Smartwatch : ஸ்மார்ட்வாட்ச் கட்டினால் கேன்சர் வருமா? உண்மை என்ன?

ஸ்மார்ட்வாட்ச் அணிவதால் கேன்சர் வருமா? பரவி வரும் இந்த வதந்தியின் உண்மை என்ன? நிபுணர்கள் மற்றும் அறிவியல் ஆராய்ச்சி முடிவுகள் என்ன சொல்கின்றன என்பதை இங்கே தெரிந்துகொள்ளுங்கள்.

Image Credit : AI Image

Is a smartwatch harmful to health?

இப்போதெல்லாம் சின்னப் பசங்க முதல் வயசானவங்க வரைக்கும் எல்லாரும் ஸ்மார்ட்வாட்ச் கட்டுறாங்க. இது வெறும் டைம் காட்டுற கருவி இல்லை. இதயத் துடிப்பு, நடக்கும் தூரம், தூக்கம்னு எல்லாத்தையும் டிராக் பண்ணுது. போன் கால் பேசலாம், பாட்டு கேட்கலாம். இதனாலதான் இதுக்கு இவ்வளவு மவுசு.

Image Credit : gemini

ஸ்மார்ட் வாட்ச்‌ ஆபத்தா?

சமீபத்தில் ஒரு அதிர்ச்சி செய்தி பரவி வருகிறது. ஸ்மார்ட்வாட்ச் கதிர்வீச்சால் கேன்சர் வரும் என்பதுதான் அந்த வதந்தி. இதனால், ஸ்மார்ட்வாட்ச் வாங்க ஆசைப்படும் இளைஞர்கள், இந்த வதந்தியால் குழப்பத்தில் உள்ளனர். நிஜமாகவே ஸ்மார்ட்வாட்ச் அணிவதால் கேன்சர் வருமா? நிபுணர்கள் என்ன சொல்கிறார்கள் என்று பார்ப்போம்.

Image Credit : Flipkart

கேன்சர் வருமா?

ஸ்மார்ட்வாட்ச்கள் ப்ளூடூத், வைஃபை மூலம் உங்கள் போனுடன் இணைகின்றன. இதற்காக, அவை ரேடியோ அலைவரிசை (RF) கதிர்வீச்சை வெளியிடுகின்றன. இது மிகவும் குறைந்த ஆற்றல் கொண்டது. இதை 'non-ionizing' கதிர்வீச்சு என்பார்கள். எக்ஸ்ரே போன்ற 'ionizing' கதிர்வீச்சு போல இது ஆபத்தானது அல்ல. குறிப்பாக, ப்ளூடூத் சிக்னல்கள் மிகக் குறைந்த சக்தியையே பயன்படுத்துகின்றன.

Image Credit : X

நிபுணர்கள் சொன்னதென்ன?

ஸ்மார்ட்வாட்ச் கதிர்வீச்சால் கேன்சர் வரும் என்பதற்கு எந்த அறிவியல் ஆதாரமும் இல்லை என நிபுணர்கள் கூறுகின்றனர். உலகெங்கிலும் உள்ள முக்கிய சுகாதார நிறுவனங்களும் இதை உறுதி செய்கின்றன. ரேடியோ அலைவரிசை ஆற்றலால் மனிதர்களுக்கோ விலங்குகளுக்கோ கேன்சர் ஏற்பட்டதாக இதுவரை எந்த ஆதாரமும் இல்லை. ஆனாலும், நீண்டகால பயன்பாட்டின் விளைவுகளை அறிய கூடுதல் ஆராய்ச்சி தேவை என்றும் அறிக்கைகள் கூறுகின்றன.

Image Credit : Asianet News

தூங்கும் போது ஸ்மார்ட்வாட்ச் கட்டலாமா?

ஆனாலும், சில எளிய முன்னெச்சரிக்கை நடவடிக்கைகளை நிபுணர்கள் பரிந்துரைக்கின்றனர். இரவில் தூங்கும்போது ஸ்மார்ட்வாட்சை கழற்றி வைப்பது, தேவை இல்லாதபோது ப்ளூடூத் மற்றும் இன்டர்நெட் இணைப்பை ஆஃப் செய்வது நல்லது. குழந்தைகளின் உடல் வளர்ச்சி நிலையில் இருப்பதால், அவர்கள் நீண்ட நேரம் ஸ்மார்ட்வாட்ச் அணிவதைத் தவிர்க்க வேண்டும்.