விரைவில் சென்னைக்கு புல்லட் ரயில்....! சந்திரபாபு வெளியிட்ட சூப்பர் தகவல்
தென்னகத்தில் புல்லட் ரயில் திட்டம் விரைவில் தொடங்கும் என ஆந்திர முதல்வர் சந்திரபாபு நாயுடு அறிவித்துள்ளார். பெங்களூரு, அமராவதி, ஹைதராபாத், சென்னை ஆகிய நகரங்கள் இணைக்கப்படும். இத்திட்டம் பொருளாதார வளர்ச்சிக்கு உதவும்.
தென்னிந்தியா புல்லட் ரயில்
ஆந்திரப் பிரதேச முதலமைச்சர் சந்திரபாபு நாயுடு, தென் இந்தியாவுக்கான முக்கிய அறிவிப்பை வெளியிட்டுள்ளார். விரைவில் தென்னக மக்களும் புல்லட் ரயில் பயண அனுபவத்தைப் பெறுவார்கள் என அவர் தெரிவித்துள்ளார். ஜப்பான், மும்பை–அகமதாபாத் வழித்தடத்துக்குப் பிறகு, இத்திட்டம் தென் இந்தியாவில் அடுத்த கட்டமாக அறிமுகமாகும் எனவும் கூறியுள்ளார்.
புல்லட் ரயில்
இந்த புதிய புல்லட் ரயில் திட்டம் தென்னகத்தின் நான்கு முக்கிய நகரங்களை இணைக்கும் வகையில் வடிவமைக்கப்பட உள்ளது. பெங்களூரு, அமராவதி, ஹைதராபாத் மற்றும் சென்னை ஆகிய நகரங்கள் இந்த அதிவேக ரயில் பாதையில் இணைக்கப்படவில்லை. இதன் மூலம் வணிகம், தொழில், சுற்றுலா போன்ற துறைகளில் வேகமான வளர்ச்சி ஏற்படும் என எதிர்பார்க்கப்படுகிறது.
சந்திரபாபு நாயுடு
சந்திரபாபு நாயுடு தெரிவித்ததாவது, “தென் இந்தியர்களுக்கிடையே புல்லட் ரயில் வந்துவிட்டால், நேரமும் சேமிக்கப்படும், மக்களும் அதிக அளவில் பயனடைவார்கள். நாடு முழுவதும் பொருளாதார முன்னேற்றத்தில் தென்னகமும் முக்கிய பங்காற்றும்” என்றார். மேலும், இந்த திட்டத்துக்கு மத்திய அரசின் ஆதரவும் ஜப்பான் நாட்டின் தொழில்நுட்ப உதவியும் கிடைக்கும் எனவும் குறிப்பிட்டார்.
சென்னை - பெங்களூரு
தென்னகத்தின் முக்கிய நகரங்களுக்கு இடையேயான தூரம் மிகுந்திருப்பதால், தற்போதைய ரயில் மற்றும் சாலை பயணத்தில் அதிக நேரம் செலவாகிறது. உதாரணமாக, சென்னை முதல் பெங்களூரு செல்ல சாலை வழியாக சுமார் 6 மணி நேரம் ஆகிறது. ஆனால் புல்லட் ரயில் வந்தால், அதே தூரம் ஒரு மணி நேரத்துக்குள் முடிந்து விடும். இந்த வேகமும், வசதியும் மக்கள் வாழ்க்கை முறையில் பெரிய மாற்றத்தை ஏற்படுத்தும்.
பொருளாதார வளர்ச்சி
இந்தத் திட்டம் நடைமுறைப்படுத்தப்பட்டால், தென் இந்தியா முழுவதும் பொருளாதார வளர்ச்சிக்கு புதிய பாதை திறக்கிறது. மக்கள் வேலை வாய்ப்புகள் அதிகரிக்கின்றன, நகரங்களுக்கு இடையேயான தொடர்புகள் எளிமையாகின்றன, மேலும் சர்வதேச முதலீடுகளும் அதிகரிக்கும். அதனால், சந்திரபாபு நாயுடுவின் இந்த அறிவிப்பு தற்போது மக்களிடையே பெரும் எதிர்பார்ப்பை ஏற்படுத்தியுள்ளது.
