Walking: வெறும் கால்களால் மணலில் நடைப்பயிற்சி செய்தால் கிடைக்கும் நன்மைகள்!

தினந்தோறும் சிறிது நேரமாவது காலணி அணியாமல் நடக்க பழக வேண்டும். வெறுங்காலில் புல் தரையில் நடப்பது எவ்வளவு நன்மைகளைத் தருகிறதோ, அதே அளவு நன்மைகள் மணல் தரையில் வெறுங்காலில் நடந்தாலும் கிடைக்கும்.

Shock southeasterly is known to benefit from walking barefoot

இயல்பாகவே நாம் காலணி அணியாமல் நடப்பதால், நம் உடலுக்குப் பல நன்மைகள் கிடைக்கும். ஆனால், இன்றைய நவநாகரீக உலகில் எவரும் காலணிகள் இல்லாமல் நடப்பதில்லை. காலணிகள் அவசியம் தான்; ஆனால், வெறும் காலில் நடந்தால் கிடைக்கும் நன்மைகளை அறிந்து கொண்டு, தினந்தோறும் சிறிது நேரமாவது காலணி அணியாமல் நடக்க பழக வேண்டும். வெறுங்காலில் புல் தரையில் நடப்பது எவ்வளவு நன்மைகளைத் தருகிறதோ, அதே அளவு நன்மைகள் மணல் தரையில் வெறுங்காலில் நடந்தாலும் கிடைக்கும்.

Type 2 Diabetes- Walking Solution!

மணல் தரையில் நடத்தல்

வெற்றுக் கால்களில் மணலில் நடப்பது, அற்புதமான சிறப்புப் பலன்களைத் தரும் என பலரும் கூறுவதுண்டு. ஆம், நிச்சயமாக இது உண்மை தான். காலணி அணிந்து நடப்பதால், நம் பாத தசைகள் பெருமளவில் பயன்படுத்தப்படுவதில்லை. அதுவே, வெறும் கால்களில் நடக்கும் போது, பாத தசைகள் நன்றாக இயக்கப்படுகிறது. இதனால், நம் உடலுக்குப் பல வகையில் நன்மை கிடைக்கிறது. இப்போது வெறும் கால்களால் மணலில் நடைப்பயிற்சி, செய்தால் கிடைக்கும் நன்மைகள் என்னென்ன என்பதை பார்ப்போம்.

வெறுங்காலில் நடப்பதன் நன்மைகள்

காலணிகள் அணியாமல் வெறும் கால்களால் நடக்கும் போது, உறக்கம் சார்ந்த பிரச்சனைகள் அனைத்தும் நீங்கி விடும்.

வெறும் கால்களில் நடக்கும் போது, மூட்டு வலி குறைந்து விடும்.

வெறும் கால்களில் நடப்பதன் காரணத்தால், இரத்த அழுத்தத்தின் அளவு சீராகிறது.

மணல் தரையில் வெறும் கால்களில் நடப்பதால், நோய் எதிர்ப்புச் சக்தி அதிகரிக்கும்.

மணலில் நடைபயிற்சி மேற்கொள்ளும் போது, கணுக்கால்களும் பாதங்களும் அதிக பலத்தைப் பெறுகிறது. 

வெறுங்கால்களால் மணலில் நடக்கும் போது, அதிக அளவில் கலோரிகள் எரிக்கப்படுகிறது. இதன் காரணமாக கூடுதலாக உள்ள உடல் பருமன் குறையும்.

பாதங்களில் இருக்கும் இறந்த சரும அணுக்களை நீக்குவதற்கு, மணல் உதவி புரிகிறது.

பாதங்களில் இரத்த ஓட்டத்தை அதிகரித்து, பாதங்களில் உள்ள சொரசொரப்பைப் நீக்குவதற்கும், மணல் நடைபயிற்சி உதவுகிறது.

மணலில் நடப்பதால், பாதங்களில் இருக்கும் அக்குபஞ்சர் புள்ளிகள் தூண்டப்படுகிறது. இதன் காரணமாக, உடலில் இருக்கும் சுரப்புகள் மற்றும் உறுப்புகளின் செயல்பாடுகள் ஊக்குவிக்கப்படுகிறது. 

வெறும் கால்களில் மணலில் நடப்பதால், இடுப்புத் தசைகள் பலம் பெறுகிறது.

இன்றைய இளம் தலைமுறையினர் நடைபயிற்சி மேற்கொள்வதே அரிதாகி விட்ட நிலையில், வெறுங்காலில் நடப்பதும் கடினமான ஒன்று தான். இருப்பினும், காலணிகள் அணியாமல் நடைபயிற்சி மேற்கொள்வதன் நன்மைகளை அனைவரும் அறிந்து கொண்டால், நிச்சயமாக நடைபயிற்சி மேற்கொள்வார்கள்.