சம்மரில் குழந்தைகளுக்கு அவசியம் கொடுக்க வேண்டிய 6 சத்தான உணவுகள்!
கோடையில் குழந்தைகளுக்கு அம்மை, வியர்க்குரு, நீர்ச்சத்து குறைபாடு ஏற்படும். இதிலிருந்து காக்க வெறும் ஐஸ் தண்ணிரோ, கடை ஜூஸோ போதாது. அவர்களின் உடலை உள்ளுக்குள் ஏசி போட்டது போல் குளிர்ச்சியாக வைத்திருக்க, நீங்கள் தர வேண்டிய சூப்பரான சம்மர் ஸ்பெஷல் இதோ!
'சப்ஜா விதை' கலந்த மோர்
வெறும் மோர் குடுக்காம, அதுல ஊற வச்ச சப்ஜா விதைகளை (Sabja seeds) கலந்து கொடுங்க. சப்ஜா விதைகள் உடம்போட உஷ்ணத்தை அடியோட உறிஞ்சிடும். மோர்ல கொஞ்சமா புதினா தட்டிப்போட்டா வாசனையாவும் இருக்கும், உடம்பும் ஜில்லென்னு மாறும்!
சீசன் உணவை மிஸ் பண்ணாதீங்க!
நுங்கு சாப்பிட அடம் பிடிக்கிற குழந்தைகளுக்கு, நுங்கின் தோலை நீக்கிவிட்டு, அதோடு கொஞ்சமா காய்ச்சிய பால், நாட்டுச்சர்க்கரை சேர்த்து மிக்ஸியில் அடித்து 'நுங்கு மில்க்ஷேக்'காக கொடுங்க. அம்மை நோய் வராமல் தடுக்க இதைவிட சிறந்த உணவு எதுவுமே இல்லை.
வெள்ளரிக்காய் 'பாப்சிகல்ஸ்' (Popsicles)
வெள்ளரிக்காயை ஜூஸ் எடுத்து, அதுல கொஞ்சமா எலுமிச்சை சாறு, தேன் கலந்து ஐஸ் க்ரீம் மோல்டில் ஊற்றி ஃப்ரீசரில் வையுங்க. 'வெள்ளரிக்காய் ஐஸ் குச்சி' ரெடி! கடைகளில் வாங்கும் கெமிக்கல் ஐஸ் க்ரீமுக்கு செம்ம ஆல்டர்நேட்டிவ் இது.
'கம்மங்கூழ்' பாப்கார்ன் காம்போ!
கம்பங்கூழ் உடலுக்கு மிகவும் நல்லது. ஆனா, குழந்தைகள் குடிக்க மாட்டாங்க. கம்மங்கூழில் நல்லா தயிர், சின்ன வெங்காயம் கலந்து, அவங்களுக்கு பிடிச்ச பாப்கார்ன் அல்லது வத்தல் கூட ஸ்நாக்ஸ் டைம்ல கொடுத்து பழக்குங்க. உடம்பு இரும்பு போல மாறும், சூடும் தணியும்.
'கிர்ணிப் பழ' ஸ்மூத்தி (Muskmelon)
தர்பூசணியை விட அதிக குளிர்ச்சி தரக்கூடியது கிர்ணிப் பழம் (முலாம்பழம்). இதில் விட்டமின் ஏ மற்றும் சி கொட்டிக்கிடக்குது. வெயிலால் ஏற்படும் சிறுநீர் எரிச்சல், சோர்வை நீக்க இந்த பழத்தோட கூழ் சிறந்த மருந்து.
'பழைய சாத' ஐஸ் பிரியாணி!
முதல் நாள் சாதத்தில் தண்ணீர் ஊற்றி வைத்து, மறுநாள் காலையில் அந்த தண்ணீரை வடிகட்டி, மோர் மற்றும் கொஞ்சம் சின்ன வெங்காயம் நறுக்கிப் போட்டுக் கொடுங்கள். அல்சர் வராது, குடல் ஆரோக்கியம் சூப்பரா இருக்கும், வெயில் காலத்துலயும் குழந்தைங்க ஆக்டிவா இருப்பாங்க.
