IND vs SA 1st T20: கம்பேக் மேட்ச்சில் காட்டடி அடித்த ஹர்திக் பாண்ட்யா.. SA-க்கு சவாலான இலக்கு!

ஒருபக்கம் விக்கெட் வீழ்ந்தாலும் மறுபக்கம் நீண்ட இடைவெளிக்கு பிறகு கம்பேக் கொடுத்த ஹர்திக் பாண்ட்யா அதிரடியில் வெளுத்துக் கட்டினார். கேசவ் மகாராஜ் பந்தில் தொடர்ந்து 2 சிக்சர்கள் விளாசிய அவர் நோர்க்யா ஓவரிலும் பவுண்டரிகளாக விரட்டினார்.

Image Credit : Getty

இந்திய அணி முதலில் பேட்டிங்

கட்டாக்கில் நடந்து வரும் தென்னாப்பிரிக்காவுக்கு எதிரான முதல் போட்டியில் முதலில் பேட்டிங் செய்த இந்திய அணி 20 ஓவர்களில் 6 விக்கெட் இழப்பிற்கு 175 ரன்கள் எடுத்துள்ளது. பிட்ச் தொடக்கம் முதலே பவுலிங்குக்கு நன்றாக கைகொடுத்த நிலையில், தென்னாப்பிரிக்கா பவுலர்கள் அதை பயன்படுத்தி சூப்பராக பவுலிங் போட்டனர். காயத்தில் இருந்து மீண்ட துணை கேப்டன் சுப்மன் கில் வெறும் 4 ரன்னில் லுங்கி இங்கிடி பந்தில் மார்கோ யான்சனிடம் கேட்ச் ஆனார்.

Image Credit : Getty

பேட்ஸ்மேன்கள் ஏமாற்றம்

அடுத்து வந்த கேப்டன் சூர்யகுமார் யாதவ் (12 ரன்) 1 சிக்சர் அடித்த திருப்தியுடன் லுங்கி இங்கிடி பந்தில் வெளியேறினார். பின்பு அதிரடி இளம் வீரர் அபிஷேக் சர்மாவும் (17 ரன்) விரைவில் நடையை கட்டினார். இந்திய அணி 48/3 என பரிதவித்தது. பின்னர் ஓரளவு சிறப்பாக விளையாடிய திலக் வர்மா (26) இங்கிடி பந்தில் கேட்ச் ஆனார். பின்பு அக்சர் படேலும் (23 ரன்) விரைவில் வெளியேறினார்.

Image Credit : X/BCCI, hardikpandya7

ஹர்திக் பாண்ட்யா அதிரடி

ஒருபக்கம் விக்கெட் வீழ்ந்தாலும் மறுபக்கம் நீண்ட இடைவெளிக்கு பிறகு கம்பேக் கொடுத்த ஹர்திக் பாண்ட்யா அதிரடியில் வெளுத்துக் கட்டினார். கேசவ் மகாராஜ் பந்தில் தொடர்ந்து 2 சிக்சர்கள் விளாசிய அவர் நோர்க்யா ஓவரிலும் பவுண்டரிகளாக விளாசினார். இதற்கிடையே ஷிவம் துபேவும் (11) கிளீன் போல்டானார். மறுபக்கம் கொஞ்சம் கூட பயமின்றி காட்டடி அடித்த ஹர்திக் பாண்ட்யா 25 பந்தில் சூப்பர் அரை சதம் விளாசினார்.

Image Credit : Getty

தென்னாப்பிரிக்காவுக்கு சவாலான இலக்கு

இந்திய அணி 20 ஓவரில் 175 ரன்கள் எடுத்தது. ஹர்திக் பாண்ட்யா வெறும் 28 பந்துகளில் 6 பவுண்டரி, 4 சிக்சர்களுடன் 59 ரன்கள் அடித்து ஆட்டமிழக்காமல் இருந்தார். தென்னாப்பிரிக்கா தரப்பில் சிறப்பாக பந்துவீசிய லுங்கி இங்கிடி 4 ஓவரில் 31 ரன் கொடுத்து 3 விக்கெட் சாய்த்தார். லுதோ சிபாம்லா 2 விக்கெட் வீழ்த்தினார். சவாலான இலக்கை நோக்கி தென்னாப்பிரிக்கா பேட்டிங் செய்கிறது.