Mutton: ஆட்டுக்கறிக்கு ஏன் 'மட்டன்'-னு பேரு? அப்ப வெள்ளாட்டுக்கறிக்கு என்ன பேரு?

Mutton vs Goat Meat: நாம பொதுவா யூஸ் பண்ற 'மட்டன்' பிரெஞ்சு மொழியில இருந்து வந்த வார்த்தை. ஆனா, இந்தியாவுல செம்மறியாடு, வெள்ளாடு ரெண்டு கறிக்குமே மட்டன்னு தான் சொல்றோம். அப்போ வெள்ளாட்டுக்கறிக்கு என்ன பேரு? வாங்க பார்க்கலாம்.

Image Credit : ChatGPT

மட்டன் என்றால் எந்த ஆட்டின் கறி?

ஞாயிற்றுக்கிழமை வந்தாலே அசைவ பிரியர்கள் வீட்ல திருவிழா கோலம்தான். கிச்சன்ல இருந்து வர்ற மட்டன் குழம்பு வாசனை பசியைத் தூண்டும். ஆனா, நாம தினமும் சொல்ற இந்த 'மட்டன்' வார்த்தைக்குப் பின்னாடி ஒரு பெரிய வரலாறே இருக்கு. அது என்னனு தெரியுமா?

Image Credit : Getty

'மட்டன்' வார்த்தையின் மூலம்

'மட்டன்' ஒரு ஆங்கில வார்த்தைனு நாம நினைக்கிறோம். ஆனா, இதோட மூலம் பிரெஞ்சு மொழி. பழைய பிரெஞ்சு மொழியில 'Mouton' (மௌட்டன்) அப்படின்னா 'செம்மறியாடு'. பிரிட்டனை நார்மன்கள் கைப்பற்றியபோது, இந்த வார்த்தை ஆங்கிலத்துக்குள் வந்து, காலப்போக்குல 'Mutton' (மட்டன்) ஆக மாறிடுச்சு.

Image Credit : Getty

குடல் கறி - தலைக்கறி

பிரிட்டிஷ்காரங்க இந்தியாவை ஆண்டப்போ, அவங்க செம்மறியாட்டு கறிக்கு பயன்படுத்தின 'மட்டன்'ங்கிற வார்த்தை நமக்கும் பழகிப்போச்சு. அதனாலதான் நாம இன்னைக்கும் செம்மறியாட்டுக் கறியை 'மட்டன்'னு சொல்றோம். நம்ம ஊர்ல கறியை வெட்டுற ஸ்டைலை வெச்சு குடல்-கறி, தலைக்கறி, போன்லெஸ்னு விதவிதமா சொல்ற பழக்கமும் இருக்கு.

Image Credit : Freepik

வெள்ளாட்டுக்கறிக்கு என்ன பெயர்?

நம்மில் பலருக்கு இருக்கிற குழப்பமே இதுதான். செம்மறியாடு, வெள்ளாடு ரெண்டு கறியையும் மட்டன்னு சொல்றது. ஆனா, வெள்ளாட்டுக்கறிக்கு சர்வதேச அளவுல 'Chevon' (ஷெவான்) அப்படின்னு ஒரு பெயர் இருக்கு. இதுவும் 'Chevre' (ஷெவ்ரே - வெள்ளாடு) என்ற பிரெஞ்சு வார்த்தையிலிருந்து வந்ததுதான். சில இடங்களில் இதை 'Goat Meat'னும் சொல்றாங்க.

Image Credit : Gemini AI

'லாம்ப்' மற்றும் 'மட்டன்' இடையே உள்ள வேறுபாடு

வெளிநாடுகள்ல செம்மறியாட்டின் வயதை வெச்சு கறியை ரெண்டு வகையா பிரிக்கிறாங்க. ஒரு வயசுக்கு குறைவான இளம் ஆட்டுக்குட்டி கறியை 'Lamb' (லாம்ப்)னு சொல்வாங்க. இது ரொம்ப சாஃப்டா இருக்கும். ஒரு வயசுக்கு மேலான, வளர்ந்த ஆட்டோட கறியை 'Mutton' (மட்டன்)னு சொல்வாங்க. இதோட சுவை கொஞ்சம் வித்தியாசமா இருக்கும்.

Image Credit : Getty

இந்தியாவில் எல்லாமே 'மட்டன்'

வெளிநாடுகள்ல செம்மறியாடு, வெள்ளாடு கறிக்கு தனித்தனி பெயர் இருந்தாலும், இந்தியாவுல ரெண்டுக்குமே 'மட்டன்' தான் பொதுவான பெயர். ஹோட்டல், கறிக்கடைன்னு எங்க போனாலும் நாம 'மட்டன்'னு தான் கேட்கிறோம். அடுத்தமுறை நீங்க மட்டன் சாப்பிடும்போது, இந்த சுவாரஸ்யமான தகவலை உங்க நண்பர்கள்கிட்டயும் ஷேர் பண்ணுங்க!