EGG: வெயில்ல முட்டை சாப்பிடலாமா? உடம்பு சூடாகுமா? நிபுணர்கள் சொல்வது என்ன?

பொதுவாக முட்டை சாப்பிட்டால் உடல் சூடாகும் என்று ஒரு பேச்சு உண்டு. அறிவியல் ரீதியாக, முட்டையில் புரோட்டீன் அதிகம் இருப்பதால், அது ஜீரணமாகும்போது உடலில் 'தெர்மிக் எஃபெக்ட்' ஏற்படுகிறது. அப்படியானால், உண்மை என்ன? இந்த ஸ்டோரியைப் பாருங்கள்.

Image Credit : Chat GPT

வெயில் காலத்தில் முட்டை சாப்பிடலாமா?

வெயில் காலம் வந்தாலே, நம் உணவுப் பழக்கத்தில் நிறைய மாற்றங்கள் வரும். குளிர் பானங்கள், பழங்கள், மற்றும் எளிதில் ஜீரணமாகும் உணவுகளைத் தேடுவோம். ஆனால், ஜிம்முக்குச் செல்பவர்கள் மற்றும் அசைவப் பிரியர்களுக்கு ஒரு பெரிய கேள்வி எழும்—"வெயில் காலத்தில் முட்டை சாப்பிடலாமா?"

Image Credit : Getty

உடல் வெப்பநிலை அதிகரிக்குமா?

பெரியவர்கள் சொல்வது போல, முட்டை சாப்பிட்டால் வயிறு உப்புசம் ஆகுமா அல்லது உடல் வெப்பநிலை அதிகரிக்குமா? இந்தக் குழப்பங்களுக்கு அறிவியலும் ஊட்டச்சத்து நிபுணர்களும் என்ன சொல்கிறார்கள் என்ற சுவாரஸ்யமான தகவல்கள் இங்கே.

Image Credit : Getty

சூடுக்கு பின்னாடி இருக்கிற அறிவியல்:

முட்டை சாப்பிட்டா உடம்பு சூடாகும்னு பொதுவா ஒரு கருத்து இருக்கு. அறிவியல் என்ன சொல்லுதுன்னா, முட்டையில புரோட்டீன் அதிகம். இதை நம்ம உடம்பு ஜீரணம் செய்யும்போது 'தெர்மிக் எஃபெக்ட்' (Thermic Effect) உருவாகுது.

Image Credit : Asianet News

ருசியான ஆம்லெட்டால் பிரச்சனை வருமா?

அதாவது, முட்டையை ஜீரணிக்க உடல் கொஞ்சம் அதிக ஆற்றலைப் பயன்படுத்துகிறது. இதனால், உடலுக்குள் சிறிய அளவில் வெப்பம் உருவாவது இயல்புதான். ஆனால், இது உங்கள் உடலின் ஒட்டுமொத்த வெப்பநிலையை உயர்த்தி, ஆரோக்கியத்தைக் கெடுக்கும் அளவுக்கு ஆபத்தானது அல்ல. ஆரோக்கியமான ஒருவருக்கு இது எந்தப் பிரச்சினையையும் ஏற்படுத்தாது.

Image Credit : PINTEREST

நிறைய முட்டை சாப்பிட்டால் என்னவாகும்

2. முட்டை: உங்கள் தினசரி 'சூப்பர்ஃபுட்': குறைந்த செலவில் அதிக ஊட்டச்சத்துக்களைத் தரும் உணவு என்றால் அது முட்டைதான். இதில் உயர்தர புரோட்டீன் மட்டுமல்லாமல், வைட்டமின் பி12, வைட்டமின் டி, இரும்புச்சத்து மற்றும் கோலின் நிறைந்துள்ளது. நீங்கள் கோடையில் உடற்பயிற்சி செய்பவராக இருந்தால், தசை மீட்புக்கு (Muscle Recovery) முட்டையை விட சிறந்த தேர்வு இல்லை. 'நியூட்ரியண்ட்ஸ் ஜர்னல்' அறிக்கையின்படி, முட்டையை அளவாக சாப்பிடுவதால் இதய ஆரோக்கியத்திற்கும் எந்த பாதிப்பும் ஏற்படாது.

Image Credit : sanjeevkapoorkhazana/YT

கோடையில் இந்த முன்னெச்சரிக்கைகள் அவசியம்:

கோடையில் முட்டை சாப்பிடுவது தவறல்ல, ஆனால் சாப்பிடும் 'விதம்' முக்கியம். வெயிலில் முட்டைகள் சீக்கிரம் கெட்டுப்போக வாய்ப்புள்ளது. எனவே, சேமிப்பு முறை முக்கியம். முட்டைகளை எப்போதும் ஃப்ரிட்ஜில் வையுங்கள். சரியாக வேகவைத்துச் சாப்பிடுங்கள். அரை வேக்காட்டு முட்டையை விட, முழுமையாக அவித்த முட்டை கோடைக்கு நல்லது. இது 'சால்மோனெல்லா' (Salmonella) பாக்டீரியா தொற்றைத் தடுக்கும்.

Image Credit : CHATGPT

ஒரு நாளைக்கு எத்தனை முட்டை ஓகே?

தினமும் ஒன்று அல்லது இரண்டு முட்டைகள் சாப்பிடுவது பெரும்பாலானவர்களுக்குப் பாதுகாப்பானது. உங்களுக்கு சிறுநீரகப் பிரச்சினை அல்லது அதிக கொலஸ்ட்ரால் இருந்தால், மருத்துவரிடம் ஆலோசனை பெறுவது நல்லது. அதிக மசாலா சேர்த்த முட்டை கறியை விட, அவித்த முட்டை அல்லது ஆம்லெட் கோடை காலத்திற்கு ஏற்றது. முட்டை சாப்பிட்ட பிறகு நிறைய தண்ணீர் குடியுங்கள். இது வயிறு உப்புசம் மற்றும் அஜீரணப் பிரச்சினையைத் தடுக்கும்.

கோடைக்காலம் என்பதால் முட்டையைத் தவிர்க்க வேண்டாம். சமச்சீரான உணவு, போதுமான தண்ணீர், மற்றும் சுத்தமாக சமைத்த முட்டைகளை உங்கள் டயட்டில் சேர்த்துக்கொள்ளலாம்.