டெய்லி இரண்டே இரண்டு பேரீச்சம்பழம்; எக்கச்சக்க ஹெல்த் பெனிபிட்ஸ் இருக்கு தெரியமா?

பழங்கள் மற்றும் உலர்பழங்களில் அதிக அளவிலான நன்மைகள் உள்ளது. அவற்றை அரைத்து பழரசமாக அருந்துவதை விட, அப்படியே உணர்வது தான் மிக மிக சிறந்த நன்மைகளை தருகின்றது. அந்த வகையில் பேரீச்சம் பழத்தை சாப்பிடுவதால் பல நன்மைகள் ஏற்படுகிறது என்று அறிவியல் பூர்வமாக நிரூபிக்கப்பட்டுள்ளது. அந்த வகையில் பேரீச்சம் உலர்ந்து இருப்பதால், அவற்றின் கலோரி உள்ளடக்கம் பெரும்பாலான பழங்களை விட அதிகமாக உள்ளது. பேரீச்சம்பழத்தின் கலோரி திராட்சை மற்றும் அத்திப்பழங்கள் போன்ற பிற உலர்ந்த பழங்களைப் போலவே உள்ளது.

பேரீச்சம்பழத்தில் உள்ள கலோரிகளில் பெரும்பாலானவை கார்போஹைட்ரேட்டுகளிலிருந்து வருகிறது. மீதமுள்ளவை மிகக் குறைந்த அளவு புரதத்திலிருந்து வருகின்றது. கொஞ்சம் கலோரிகள் இருந்தபோதிலும், பேரீச்சம்பழத்தில் குறிப்பிடத்தக்க அளவு நார்ச்சத்து கூடுதலாக உள்ளது மேலும் சில முக்கியமான வைட்டமின்கள் மற்றும் தாதுக்களும் உள்ளன.

வெயிட் லாஸ் பண்ண போறீங்களா? இந்த கட்டுக்கதைகளை இனியும் நம்பாதீங்க!

உங்கள் ஒட்டுமொத்த ஆரோக்கியத்திற்கு போதுமான நார்ச்சத்து பெறுவது முக்கியம். 3.5 அவுன்ஸ் பேரீச்சம்பழத்தில் கிட்டத்தட்ட 7 கிராம் நார்ச்சத்து உள்ளது. ஆகவே தினமும் உங்கள் நார்ச்சத்து உட்கொள்ளலை அதிகரிக்க பேரீச்சம் ஒரு சிறந்த வழியாகும். மலச்சிக்கலைத் தடுப்பதன் மூலம் நார்ச்சத்து உங்கள் செரிமான ஆரோக்கியத்திற்கு பயனளிக்கும். மலம் கழிக்க உதவுவதால் குடல் இயக்கங்களை அது ஊக்குவிக்கிறது. ஒரு ஆய்வில், 7 பேரீச்சம்பழங்களை 21 நாட்களுக்கு உட்கொண்ட, 21 பேர் மல சிக்கலில் இருந்து நல்ல விடுதலை பெற்றுள்ளனர்.

பேரீச்சம்பழம் பல்வேறு ஆன்டிஆக்ஸிடன்ட்களை வழங்குகிறது, அவை பல ஆரோக்கிய நன்மைகளைக் கொண்டுள்ளன, பல நோய்களின் அபாயத்தைக் குறைக்கின்றன. ஆன்டிஆக்ஸிடன்ட்கள் உங்கள் செல்களை ஃப்ரீ ரேடிக்கல்களிலிருந்து பாதுகாக்கின்றன. இவை நிலையற்ற மூலக்கூறுகளாகும், அவை உங்கள் உடலில் தீங்கு விளைவிக்கும் எதிர்வினைகளை ஏற்படுத்தலாம் மற்றும் நோய்க்கு வழிவகுக்கலாம். அத்திப்பழம் மற்றும் உலர்ந்த பிளம்ஸ் போன்ற பழ வகைகளுடன் ஒப்பிடும்போது, ​பேரீச்சம்பழங்களில் அதிக ஆக்ஸிஜனேற்ற உள்ளடக்கம் உள்ளது.

கர்ப்பிணிகளுக்கு சுக பிரசவத்தை ஊக்குவிக்கும் மற்றும் எளிதாக்கும் திறன்கொண்டது பேரீச்சம் என்ற ஒரு நம்பிக்கை உள்ளது. கர்ப்பத்தின் கடைசி சில வாரங்களில் இந்த பழங்களை சாப்பிடுவது கர்ப்பப்பை வாய் விரிவாக்கத்தை ஊக்குவிக்கும் மற்றும் இயற்கை அல்லாத பிரசவத்தின் தேவையை குறைக்கலாம் என்று நம்பப்படுகிறது. 2011 ஆம் ஆண்டின் பகுப்பாய்வில், குழந்தை பிறகும் காலத்திற்கு முன்னதாக பேரீச்சம்பழங்களை எடுத்துக் கொண்ட கர்பிணி பெண்கள், பேரீச்சம்பழத்தை சாப்பிடாதவர்களை விட குறைவான நேரமே பிரசவ வலியில் இருப்பதைக் கண்டறிந்துள்ளனர்.

தாய்ப்பால் போல சத்தான தேங்காய்... ஆனா சமைக்காமல் சாப்பிட்டால் பக்க விளைவு வருமா?