- Home
- உடல்நலம்
- உணவு
- Dosa batter preservation tips: மீதமான தோசை மாவு புளித்துப் போகாமல் இருக்கணுமா? பிரிட்ஜில் வைக்கும் முன் இதை மட்டும் செய்யுங்கள்!
Dosa batter preservation tips: மீதமான தோசை மாவு புளித்துப் போகாமல் இருக்கணுமா? பிரிட்ஜில் வைக்கும் முன் இதை மட்டும் செய்யுங்கள்!
Dosa batter preservation tips: மீதமாகும் தோசை மாவு புளித்துப் போகாமல் இருக்க இந்த 5 டிப்ஸ்களை ஃபாலோ பண்ணுங்க. இதனால் மாவின் சுவையும் தரமும் மாறாமல் இருக்கும்.

பயன்படுத்தும் முன்பு கவனிக்க வேண்டியவை
ஃப்ரிட்ஜில் வைத்த மாவை 5 முதல் 7 நாட்களுக்குள் பயன்படுத்திவிடுவது நல்லது. மாவை எடுக்கும்போது அதில் வழக்கத்திற்கு மாறான துர்நாற்றம் வீசுகிறதா அல்லது மேலே பச்சை, கருப்பு, இளஞ்சிவப்பு நிறத்தில் பூஞ்சை போன்ற புள்ளிகள் தெரிகின்றனவா எனப் பாருங்கள். அப்படி ஏதேனும் மாற்றம் தெரிந்தால் தயங்காமல் மாவைக் கொட்டிவிடுங்கள்.
டப்பாவும் இடமும் முக்கியம்
ஈரமில்லாத, சுத்தமான கண்ணாடி அல்லது தரமான பிளாஸ்டிக் டப்பாவில் மாவை ஊற்றுங்கள். மாவு பொங்கி வரும் என்பதால் டப்பாவை விளிம்பு வரை நிரப்பாமல் கொஞ்சம் இடைவெளி விட்டு இறுக்கமாக மூடுங்கள். முக்கியமாக, மாவு டப்பாவை ஃப்ரிட்ஜ் கதவுப் பகுதியில் வைக்காமல், உள்ளே நன்கு குளிர்ச்சியாக இருக்கும் அலமாரியில் (4°C அல்லது அதற்குக் கீழ்) வைக்க வேண்டும். கதவை அடிக்கடி திறந்து மூடுவதால் வெப்பநிலை மாறி மாவு சீக்கிரம் புளித்துவிடும்.
சரியான நேரத்தில் ஃப்ரிட்ஜில் வையுங்கள்
மாவு தேவையான அளவு புளித்த உடனேயே ஃப்ரிட்ஜில் வைத்துவிட வேண்டும். வெளியே நீண்ட நேரம் வைத்திருந்தால் நொதித்தல் அதிகமாகி மாவு விரைவில் கசக்கத் தொடங்கிவிடும். ஃப்ரிட்ஜில் வைப்பதற்கு முன்பு மாவில் தண்ணீர் சேர்க்க வேண்டாம்; அப்படிச் செய்தால் மாவு சீக்கிரம் கெட்டுப்போக வாய்ப்புள்ளது.
சுடுவதற்கு முன் செய்ய வேண்டியது
மாவு நல்ல நிலையில் இருந்தால், சுத்தமான கரண்டியால் மெதுவாகக் கலந்துவிட்டுத் தேவையான அளவு தண்ணீர் மற்றும் உப்பு சரிபார்த்து தோசை சுடலாம். மாவை அடிக்கடி வெளியே எடுத்து நீண்ட நேரம் அறை வெப்பநிலையில் வைத்திருப்பதைத் தவிர்த்தால், கடைசி கரண்டி மாவு வரை தோசை மொறுமொறுப்பாகவும் சுவையாகவும் வரும்.
உலர்ந்த கரண்டியைப் பயன்படுத்துங்கள்
மாவு எடுக்கும்போது எப்போதும் ஈரமில்லாத சுத்தமான கரண்டியையே பயன்படுத்துங்கள். தோசைக்கல்லில் தேய்த்த கரண்டியையோ, எச்சில் பட்ட கரண்டியையோ மாவில் போடக் கூடாது. தேவையான மாவை மட்டும் ஒரு பாத்திரத்தில் எடுத்துக்கொண்டு, மீதமுள்ள டப்பாவை உடனே ஃப்ரிட்ஜில் வைத்துவிடுங்கள். பழைய மாவுடன் புதிதாக அரைத்த மாவை ஒன்றாகக் கலக்காதீர்கள்.















