Black Coffee: பிளாக் காஃபியின் 7 ஆச்சரியமூட்டும் நன்மைகள்! சர்க்கரை இல்லாமல் குடிப்பதால் இவ்வளவு ஹெல்த்தா?

பலருக்கும் காஃபி என்பது வெறும் பானம் மட்டுமல்ல, அது ஒரு எனர்ஜி பூஸ்ட். காலையில் எழுந்ததும் ஒரு கப் சூடான பிளாக் காஃபி குடித்தால்தான் அன்றைய நாளே தொடங்கும். தினமும் பிளாக் காஃபி குடிப்பதால் கிடைக்கும் சில ஆரோக்கிய நன்மைகளைப் பற்றி இங்கே பார்க்கலாம்.

ஆரோக்கியம் தரும் கசப்பு சுவை

நம்மில் பலரும் காஃபியில் சர்க்கரை சேர்த்துக் குடிக்கவே விரும்புகிறோம். ஆனால், சர்க்கரையைத் தவிர்ப்பது மன ஆரோக்கியத்திற்கு இன்னும் அதிக நன்மைகளைத் தரும். சர்க்கரையைத் தவிர்த்து, காஃபியின் இயல்பான கசப்புச் சுவையை அப்படியே ஏற்கும் போது, அதன் உண்மையான பலன்களை நாம் பெறுகிறோம்.

பாதுகாக்கப்படும் இதயம்

பிளாக் காஃபியில் உள்ள ஆன்டிஆக்ஸிடன்ட்கள் ரத்த அழுத்தத்தைக் குறைக்கின்றன. இது இதயத்தை வலுப்படுத்தும் ஒரு முக்கிய நன்மை. தினமும் ஒன்று அல்லது இரண்டு கப் காஃபி குடிப்பது, இதயம் தொடர்பான நோய்கள் வரும் அபாயத்தைக் குறைப்பதாக சில ஆய்வுகள் கூறுகின்றன.

நினைவாற்றலை படிப்படியாக மேம்படுத்தும்

பிளாக் காஃபி உங்கள் நினைவாற்றலை படிப்படியாக மேம்படுத்தும் அற்புதமான பண்புகளைக் கொண்டுள்ளது. மேலும், இது நினைவாற்றல் இழப்பு தொடர்பான நோய்களைத் தடுக்கவும் உதவுகிறது.

அல்சைமர் நோய் பக்கத்தில் வராது

அல்சைமர் நோய் பொதுவாக 65 வயதுக்கு மேற்பட்ட முதியவர்களை அதிகம் பாதிக்கிறது. பிளாக் காஃபி குடிப்பதால் கிடைக்கும் நன்மைகளில் ஒன்று, அல்சைமர் நோய் ஏற்படும் அபாயத்தைக் குறைப்பதாகும்.

ஆரோக்கியத்தை தரும் சூப்பர் பானம்

காஃபி ஒரு டையூரிடிக் (diuretic) பானம், அதாவது இது சிறுநீர் உற்பத்தியை அதிகரிக்கும். இதனால், அடிக்கடி சிறுநீர் கழிப்பதன் மூலம், உங்கள் உடலில் உள்ள நச்சுகள் மற்றும் பாக்டீரியாக்கள் வெளியேற்றப்படுகின்றன. இது உங்கள் வயிற்றை சுத்தமாகவும் ஆரோக்கியமாகவும் வைத்திருக்க உதவுகிறது.

சக்திவாய்ந்த ஆன்டிஆக்ஸிடன்ட்கள்

பிளாக் காஃபியில் பல சக்திவாய்ந்த ஆன்டிஆக்ஸிடன்ட்கள் உள்ளன. இது அதன் ஆரோக்கிய நன்மைகளை மேலும் அதிகரிக்கிறது. மேலும், இதில் மாங்கனீஸ், பொட்டாசியம், மெக்னீசியம் மற்றும் வைட்டமின்கள் B2, B3, B5 ஆகியவையும் உள்ளன.

இல்லாத பிளாக் காஃபி

சர்க்கரை கலந்த பானங்களைக் குடிக்கும்போது, ரத்தத்தில் சர்க்கரை அளவு திடீரென ஏறி, இறங்கும். இது சோர்வையும் எரிச்சலையும் உண்டாக்கும். ஆனால், சர்க்கரை இல்லாத பிளாக் காஃபியைத் தேர்ந்தெடுப்பதன் மூலம், உங்கள் ரத்த சர்க்கரை அளவை சீராக வைத்திருக்கலாம். நாள் முழுவதும் சீரான ஆற்றலையும் பெறலாம்.

அதிக காஃபி குடித்தால் ஆபத்து

ஒரு கப் காஃபியில் 50 முதல் 400 மில்லிகிராம் வரை காஃபின் உள்ளது. எந்தவொரு பொருளின் பக்க விளைவுகளும், அதை நாம் எந்தளவு எடுத்துக்கொள்கிறோம் என்பதைப் பொறுத்தது. நீங்கள் ஒரு நாளில் அதிக காஃபி குடித்தால், உங்கள் உடலில் காஃபின் அளவு அதிகமாக இருக்கும். அதிகப்படியான காஃபின் பதட்டம் மற்றும் மன அழுத்தத்தை ஏற்படுத்தும், இது பரிந்துரைக்கப்படுவதில்லை.