Almond Roti : பாதாம் மாவுல சப்பாத்தி சாப்பிட்டு இருக்கீங்களா? சாப்பிட்டா அப்புறம் விட மாட்டீங்க!

Almond Roti : கோதுமை மாவு இல்லாமல் பாதாம் மாவை வைத்து சப்பாத்தி செய்யலாம் தெரியுமா? பாதாம் மாவு, சைலியம் ஹஸ்க் உள்ளிட்ட சில பொருட்களுடன் மென்மையான ரொட்டி செய்யலாம். எப்படி செய்வது, மாவை எப்படி பதமாக்குவது? முழு செய்முறை இதோ!

Image Credit : Chatgpt

பாதாம் மாவுல சப்பாத்தியா? ஆமாங்க, செய்யலாம்!

Almond Roti Recipe : சப்பாத்தி என்றாலே கோதுமை மாவு, தண்ணீர், பிசையும் மாவு என்றுதான் நமக்கு நினைவுக்கு வரும். ஆனால் கோதுமை மாவே இல்லாமல் பாதாம் மாவை வைத்து சப்பாத்தி போன்ற ரொட்டி செய்ய முடியும்.

இதுதான் பாதாம் மாவு ரொட்டி. இதில் கோதுமை மாவுக்குப் பதிலாக நன்றாக அரைத்த பாதாம் மாவு பயன்படுத்தப்படுகிறது. மாவு ஒன்றாகப் பிடித்து நிற்கவும், உருட்டும்போது உடைந்து போகாமல் இருக்கவும் சைலியம் ஹஸ்க் எனப்படும் இசப்கோல் உமி உதவுகிறது. இதன் சுவை வழக்கமான சப்பாத்தியைவிட கொஞ்சம் மாறுபட்டு, லேசான பாதாம் மணத்துடன் இருக்கும். சூடாகச் சாப்பிடும்போது மென்மையாகவும் இருக்கும்.

இதையும் படிங்க : Suitcase : வெளியூர் கிளம்பும்போது சூட்கேஸ் சக்கரத்தில் டேப் ஒட்டுங்க! இதுக்கு பின்னாடி இப்படியொரு காரணமா?

Image Credit : AI Meta

இதை செய்ய என்னென்ன பொருட்கள் தேவை?

• பாதாம் மாவு – 1 கப்
• சைலியம் ஹஸ்க் பொடி – 2 மேசைக்கரண்டி
• உப்பு – தேவையான அளவு
• சூடான தண்ணீர் – சுமார் அரை கப்
• நெய் அல்லது ஆலிவ் எண்ணெய் – 1 மேசைக்கரண்டி

விருப்பப்பட்டால் சிறிதளவு ஓமம், சீரகம் அல்லது மஞ்சள் சேர்க்கலாம். இங்கே முக்கியமான விஷயம் தண்ணீர். சூடான தண்ணீரை மொத்தமாக ஊற்றாமல், கொஞ்சம் கொஞ்சமாகச் சேர்க்க வேண்டும். பாதாம் மாவின் தன்மைக்கு ஏற்ப தண்ணீரின் அளவு சற்று மாறலாம்.

இதையும் படிங்க : Jason Sanjay-Vijay-Trisha : அடுத்தடுத்த நாளில் ரிலீசாகும் ஜேசன் சஞ்சய்-விஜய்-திரிஷா படங்கள்!

Image Credit : Gemini

மாவு பிசைவதில்தான் முக்கியமான ரகசியம் இருக்கு!

ஒரு பாத்திரத்தில் பாதாம் மாவு, சைலியம் ஹஸ்க் பொடி, உப்பு ஆகியவற்றை முதலில் நன்றாகக் கலக்கவும். அதன்பிறகு சூடான தண்ணீரை கொஞ்சம் கொஞ்சமாகச் சேர்த்து மெதுவாகப் பிசைய வேண்டும். எல்லாம் ஒன்றாகச் சேர்ந்ததும் நெய் அல்லது எண்ணெயைச் சேர்த்து மீண்டும் லேசாகப் பிசையவும்.

மாவு மென்மையாகவும், ஒன்றாகப் பிடித்துக் கொள்ளும் பதத்திலும் இருக்க வேண்டும். மிகவும் தண்ணீராக இருக்கக்கூடாது. மாவை மூடி வைத்து சுமார் 5 நிமிடங்கள் ஓய்வெடுக்க விடுவது அடுத்த கட்டத்தில் உருட்டுவதற்கு உதவும்.

இதையும் படிங்க : Shirt Collar : ஷர்ட் காலர் கறையை ஈஸியா நீக்க இந்த டிப்ஸ் ஃபாலோ பண்ணுங்க!

Image Credit : Pinterest

கோதுமை மாவு மாதிரி உருட்ட முடியுமா?

இதுதான் இந்த ரொட்டிக்கும் சாதாரண சப்பாத்திக்கும் இருக்கும் முக்கியமான வித்தியாசம். மாவை 4 சமமான உருண்டைகளாகப் பிரித்துக்கொள்ளவும். ஒரு உருண்டையை இரண்டு பேக்கிங் பேப்பர்களுக்கு நடுவில் வைத்து மெதுவாக அழுத்தி உருட்டவும்.

மிகவும் மெல்லியதாக உருட்ட வேண்டாம். ஓரங்களில் சிறிது வெடிப்பு ஏற்பட்டால் விரலால் மெதுவாக அழுத்தி சரிசெய்யலாம். பாதாம் மாவில் கோதுமை மாவில் இருப்பது போல நெகிழ்வுத்தன்மை இருக்காது. அதனால் நேரடியாக மேடையில் வைத்து உருட்டுவதைவிட இரண்டு பேக்கிங் பேப்பர்களுக்கு நடுவில் வைத்து உருட்டுவது சுலபமாக இருக்கும்.

இதையும் படிங்க : Curd : வீட்டுத் தயிரா, பாக்கெட் தயிரா? எது உடம்புக்கு நல்லது? முழு விவரம் இதோ!

Image Credit : Getty

தவாவில் போடும்போது இதை மட்டும் மறந்துடாதீங்க!

தவாவை மிதமான சூட்டில் சூடாக்கி, உருட்டிய ரொட்டியை கவனமாக அதில் போடவும். ஒரு பக்கம் சுமார் 30–40 விநாடிகள் வேகவிட்டு, மெதுவாகத் திருப்பவும். மறுபக்கமும் வேகவிட்டு, தேவையான அளவு வெந்ததும் எடுக்கலாம்.

அதிக சூட்டில் சமைக்க வேண்டாம். பாதாம் மாவு இருப்பதால் ரொட்டி சீக்கிரம் நிறம் மாறிவிடலாம். விருப்பப்பட்டால் அடுப்பிலிருந்து எடுத்த பிறகு சிறிதளவு நெய் தடவி பரிமாறலாம். சூடாக இருக்கும்போதே சாப்பிட்டால் அதன் மென்மையான தன்மையை நன்றாக உணர முடியும்.

மறக்க முடியாத சுவை!

வழக்கமான சப்பாத்தியிலிருந்து கொஞ்சம் மாறுபட்ட சுவையை விரும்புபவர்களுக்கு இந்த பாதாம் ரொட்டி ஒரு புதிய முயற்சியாக இருக்கும். பாதாம் மாவின் லேசான மணம், மென்மையான பதம் ஆகியவை இதற்கு தனி சுவையைத் தருகின்றன. காய்கறி குழம்பு, பருப்பு, தயிர் அல்லது சட்னியுடன் சேர்த்து சாப்பிடலாம்.

ஆனால் ஒரு விஷயம் முக்கியம், இது கோதுமை சப்பாத்தியின் அப்படியே நகல் கிடையாது. பாதாம் மாவின் தன்மை வேறுபடுவதால், தயாரிக்கும் முறையும் கொஞ்சம் மாறுபடும்.

மேலும் பாதாம் உண்பதில் ஒவ்வாமை இருப்பவர்கள் இதைத் தவிர்க்க வேண்டும். கோதுமை மாவு இல்லாமல் சப்பாத்தி போன்ற உணவை முயற்சி செய்ய நினைக்கிறீங்கன்னா, இந்த பாதாம் ரொட்டியை வீட்டிலேயே ஒருமுறை செய்து பாருங்க.

இதையும் படிங்க : Carrot : கேரட் சாப்பிட்டா கண்ணுக்கு நல்லதா? உண்மையைத் தெரிஞ்சுக்கோங்க!