னில் ராஜஸ்தான் ராயல்ஸ் தோல்வி

ஐபிஎல் போட்டியில் கிறிஸ் கெய்ல், கீரன் பொல்லார்ட் மற்றும் ரிங்கு சிங் ஆகியோர் தொடர்ச்சியாக ஐந்து சிக்சர்களை அடித்துள்ளனர். கெய்ல் பஞ்சாப் சுழற்பந்து வீச்சாளர் ராகுல் சர்மாவுக்கு எதிராகவும், பொல்லார்ட் சன்ரைசர்ஸ் ஹைதராபாத்தின் திசாரா பெரேராவுக்கு எதிராகவும், ரிங்கு சிங் குஜராத்தின் யாஷ் தயாளுக்கு எதிராகவும் ஐந்து சிக்சர்களை அடித்தனர். தற்போது ரியான் பராக் இந்த சாதனையை முறியடித்துள்ளார்.

கேகேஆர் அணிக்கு எதிராக ரியான் பராக் அதிரடி

கேகேஆர் அணிக்கு எதிராக ரியான் பராக் அதிரடி ஆட்டத்தை வெளிப்படுத்தினார். அவர் 45 பந்துகளில் 95 ரன்கள் எடுத்தார், இதில் 6 பவுண்டரிகள் மற்றும் 8 சிக்சர்கள் அடங்கும். இருப்பினும், மற்றொரு சிக்சர் அடிக்க முயன்றபோது அவுட்டாகி சதத்தை தவறவிட்டார். இருப்பினும், பின்னர் போட்டி விறுவிறுப்பானது. ராஜஸ்தான் ராயல்ஸ் 1 ரன் வித்தியாசத்தில் தோல்வியடைந்தது. இந்த சீசனில் இதுவே அவரது சிறந்த தனிப்பட்ட ஸ்கோர்.

ராஜஸ்தான் ராயல்ஸ் 205 ரன்கள் எடுத்தது

கேகேஆர் 206 ரன்கள் எடுத்திருந்த நிலையில், ராஜஸ்தான் ராயல்ஸ் 205 ரன்கள் எடுத்தது. 1 ரன்கள் வித்தியாசத்தில் ராஜஸ்தான் ராயல்ஸ் தோல்வியடைந்தது. ஆனால் ரியான் பராக் அதிரடி ஆட்டம் இந்தப் போட்டியின் சிறப்பம்சமாகும்.