சளி,இருமலை விரட்டிட தூதுவளை இலை ரசம் செய்து சாப்பிடுங்க!

பாரம்பரிய வைத்தியமான சித்த வைத்தியம் மற்றும் பாட்டி வைத்தியத்தில் தூதுவளை கீரைக்கென ஒரு தனி இடம் உள்ளது. சளி, இருமல், தொண்டை கரகரப்பு போன்ற பல நோய் தொற்றுகளுக்கு உடனடி தீர்வு அளிக்கும் தன்மை கொண்டது. மேலும் நாட்டு மருத்துவத்திலும் முக்கிய பங்கு வகிக்கிறது. தூதுவளையில் அதிக அளவில் கால்சியம் உள்ளதால், எலும்புகள் பலம் பெறுகிறது. மேலும் உறுதியான பற்களையும் தருகிறது. இந்த கீரை பித்தம் மற்றும் வாத நோய்களுக்கு சிறந்த தீர்வை அளிக்கிறது. மேலும் பாம்பின் விஷத்தை முறியடிக்கும் தன்மை உள்ளதாக கூறப்படுகிறது.

தூதுவளை இலையை பறித்து துளசி போன்று மென்றும் சாப்பிடலாம். இவ்வாறு சாப்பிடுவதால் அதன் மருத்துவ குணங்கள் நேரடியாக முடியும். மேலும் இந்த இலைகளை நிழலில் உளர்த்தி பொடியாக செய்தும் பயன்படுத்தலாம். அல்லது இலைகளை பறித்து, நெய்யில் வதக்கி சாப்பிடலாம். அல்லது ரசம், துவையல், பருப்பு கூட்டு என்று பல்வேறு விதங்களில் சமைத்து சாப்பிடலாம். அந்த வகையில் இன்று நாம் தூதுவளை இலை வைத்து அருமையான ஹெல்த்தியான ரசம் செய்ய உள்ளோம்.

வருமுன் காப்போம் என்ற பழமொழிக்கு ஏற்றவாறு தூதுவளை கீரையை வாரம் ஒரு முறை சமைத்து சாப்பிட்டாலே நெஞ்சில் தேங்கும் கபம், சளி போன்ற பிரச்சனைகளை வருமுன் தடுத்திடலாம். அந்த வகையில் இன்று நாம் ஹெல்த்தியான தூதுவளை ரசம் ரெசிபியை வீட்டில் எப்படி செய்வது என்று இந்த பதிவின் மூலம் தெரிந்து கொள்ளலாம்.

 

தேவையான பொருட்கள் :

தூதுவளை கீரை – 1 கப்
மிளகுத்தூள் -1 ஸ்பூன்
சீரகத்தூள் –1 ஸ்பூன்
நெய் – 2 ஸ்பூன்
பூண்டு – 6 பற்கள்
புளிக் கரைசல் -சிறிது
தக்காளி – 3 (பொடியாக நறுக்கியது)
சின்ன வெங்காயம் – 6
மஞ்சள் தூள் – 1 ஸ்பூன்
கறிவேப்பிலை – 1 கொத்து
கடுகு – 1/4 ஸ்பூன்
காய்ந்த மிளகாய் – 2
பெருங்காயத்தூள் – ஒரு ஸ்பூன்
 

தாங்க முடியாத குதிகால் வலி எரிச்சல் எல்லாமே ஒரு நொடியில் போக பாட்டி வைத்தியம்..!

செய்முறை :

முதலில் தூதுவளை கீரையை அலசி வைத்து வைத்துக் கொள்ள வேண்டும். வெங்காயம் மற்றும் தக்காளியை பொடியாக அரிந்து வைத்துக் கொள்ள வேண்டும். பூண்டினை இடித்து வைத்துக் கொள்ள வேண்டும்.

அடுப்பில் ஒரு சின்ன பான் வைத்து அதில் சிறிது நெய் சேர்த்து , நெய் உருகிய பின் அதில் வெங்காயம் மற்றும் கீரையை சேர்த்து நன்றாக வதக்கி தனியாக எடுத்துக் கொள்ள வேண்டும்.
அதன் பிறகு அடுப்பில் ஒரு வாணலி வைத்து அதில் 2 க்ளாஸ் தண்ணீர் ஊற்றி கொதிக்க வைக்க வேண்டும்

ஒரு மிக்சி ஜாரில் அரிந்து வைத்துள்ள தக்காளி சேர்த்து கெட்டி புளிக் கரைசல் சேர்த்து அரைத்து இதனை கொதிக்கும் தண்ணீரில் சேர்த்து நன்றாக மிக்ஸ் செய்து கொள்ள வேண்டும்.

இப்போது கடாயில் சீரகத்தூள்,மிளகுத்தூள், உப்பு ஆகியவை சேர்த்து நன்றாக கலந்து விட வேண்டும்.பின் அதில் இடித்து வைத்துள்ள பூண்டு மற்றும் வதக்கி வைத்துள்ள சின்ன வெங்காயம் மற்றும் கீரையை சேர்த்து தீயினை சிம்மில் வைத்து கொதிக்க வைக்க வேண்டும். (வேண்டுமானால் வதக்கிய கீரை மற்றும் வெங்காயத்தை மிக்சி ஜாரில் சேர்த்து அரைத்தும் சேர்க்கலாம்)

அடுப்பில் ஒரு சின்ன கடாய் வைத்து அதில் சிறிது நெய் விட்டுமே சூடான பின் அதில் கடுகு, கறிவேப்பிலை , 2 வர மிளகாய் மற்றும் பெருங்காயத் தூள் ஆகியவை சேர்த்து தாளித்து அதனை கொதிக்கும் ரசத்தில் ஊற்றி பரிமாறினால் சுவையான ,ஹெல்த்தியான தூதுவளை ரசம் ரெடி!