Yami Gautam: திருமணம் ஆகி 3 ஆண்டுகளுக்கு பின் கர்ப்பமான ஜெய் பட ஹீரோயின்! குவியும் வாழ்த்துக்கள்!
பிரபல நடிகை யாமி கவுதம் கர்ப்பமாக இருக்கும் தகவலை தற்போது அறிவித்துள்ள நிலையில் ரசிகர்கள் தங்களின் வாழ்த்துக்களை தெரிவித்து வருகிறார்கள்.
தமிழில் இயக்குனர் ராதா மோகன் இயக்கிய ‘கெளரம்’ மற்றும் கவுதம் மேனன் தயாரித்த ‘தமிழ்ச்செல்வியும் தனியார் அஞ்சலும்’ படத்தில் ஜெய்க்கு ஹீரோயினாக நடித்து பிரபலமானவர் யாமி கவுதம்.
இவர் தெலுங்கு மற்றும் இந்தி திரையுலகில் முன்னணி நடிகையாக இருந்து வருகிறார். இவர் கடந்த 2021 ஆம் ஆண்டு பிரபல தயாரிப்பாளர், பாடலாசிரியருமான ஆதித்யா தார் என்பவரை காதலித்து திருமணம் செய்து கொண்டார். திருமணத்திற்கு பிறகும் தொடர்ந்து திரையுலகில் கவனம் செலுத்தி வந்த இவர்... முதல் முறையாக தான் கர்ப்பமாக இருக்கும் தகவலை அறிவித்துள்ளார்.
யாமி கவுதம், வரவிருக்கும் அவரது படமான ஆர்ட்டிகல் 370 படத்தின் டிரெய்லர் வெளியீட்டு விழாவில் கலந்து கொண்டார். அப்போது தனது கர்ப்பம் குறித்து வெளிப்படுத்தியுள்ளார். இதனுடன் இந்தப் படத்தின் படப்பிடிப்பின் போது கர்ப்பமான செய்தியை எப்படி மறைத்து வைத்திருந்தேன், எப்படி ஷூட் செய்தேன் என்ற தகவலை யாமி தெரிவித்துள்ளார்.
இதுகுறித்து யாமி கவுதம் பேசிய போது... இது போன்ற சூழ்நிலையில் நான் நிறைய முன்னெச்சரிக்கை நடவடிக்கைகளை எடுக்க வேண்டி இருந்தது. படப்பிடிப்பின் போது என்னுடன் ஒரு சிறப்பு மருத்துவர்கள் குழு ரகசியமாக வந்ததற்கு நன்றி. ஏனென்றால் படப்பிடிப்பு தளத்தில் நான் கர்ப்பமாக இருப்பது பற்றி எனக்கு எந்த பயமும் இல்லை, கர்ப்பம் குறித்து எனக்குத் தெரிந்த நேரத்தில், ஸ்டண்ட் காட்சிகள் ஏற்கனவே படமாக்கப்பட்டுவிட்டன.
74 வயது... விஜய் சேதுபதி பட நடிகையை அடித்தே கொன்ற மகன்..! துடிதுடித்து உயிரிழந்த அதிர்ச்சி சம்பவம்!
பேசுவது போல் எடுக்கும் காட்சிகள் தான் இருந்தது. இது போன்ற நேரத்தில், நான் என் அம்மாவிடம் இருந்து நிறைய உத்வேகம் பெற்றுள்ளேன், அவர் கர்ப்பமாக இருந்தபோது நிறைய வேலை செய்தார். இந்தியப் பெண்களான நாம் மிகவும் வலிமையானவர்கள் என பேசியுள்ளார்.
தற்போது 5 மாதம் கர்ப்பமாக இருப்பதாக தெரிவித்துள்ள நடிகை யாமி கௌதமுக்கு ரசிகர்கள் தங்களின் வாழ்த்துக்களை தெரிவித்து வருகிறார்கள். திருமணம் ஆகி மூன்றாண்டுகளுக்கு பின்னர் கர்ப்பமாகி உள்ளதால் நடிகை யாமி, மே மாதம் தன்னுடைய குழந்தையை வரவேற்க உற்சாகமாக இருப்பதாக தெரிவித்துள்ளார் என்பது குறிப்பிடத்தக்கது.
சேனலை கிளிக் செய்து பின்தொடரவும்
