நீங்க முட்டை பிரியரா? அப்போ இந்த 5 விஷயங்களை மிஸ் பண்ணாதீங்க!
ஆம்லெட், அவிச்ச முட்டை, புர்ஜி என முட்டையை எப்படி செஞ்சாலும் தட்டாம சாப்பிடுவீங்களா? அப்போ உங்களுக்கான செம்ம சுவாரஸ்யமான சீக்ரெட்ஸ் இதோ!
எந்த பக்கத்தை உடைக்கணும் தெரியுமா?
முட்டையை வேக வைக்கும் போது, அதன் அகலமான அடிப்பகுதியில் ஒரு சிறிய காற்றுப் பை (Air pocket) இருக்கும். முட்டையை உடைக்கும் போது கூர்மையான பகுதிக்கு பதிலாக, இந்த அகலமான பகுதியில் லேசாகத் தட்டி உரித்தால், ஓடுடன் சேர்ந்து முட்டையும் பிஞ்சு வராமல், 'க்ளீனாக' வரும்!
முட்டை ஃப்ரெஷ்ஷா இருக்கா?
கடையில் வாங்கிய முட்டை நல்லதா, கெட்டதான்னு குழப்பமா இருக்கா? ஒரு கிளாஸ் தண்ணீரில் கொஞ்சமாக உப்பு சேர்த்து முட்டையைப் போடுங்கள். முட்டை அடியில் படுத்திருந்தால் அது செம்ம ஃப்ரெஷ்! மேலே மிதந்தால்... அதை குப்பைத் தொட்டியில் போடுவது தான் நல்லது.
ஹோட்டல் ஸ்டைல் 'ஃப்ளஃபி' ஆம்லெட்!
உங்க வீட்டு ஆம்லெட் தடிமனாக, பஞ்சு போல வர வேண்டுமா? முட்டையை அடிக்கும் போது ஒரு ஸ்பூன் காய்ச்சாத குளிர்ந்த பால் அல்லது இரண்டு சொட்டு எலுமிச்சை சாறு சேர்த்து அடித்து பாருங்கள். ஹோட்டல் ஆம்லெட் தோற்றுப்போகும்!
மஞ்சள் கரு... அடர் மஞ்சளா? ஆரஞ்சா?
முட்டையின் மஞ்சள் கரு அடர் ஆரஞ்சு நிறத்தில் இருந்தால், அந்த கோழி நல்ல சத்துள்ள இயற்கை உணவுகளை (கீரை, புழுக்கள்) சாப்பிட்டு வளர்ந்தது என்று அர்த்தம். வெளிர் மஞ்சள் நிறத்தில் இருந்தால் அது கூண்டுக்குள் அடைபட்டு சாதாரண தீவனம் சாப்பிட்ட கோழியுடையது.
முட்டையின் கெட்ட வாசனையா? நோ பிராப்ளம்!
முட்டை சமைத்த பாத்திரங்களில் எவ்வளவு கழுவினாலும் அந்த 'கெட்ட' வாசனை போகவில்லையா? பாத்திரத்தைக் கழுவும் போது கொஞ்சம் கடுகுத்தூள் அல்லது காபித்தூள் தடவி தேய்த்துப் பாருங்கள். வாசனை இருந்த இடம் தெரியாமல் ஓடிவிடும்!
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
