knee and joint pain: 40 வயதிலேயே முழங்கால் வலி வருதா? அதுக்கு இது தான் காரணம்
இப்போது எல்லாம் 40 வயதிலேயே முழங்கால் வலி, மூட்டு வலி பிரச்சனைகளால் பலரும் அவமதிப்படுகிறார்கள். இதற்கு என்ன காரணம், என்ன செய்தால் இந்த மூட்டு வலியை சிகிச்சை இல்லாமல் எளிதாக, வீட்டிலேயே சரி செய்யலாம் என்பதை தெரிந்து கொள்ளலாம்.
40 வயதில் மூட்டு வலி ஏன்? காரணங்கள் என்ன?
40 வயதிலேயே மூட்டு வலி வர பல காரணங்கள் உள்ளன. முக்கியமாக, மூட்டுகளில் உள்ள குருத்தெலும்பு (cartilage) தேய்மானம் அடைவது, உடல் எடை அதிகமாக இருப்பது முழங்கால்களின் மீது அதிக அழுத்தத்தை செலுத்தி, குருத்தெலும்பு தேய்மானத்தை துரிதப்படுத்துகிறது. இளம் வயதில் ஏற்பட்ட மூட்டு காயங்கள், குறிப்பாக விளையாட்டுகளில் ஏற்பட்ட காயங்கள், பிற்காலத்தில் மூட்டு வலிக்கு வழிவகுக்கும். குடும்பத்தில் மூட்டு வலி வரலாறு இருந்தால், வர வாய்ப்பு அதிகம். இது வயது அதிகரிக்கும்போது இயல்பாக நடந்தாலும், சில வாழ்க்கை முறை மாற்றங்கள் மற்றும் பழக்கவழக்கங்களால் இது இளமையிலேயே ஏற்படலாம்.
மூட்டு வலி வந்ததற்கான அறிகுறிகள் என்னென்ன?
மூட்டு வலி ஏற்பட்டால் சில பொதுவான அறிகுறிகள் காணப்படும். முழங்கால் பகுதியில் தொடர்ச்சியான அல்லது அவ்வப்போது ஏற்படும் வலி. குறிப்பாக, காலையில் எழுந்திருக்கும்போது அல்லது நீண்ட நேரம் ஒரே இடத்தில் அமர்ந்த பிறகு மூட்டுக்கள் விறைப்பாக உணர்தல். மூட்டு அசைக்கும்போது கிரீச் அல்லது படக் போன்ற சத்தம் வருதல். முழங்காலை முழுவதுமாக நீட்டவோ அல்லது மடக்கவோ முடியாமல் போவது, அல்லது மூட்டு பலவீனமாக உணர்தல், நடக்கும்போது, மாடிப் படி ஏறும்போது அல்லது குனிந்து நிமிரும்போது வலி அதிகரிக்கும். மூட்டுப் பகுதியில் வீக்கம் அல்லது அசைவுகளில் கடினம் ஏற்படுதல்.
முடக்குவாதம் (Osteoarthritis) - ஓர் அறிமுகம்:
முடக்குவாதம் என்பது மூட்டுகளில் உள்ள குருத்தெலும்பு மெதுவாகத் தேய்மானம் அடைவதைக் குறிக்கும் ஒரு நிலை. இந்தக் குருத்தெலும்பு, எலும்புகளுக்கு இடையே ஒரு மெத்தை போல செயல்பட்டு, அசைவின்போது உராய்வதைத் தடுக்கிறது. இது தேய்மானமடையும்போது, எலும்புகள் ஒன்றுடன் ஒன்று உராய்ந்து வலி, வீக்கம், மற்றும் அசைவின் கடினத்தை ஏற்படுத்துகிறது. இது பொதுவாக முழங்கால், இடுப்பு, கைகள் மற்றும் முதுகெலும்புகளைப் பாதிக்கும்.
மூட்டு வலிக்கு ஆரம்ப கட்ட நவீன சிகிச்சைகள் என்ன?
மூட்டு வலி ஆரம்ப கட்டத்தில் இருக்கும்போதே கண்டறிந்து சிகிச்சை பெறுவது மிகவும் முக்கியம். இது அறுவை சிகிச்சையைத் தவிர்க்க அல்லது தாமதப்படுத்த உதவும்.
வாழ்க்கை முறை மாற்றங்கள்: உடல் எடையைக் குறைப்பது முழங்கால்கள் மீதான அழுத்தத்தைக் குறைத்து வலியைக் கட்டுப்படுத்த உதவும். மூட்டுகளைச் சுற்றியுள்ள தசைகளை வலுப்படுத்தும் பயிற்சிகள் (நீச்சல், சைக்கிள் ஓட்டுதல்) மூட்டுகளுக்கு ஆதரவு அளிக்கும். சௌகரியமான, சரியான அளவு காலணிகளை அணிவது மூட்டுகளின் மீது ஏற்படும் அழுத்தத்தைக் குறைக்கும்.
இயன்முறை மருத்துவம் (Physiotherapy): இயன்முறை மருத்துவர்கள் மூட்டுகளின் அசைவைத் திறம்பட மேம்படுத்தவும், தசைகளை வலுப்படுத்தவும், வலியைக் குறைக்கவும் உதவும் குறிப்பிட்ட பயிற்சிகளை கற்றுத் தருவார்கள்.
ஊசி போடுதல்: தற்காலிகமாக வலியையும் வீக்கத்தையும் குறைக்கும். ஹைலூரோனிக் அமிலம் (Hyaluronic Acid) ஊசிகள், இது மூட்டுகளுக்கு ஒரு மசகு எண்ணெய் போல செயல்பட்டு வலியைக் குறைக்கும்.
மூட்டு மாற்று அறுவை சிகிச்சை - எப்போது தேவைப்படும்?
மூட்டு மாற்று அறுவை சிகிச்சை என்பது கடுமையான, தொடர்ச்சியான மூட்டு வலி அன்றாட வாழ்க்கையை வெகுவாகப் பாதிக்கும் போதும், நடப்பதற்கும், தூங்குவதற்கும், அடிப்படை வேலைகளைச் செய்வதற்கும் கூட கடுமையான மூட்டு வலி குறுக்கிடும் போது பரிந்துரைக்கப்படும் ஒரு முக்கியமான சிகிச்சை முறை. இது முழங்காலில் உள்ள தேய்ந்த குருத்தெலும்பு மற்றும் எலும்புப் பகுதிகளை நீக்கிவிட்டு, செயற்கை உலோக மற்றும் பிளாஸ்டிக் பாகங்களைப் பொருத்துவதாகும்.
நவீன முழங்கால் மாற்று அறுவை சிகிச்சையின் சிறப்பம்சங்கள்:
இன்றைய நவீன மருத்துவத்தில் முழங்கால் மாற்று அறுவை சிகிச்சைகள் மிகவும் பாதுகாப்பானதாகவும், வெற்றிகரமானதாகவும் மாறிவிட்டன. சிறிய அளவிலான வெட்டுக்களுடன் செய்யப்படும் அறுவை சிகிச்சைகள், இதனால் குறைந்த வலி, விரைவான குணம் மற்றும் குறைவான தழும்புகள் ஏற்படும்.
கம்ப்யூட்டர் வழி அறுவை சிகிச்சை : துல்லியமான பொருத்தம் மற்றும் அறுவை சிகிச்சையின் விளைவுகளை மேம்படுத்துவதற்கு கணினி தொழில்நுட்பம் பயன்படுத்தப்படுகிறது.
ரோபோடிக் உதவி அறுவை சிகிச்சை : ரோபோடிக் கைகள் மூலம் மிகவும் துல்லியமாகவும், கட்டுப்பாட்டுடனும் அறுவை சிகிச்சை செய்யப்படுகிறது. இது மனித தவறுகளைக் குறைத்து, முடிவுகளை மேம்படுத்துகிறது.
மேம்படுத்தப்பட்ட பொருட்கள்: பயன்படுத்தப்படும் செயற்கை மூட்டுப் பாகங்கள் இப்போது மிகவும் உறுதியானதாகவும், நீண்ட காலம் உழைப்பவையாகவும் உள்ளன.
அறுவை சிகிச்சைக்குப் பிந்தைய பராமரிப்பு :
இயன்முறை மருத்துவம் (Physiotherapy): அறுவை சிகிச்சைக்குப் பிறகு உடனடியாக இயன்முறை மருத்துவம் தொடங்கும். இது வலி நிவாரணம், மூட்டுகளின் அசைவுத் திறனை மீட்டெடுப்பது, தசைகளை வலுப்படுத்துவது ஆகியவற்றுக்கு உதவும்.
வீட்டுப் பராமரிப்பு: மருத்துவர் மற்றும் இயன்முறை மருத்துவர் கூறும் வழிமுறைகளைப் பின்பற்ற வேண்டும். வீட்டைச் சுற்றியுள்ள தடைகளை அகற்றுவது, கழிப்பறைகளில் கைப்பிடிகளைப் பொருத்துவது போன்ற சிறு மாற்றங்கள் உதவும்.
தொடர் மருத்துவ ஆலோசனை: மருத்துவர் பரிந்துரைத்தபடி தவறாமல் மருத்துவப் பரிசோதனைகளுக்குச் செல்ல வேண்டும்.
ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.
