- Home
- Lifestyle
- Onions: இந்தியாவில் வெங்காயம், பூண்டு தடை செய்யப்பட்ட ஒரே நகரம் இதுதான்.! வெங்காயம் பூண்டு வாங்க, விற்க, சாப்பிட தடை.! ஏன் தெரியுமா?
Onions: இந்தியாவில் வெங்காயம், பூண்டு தடை செய்யப்பட்ட ஒரே நகரம் இதுதான்.! வெங்காயம் பூண்டு வாங்க, விற்க, சாப்பிட தடை.! ஏன் தெரியுமா?
Village Without Onions in India: நம் நாட்டில் வெங்காயமே இல்லாத ஒரு கிராமம் உள்ளது. ஊர் முழுவதும் தேடினாலும் வெங்காயம், பூண்டு கண்ணில் படாது. அந்த கிராமத்தின் பெயர் கத்ரா. இந்த கிராமத்தில் வெங்காயம் ஏன் தடை செய்யப்பட்டது என்பதை தெரிந்து கொள்ளுங்கள்.
Village Without Onions in India
நமது குழம்புகள், பிரியாணிகள், பருப்புகளில் வெங்காயம், பூண்டு இல்லாமல் கற்பனை செய்து பார்க்க முடியாது. ஆனால், இந்தியாவில் வெங்காயமே இல்லாத ஒரு கிராமம் உள்ளது. அந்த கிராமம் ஜம்மு காஷ்மீரில் உள்ள கத்ரா. இந்த கிராமம் புகழ்பெற்ற புண்ணியத் தலமான மாதா வைஷ்ணோ தேவி யாத்திரையின் அடிவார முகாமாக அழைக்கப்படுகிறது.
Mutton: ஆட்டுக்கறிக்கு ஏன் 'மட்டன்'-னு பேரு? அப்ப வெள்ளாட்டுக்கறிக்கு என்ன பேரு?
வெங்காயம் பயிரிடுவதோ, விற்பதோ குற்றமாகும்
கத்ரா கிராமத்தில் வெங்காயம் மற்றும் பூண்டுக்கு முழுத் தடை விதிக்கப்பட்டுள்ளது. இங்கு வெங்காயம் பயிரிடுவதோ, சந்தைகளில் விற்பதோ சட்டப்படி குற்றமாகும். கத்ராவில் உள்ள உள்ளூர் காய்கறி சந்தைகள், மளிகைக் கடைகள், சூப்பர் மார்க்கெட்டுகள் அல்லது ஹோட்டல்களில் கூட வெங்காயம், பூண்டு கிடைக்காது. இங்கு வரும் சுற்றுலாப் பயணிகள் அல்லது பக்தர்கள் யாராக இருந்தாலும் இந்த விதியைக் கடைப்பிடிக்க வேண்டும்.
வெங்காயம், பூண்டுக்கு ஏன் தடை?
வெங்காயத்தை தடை செய்ததற்கான முக்கிய காரணம் ஆன்மீக புனிதத்தை காப்பதே. இந்து தர்மத்தின்படி, வெங்காயம், பூண்டு 'தாமசிக' உணவுகளாகக் கருதப்படுகின்றன. இவை உடலில் தேவையற்ற வெப்பத்தையும், சோம்பலையும், மனதில் எதிர்மறை எண்ணங்களையும் உண்டாக்கும் என நம்பப்படுகிறது. இவை மனதை அலைபாய வைத்து, ஆன்மீக தியானத்திற்கு இடையூறு விளைவிக்கும். கத்ரா நகரம் புனிதமான வைஷ்ணோ தேவி கோவிலின் பிரதான நுழைவாயில் என்பதால், இப்பகுதியின் 'சாத்வீக' சூழலைப் பாதுகாக்கவும் வெங்காயம் மற்றும் பூண்டு தடை செய்யப்பட்டுள்ளன.
வெங்காயத்திற்குப் பதிலாக என்ன பயன்படுத்துகிறார்கள்?
கத்ராவில் உள்ள இந்துக்கள் மட்டுமின்றி, பிற மதத்தினரும் இந்த பாரம்பரியத்தை மதிக்கிறார்கள். வெங்காயம், பூண்டு பயன்படுத்தாததால் இங்கு கிடைக்கும் உணவு சுவையற்றதாக இருக்கும் என்று நினைக்க வேண்டாம். கத்ராவில் உள்ள ஹோட்டல்கள், உணவகங்களில் கிடைக்கும் சாத்வீக உணவு மிகவும் சுவையாகவும், சத்தானதாகவும் இருக்கும். இங்குள்ள சமையல்காரர்கள் வெங்காயத்திற்கு பதிலாக பெருங்காயம், இஞ்சி, பச்சை மிளகாய், தக்காளி மற்றும் பல்வேறு மசாலாப் பொருட்களைப் பயன்படுத்துகிறார்கள். இங்கு சமைக்கப்படும் பருப்பு, குழம்புகள் மற்றும் சிறப்பு காஷ்மீரி உணவுகள் சுற்றுலாப் பயணிகளால் மிகவும் விரும்பப்படுகின்றன.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
