2027-ல் இந்தியாவுக்கு மரண அடி காத்திருக்கு.. ODI உலகக்கோப்பையில் இந்தியாவை வீழ்த்துவது உறுதி.. பாக். கேப்டன் சபதம்

2027 ஒருநாள் உலகக்கோப்பைத் தொடரில் இறுதிப் போட்டியில் பலம் வாய்ந்த இந்திய அணியை வீழ்த்தி பாகிஸ்தான் கோப்பையைக் கைப்பற்றுமென அந்த அணியின் கேப்டன் ஷஹீன் ஷா அப்ரிடி தெரிவித்துள்ளார்.

Image Credit : Getty

பாகிஸ்தான் அணியின் மோசமான பெர்பாமன்ஸ்

பாகிஸ்தான் கிரிக்கெட் அணி கடந்த சில தொடர்களில் எதிர்பார்த்த வெற்றிகளைப் பெறத் தவறியுள்ளது. குறிப்பாக, 2026 டி20 உலகக் கோப்பையில் லீக் சுற்றிலேயே இந்தியாவிடம் (61 ரன்கள் வித்தியாசத்தில்) தோல்வியடைந்து, பின்னர் சூப்பர்-8 சுற்றோடு வெளியேறியது அந்நாட்டு ரசிகர்களிடையே பெரும் அதிருப்தியை ஏற்படுத்தியது. இந்நிலையில், கேப்டன் பதவியில் நீடிக்கும் ஷஹீன் அப்ரிடி, அணியின் எதிர்காலத் திட்டம் குறித்துப் பேசியுள்ளார்.

Image Credit : Getty

கடந்த காலத்தை மறப்போம்: ஷஹீனின் பிளான்

"கடந்த காலத்தில் நடந்தது முடிந்துவிட்டது. அதை நினைத்துக் கொண்டிருப்பதில் பயனில்லை" என்று தனது பேட்டியைத் தொடங்கிய ஷஹீன், 2027 ஒருநாள் உலகக் கோப்பைக்காக (ODI World Cup 2027) தயாராவதை இப்போதே தொடங்க விரும்புவதாகத் தெரிவித்தார்.

"எங்கள் முழு கவனமும் இப்போது 2027 உலகக் கோப்பையின் மீதுதான் உள்ளது. அந்தத் தொடரில் நாங்கள் ஆதிக்கம் செலுத்த விரும்புகிறோம். நிச்சயமாக, இறுதிப்போட்டியில் இந்தியாவை வீழ்த்தி கோப்பையைக் கைப்பற்றுவோம்," என அவர் நம்பிக்கையுடன் தெரிவித்தார்.

Image Credit : X@ICC/BCCI

இந்தியா - பாகிஸ்தான் மோதல்: ஒரு தீராத பகை

உலகக் கோப்பை வரலாற்றில், குறிப்பாக ஒருநாள் போட்டிகளில் இந்தியாவுக்கு எதிராகப் பாகிஸ்தானின் சாதனை மிகவும் பலவீனமாகவே உள்ளது. இதுவரை நடந்த ஒருநாள் உலகக் கோப்பை போட்டிகளில் இந்தியா 8-0 என்ற கணக்கில் முன்னிலையில் உள்ளது.

2021 டி20 உலகக் கோப்பையில் மட்டுமே பாகிஸ்தான் இந்தியாவை வீழ்த்தியது. அந்த வரலாற்று வெற்றியில் ஷஹீன் அப்ரிடியின் பந்துவீச்சு (ரோகித், ராகுல், கோலி விக்கெட்டுகள்) முக்கியப் பங்கு வகித்தது. அந்தத் தன்னம்பிக்கையிலேயே, 2027-ல் தென்னாப்பிரிக்கா, ஜிம்பாப்வே மற்றும் நமீபியாவில் நடைபெறவுள்ள உலகக் கோப்பையில் இந்தியாவை இறுதிப்போட்டியில் வீழ்த்துவோம் என்று அவர் சவால் விடுத்துள்ளார்.

Image Credit : stockphoto

பாகிஸ்தான் அணியின் தற்போதைய நிலை

ஷஹீன் அப்ரிடியின் இந்த ஆக்ரோஷமான பேச்சு ஒருபுறம் இருக்க, பாகிஸ்தான் கிரிக்கெட் வாரியம் (PCB) அணியில் பெரிய மாற்றங்களைச் செய்யத் திட்டமிட்டுள்ளது. ஷஹீனின் மாமனாரும், முன்னாள் வீரருமான ஷாஹித் அப்ரிடி, ஷஹீனின் பந்துவீச்சு உத்திகள் மற்றும் கேப்டன்சி குறித்துப் பகிரங்கமாக விமர்சித்துள்ளார்.

2027 உலகக் கோப்பைக்கு முன்பாக ஒரு வலுவான ஒருநாள் அணியைக் கட்டியெழுப்ப பயிற்சியாளர் மைக் ஹெசன் மற்றும் ஷஹீன் அப்ரிடிக்கு பிசிபி அறிவுறுத்தியுள்ளது.

Image Credit : Getty

ரசிகர்களின் எதிர்வினை

ஷஹீன் அப்ரிடியின் இந்த 'இறுதிப்போட்டி சவால்' சமூக வலைதளங்களில் வைரலாகி வருகிறது. இந்திய ரசிகர்கள் "முதலில் அரையிறுதிக்கு முன்னேறுங்கள், பிறகு பார்க்கலாம்" என கிண்டல் செய்து வரும் நிலையில், பாகிஸ்தான் ரசிகர்கள் "கேப்டனின் இந்த தன்னம்பிக்கை அணிக்குத் தேவை" என ஆதரவு தெரிவித்து வருகின்றனர்.