ஆறு மனைவிகளுடன் கொண்டாட்டமாக வாழும் ஆர்தர் ஓ உர்சோ!! பிட்னஸுக்கு என்ன பண்றாரு தெரியுமா?

Arthur O Urso Diet and Fitnes: ஆறு மனைவிகளுடன் மஜாவாக வாழ்ந்துவரும் ஆர்தர் ஓ உர்சோ, உணவு முறை, பிட்னஸ் சீக்ரெட்ஸ் குறித்து தெரியுமா? வாங்க பார்க்கலாம்.  

இந்த காலக்கட்டத்தில் ஒரு பெண்ணை மணந்து குடும்பம் நடத்துவதே கடினமாகி வருகிறது. ஆனால் பிரேசிலை சேர்ந்த ஆர்தர் ஓ உர்சோ என்பவர் ஒன்றல்ல, இரண்டல்ல, 9 பெண்களை திருமணம் செய்துள்ளார். அதில் மூவர் விவாகரத்து பெற்றுள்ளனர். வருங்காலத்திலும் பல திருமணம் செய்து கொள்ள விரும்புவதாக ஆர்தர் பேட்டியளித்துள்ளார். தன் மனைவிகளுடன் ஒரே கட்டிலில் படுக்கவேண்டும், அவர்களை நொடி பொழுதும் பிரியக் கூடாது என்பதற்காக பிரத்யேகமாக 80 லட்ச ரூபாயில் பிரம்மாண்ட கட்டிலை செய்தவர் தான் இந்த ஆர்தர். 

ஆறு மனைவிகளுடன் வாழ்வது என்றால் சும்மா ஒன்றும் இல்லையே! இவருடைய வாழ்க்கை முறை, பிட்னஸ் ரகசியங்களை இங்கு காணலாம். ஆர்தர் ஓ உர்சோ, மாடலிங் செய்துவருகிறார். முன்னதாக 9 பெண்களை மணந்த இளைஞர் என்று இணையத்தில் ட்ரெண்ட் ஆனார். இவர் தன்னுடைய அத்தனை மனைவிகளுடனும் ஒரே வீட்டில் வசித்து வருகிறார். அவர்களுக்காகவே பிரம்மாண்டமான அளவில் பெரிய படுக்கையை தயார் செய்துள்ளார்.

ஆர்தர் ஓ'உர்சோவின் உணவு பழக்கம்!! 

ஆர்தர் தனது உடலுக்கு முக்கியத்துவம் கொடுத்து கவனித்துக்கொள்கிறார். தனது மாடலிங் தொழிலில் எந்த பிரச்சனையும் ஏற்படாமல் இருக்க, கடுமையான உடற்பயிற்சிகள், ஆரோக்கியமான உணவுப்பழக்கத்தை பின்பற்றுகிறார். மிதமான கார்போஹைட்ரேட்டுகளுடன் அதிக நார்ச்சத்து, அதிக புரதச்சத்துள்ள உணவை எடுத்துக்கொள்கிறார். தினமும் புரத உட்கொள்ளலுக்காக முட்டையின் வெள்ளைக்கருவை உண்கிறார். கொழுப்பு நிறைந்த மீன், சிவப்பு நிற இறைச்சி, சீஸ் ஆகியவற்றையும் உண்கிறார். நார்ச்சத்து கிடைக்க கீரை, பச்சை காய்கறிகள், பல்வேறு வகையான பழங்களை சாப்பிடுகிறாராம். 

பிட்னஸ் முக்கியம் பிகிலு!!

ஆர்தர் ஓ'உர்சோ தன் உடலை ஆரோக்கியமாகவும், கட்டுக்கோப்பாகவும் வைத்துக் கொள்ள கடுமையான உடற்பயிற்சியை மேற்கொள்கிறார். இதன் காரணமாக அவரது தசைகள் வலுவாக இருக்கின்றன. அவர் கலோரிகளை எரிக்க வெயிட் லிப்டிங் போன்ற பயிற்சி செய்கிறார். கார்டியோ பயிற்சிகள் மூலம் உடலை வியர்வையால் நனைக்கிறார். ஆர்தருக்கு சைக்கிள் ஓட்டுதல், நீச்சல் பயிற்சிகளும் பிடிக்குமாம்.