தினமும் காலையில 5 நிமிஷம் குதித்தால் உடலில் 'இந்த' அற்புதங்கள் நடக்கும்!

தினமும் காலையில் எழுந்தவுடன் 5 நிமிடங்கள் குதித்தல் பயிற்சி (Jumping Jacks) செய்வதால் கிடைக்கும் ஆரோக்கிய நன்மைகள் என்னென்ன என்று இங்கு பார்க்கலாம்.

Benefits of Doing Jumping Jacks

காலையில் எழுந்ததும் உடற்பயிற்சி செய்யும் பழக்கம் நம்மில் பலருக்கும் உண்டு. சிலரோ சீக்கிரமே எழுந்து உடற்பயிற்சி செய்ய வேண்டும் என்று நினைப்பார்கள். ஆனால், லேட்டாக எழுவதால் செய்ய முடியாமல் போய்விடும். இனி அதுகுறித்து கவலைப்பட வேண்டாம். காலையில் எவ்வளவு லேட்டாக எழுந்தாலும், வெறும் ஐந்து நிமிடம் மட்டும் குதித்தல் பயிற்சி (Jumping Jacks) மட்டும் செய்தால் போதும். உடலில் பல மாற்றங்கள் நடக்கும். சரி இப்போது தினமும் காலையில் எழுந்ததும் வெறும் ஐந்து நிமிடம் குதித்தல் பயிற்சி (Jumping Jacks) செய்வதால் கிடைக்கும் ஆரோக்கிய நன்மைகள் என்னென்ன என்று இங்கு பார்க்கலாம்.

1. இதயத்தை ஆரோக்கியமாக வைக்கும்:

உங்களது இதயத்தை ஆரோக்கியமாக வைக்க பயிற்சி (Jumping Jacks) சிறந்த வழியாகும். இந்த எளிய முழு உடற்பயிற்சி உங்களது இதயத் துடிப்பை அதிகரிக்க செய்யும் மற்றும் இதய ஆரோக்கியத்தை மேம்படுத்தும். வழக்கமான கார்டியோ உடற்பயிற்சி இதய நோய், உயரத்தை அழுத்தம் மற்றும் பக்கவாதம் ஏற்படும் அபாயத்தை குறைக்க உதவும்.

2. முழு உடல் சுழற்சியையும் அதிகரிக்கும்:

ஜம்பிங் ஜாக்ஸ் (Jumping Jacks) பயிற்சி செய்வதன் மூலம் கைகள், கால்கள் என ஒட்டுமொத்த தசைகளை ஒரேநேரத்தில் ஈடுபடுத்தப்படுகின்றன. இந்த ஒருங்கிணைப்பானது சமநிலை சுறுசுறுப்பு மற்றும் ஒட்டுமொத்த உடல் விழிப்புணர்வை மேம்படுத்த உதவும். முழு உடல் ஒருங்கிணைப்பு தேவைப்படும் போது இந்த பயிற்சியுடன் உங்கள் நாளை தொடங்கினால் நாள் முழுவதும் பிற உடல் செயல்பாடுகள் செய்ய உதவும்.

3. ஆற்றல் மட்டங்கள் அதிகரிக்கும்:

ஜம்பிங் ஜாக் (Jumping Jacks) பயிற்சியானது உடலின் இயற்கையான நல்ல உணர்வை தரும் ஹார்மோன்களான எண்டோர்பின்களின் வெளியீட்டை தூண்டும். இது ஆற்றல் மட்டங்களை அதிகரிக்க உதவும், சோர்வை குறைக்கும் மற்றும் நாள் முழுவதும் உங்களை உற்சாகமாக வைக்கும்.

4. எடை இழப்பை ஊக்குவிக்கும்:

ஜம்பிங் ஜாக்ஸ் (Jumping Jacks) பயிற்சியானது கலோரிகளை விரைவாக எரிக்கும் ஒரு சிறந்த உடற்பயிற்சியாகும். நீங்கள் எடையை குறைக்க விரும்பினால் இந்த பயிற்சியை தினமும் செய்யுங்கள். இந்த பயிற்சியை உங்களது வழக்கத்தில் சேர்த்துக் கொண்டால் கலோரி எரிப்பை அதிகரிக்க உதவும். இது சீரான உணவுடன் இணைந்து கொழுப்பு இழப்புக்கும் உதவும்.

5. மன அழுத்தம் குறையும்:

இந்த பயிற்சியானது மூளைக்கு இரத்த ஓட்டத்தை அதிகரிப்பதன் மூலம் செறிவு மற்றும் மன தெளிவு மேம்படுத்த உதவும். காலையில் மன அழுத்தத்தை குறைக்க ஜம்பிங் ஜாக்ஸ் உதவும். மேலும் பதட்டத்தை எதிர்த்து போராடும், மனநிலையை மேம்படுத்தும். அமைதியான கவனம் செலுத்தும் மனநிலையுடன் உங்களது நாளை தொடங்க விரும்பினால் இந்த பயிற்சி சிறந்த தேர்வாகும்.