- Home
- உடல்நலம்
- Fatty Liver: மது அருந்தாதவர்களையும் தாக்கும் 'சைலண்ட்' கல்லீரல் நோய்.. ஆய்வில் அதிர்ச்சி.. தப்பிப்பது எப்படி?
Fatty Liver: மது அருந்தாதவர்களையும் தாக்கும் 'சைலண்ட்' கல்லீரல் நோய்.. ஆய்வில் அதிர்ச்சி.. தப்பிப்பது எப்படி?
இந்தியாவில் மது அருந்தாதவர்களுக்கும் கல்லீரல் கொழுப்பு நோய் (NAFLD) பாதிப்பு நாளுக்கு நாள் அதிகரித்து வருகிறது. இதன் காரணங்கள் என்னவென்று இந்த புகைப்படத் தொகுப்பில் விரிவாகப் பார்ப்போம்.
மது அருந்தாதவர்களுக்கும் கல்லீரல் கொழுப்பு நோய்
இந்தியாவில் மது அருந்தாதவர்களுக்கும் கல்லீரல் கொழுப்பு நோய் பாதிப்பு அதிகரித்து வருவதாக ஆய்வில் அதிர்ச்சி தகவல் வெளியாகியுள்ளது. சுமார் 38.9% பேருக்கு இந்த பாதிப்பு இருக்கலாம் என கூறப்படுகிறது.
ஆய்வில் அதிர்ச்சி தகவல்
முன்பெல்லாம், அதிகப்படியான மதுப்பழக்கம்தான் கல்லீரல் கொழுப்பு நோய்க்கு காரணம் என கூறப்பட்டு வந்தது. ஆனால், மது அருந்தாதவர்களிடமும் இது பரவலாக காணப்படுவதாக தற்போதைய அதிர்ச்சி தரவுகள் தெரிவிக்கின்றன.
உடல் பருமனாக இருந்தால் கொழுப்பு நோய் அபாயம்
உடல் பருமன் உள்ளவர்களுக்கு மது அருந்தாவிட்டாலும் கல்லீரல் கொழுப்பு நோய் வரும் அபாயம் அதிகம். வாழ்க்கை முறை, உணவுப் பழக்கம், மற்றும் உடற்பயிற்சி மூலம் இதைக் கட்டுப்படுத்த முடியும்.
உடலுழைப்பு இல்லாதவர்கள்
உடல் பருமன், மது அருந்தாதவர்களுக்கு கல்லீரல் கொழுப்பு நோய் வருவதற்கான முக்கிய ஆபத்து காரணியாக உள்ளது. உடலுழைப்பு இல்லாத வாழ்க்கை முறை மற்றும் அதிக கலோரி உணவுகள் இந்தியாவில் உடல் பருமனை அதிகரித்துள்ளன.
கெட்ட கொழுப்புகள் அதிகம்
மாறிவரும் உணவுப் பழக்கத்தால், பதப்படுத்தப்பட்ட கார்போஹைட்ரேட், சர்க்கரை, மற்றும் கெட்ட கொழுப்புகள் அதிகம் உள்ள உணவுகளை சாப்பிடுகிறோம். இது கல்லீரலில் கொழுப்பு சேர முக்கிய காரணமாகிறது.
டைப் 2 நீரிழிவு
டைப் 2 நீரிழிவு, மெட்டபாலிக் சிண்ட்ரோம் போன்ற நோய்கள் NAFLD-உடன் நெருங்கிய தொடர்புடையவை. இன்சுலின் எதிர்ப்பு காரணமாகவும் கல்லீரலில் கொழுப்பு சேரலாம். சில மருந்துகளும் இதற்குக் காரணமாக அமையலாம்.
பாலிசிஸ்டிக் ஓவரி சிண்ட்ரோம்
பாலிசிஸ்டிக் ஓவரி சிண்ட்ரோம் (PCOS), ஸ்லீப் அப்னியா, ஹைப்போ தைராய்டிசம் போன்ற பிரச்சனைகள் அபாயம் அதிகம். இந்தியாவில் இது மெட்டபாலிக் சிண்ட்ரோமின் ஒரு பகுதியாகவே பார்க்கப்படுகிறது.
சரியான உணவு, உடற்பயிற்சி எடையை பராமரிப்பது அவசியம்
சரியான உணவு, தினசரி உடற்பயிற்சி, சீரான உடல் எடை, மற்றும் மது அருந்தாமல் இருப்பது கல்லீரல் கொழுப்பு நோயைத் தடுக்க உதவும். அவ்வப்போது மருத்துவப் பரிசோதனை செய்வதும் நல்லது.
