மஞ்சளை தெரியாம கூட இவங்க ரொம்ப பயன்படுத்தக்கூடாது... உடலுக்கு இவ்ளோ பாதிப்பு இருக்குது!!

மஞ்சள் சமையலறையில் தவிர்க்கவே முடியாத மசாலா பொருள். அதுமட்டுமின்றி உடலுக்கு ஆரோக்கியம் அளிக்கும் பல நற்குணங்களும் மஞ்சளுக்கு உண்டு. மஞ்சள் உணவின் சுவையை அதிகரிப்பது மட்டுமல்லாமல் ஆரோக்கியத்திற்கும் பல வழிகளில் நன்மை பயக்கும். பல காய்கறிகள் மஞ்சள் இல்லாமல் சமைத்தால் நிறமாற்றம் அடையும். மஞ்சளில் உள்ள மருத்துவ குணங்கள் காரணமாக, பல சுகாதார நிபுணர்கள் இதை தொடர்ந்து சாப்பிட பரிந்துரைக்கின்றனர். ஆனால் இந்த மசாலா அனைவருக்கும் பயனுள்ளதாக இல்லை என்பது உங்களுக்கு தெரியுமா? ஆமாங்க. மஞ்சளை சிலர் அதிகமாக எடுத்து கொள்ளவே கூடாது. அது யார் யார் என்பதை இங்கு காணலாம். 

நீங்கள் கீழே கொடுக்கப்பட்டுள்ள நோய்களால் பாதிக்கப்பட்டிருந்தால் மஞ்சளை அதிகம் சேர்க்கக்கூடாது. 

நீரிழிவு நோயாளிகள்: 

நீரிழிவு நோயால் பாதிக்கப்பட்டவர்கள் தங்கள் இரத்தத்தில் சர்க்கரை அளவை கட்டுப்பாட்டில் வைத்திருக்க பல மருந்துகளை எடுத்துக்கொள்கிறார்கள். அவர்கள் குளுக்கோஸின் அளவை கட்டுப்படுத்த வேண்டும். நீரிழிவு நோயாளிகள் மஞ்சளை அதிகமாக உட்கொண்டால், அவர்களின் உடலில் இரத்தத்தின் அளவு கணிசமாகக் குறையும், இது உடலுக்கு நல்லதல்ல. அளவாக சேர்ப்பது நல்லது. 

மஞ்சள் காமாலை: 

மஞ்சள் காமாலை நோயால் பாதிக்கப்பட்டுள்ளவர்கள், மஞ்சள் உண்பதை முடிந்தவரை தவிர்க்க வேண்டும். நீங்கள் அதிகளவில் மஞ்சள் சாப்பிட விரும்பினால், அதற்கு மருத்துவரின் ஆலோசனையை பெறுவது நல்லது. இல்லையென்றால் உங்கள் உடல்நிலை மோசமடைய வாய்ப்புள்ளது. 

சிறுநீரக கல் நோயாளிகள்: 

சிறுநீரக கல் என்பது மிகவும் மோசமான நோய். இந்த பிரச்சனையை எதிர்கொள்பவர்கள் அதிக வலியை சந்திக்க வேண்டியிருக்கும். இந்த விஷயத்தில், மஞ்சள் உட்கொள்வதை குறைக்க வேண்டும். மஞ்சள் அதிகம் சேர்க்கும்போது பிரச்சனை அதிகரிக்கலாம். 

இதையும் படிங்க: வெறும் 1 நிமிடத்தில்.. கரும்புள்ளிகளை போக்கும் அற்புத பொருள்.. இப்படி யூஸ் பண்ணுங்க!!

இரத்தப்போக்கு: 

மூக்கில் அல்லது உடலின் எந்தப் பகுதியிலும் இரத்தக்கசிவு உள்ளவர்கள் மஞ்சள் உட்கொள்வதைக் குறைக்க வேண்டும். மீறினால் இரத்தப்போக்கு அதிகரித்து, உடலில் இரத்த சோகை ஏற்படலாம். இது உடல் பலவீனத்திற்கு காரணமாக மாறும். 

இந்த நோய் பாதிப்புள்ளவர்கள் தவிர்த்து மற்றவர்கள் மஞ்சளை உணவில் சேர்த்துக் கொள்ளும்போது பயப்படத் தேவையில்லை. மஞ்சள் ஆரோக்கியமானது தான்! 

இதையும் படிங்க: தண்ணீரில் இந்த 1 பொருள் போட்டு ஆவி பிடிப்பதால் முகத்தில் இத்தனை ஜொலிப்பு கிடைக்குமா? அறிவியல் உண்மை தெரியுமா?