லேடி சூப்பர்ஸ்டாரை மிஞ்சும் அளவுக்கு வனிதாவுக்கு புது பட்டம் வழங்கிய வைஜெயந்தி ஐபிஎஸ் படக்குழு
நடிகை வனிதா விஜயகுமார் போலீஸாக நடித்துள்ள வைஜெயந்தி ஐபிஎஸ் படத்தின் பர்ஸ்ட் லுக் போஸ்டரில் வனிதாவுக்கு புது பட்டம் கொடுக்கப்பட்டு உள்ளது.
vanitha vijayakumar
நடிகர் விஜயகுமாரின் மகளான வனிதா, சமீப காலமாக எக்கச்சக்கமான சர்ச்சைகளில் சிக்கி வருகிறார். தந்தையுடனான சண்டை காரணமாக தனது மகள்கள் ஜோவிகா மற்றும் ஜெயனிதா உடன் தனியாக வாடகை வீட்டில் வசித்து வருகிறார் வனிதா. இவர் கடந்த 2019-ம் ஆண்டு பிக்பாஸ் நிகழ்ச்சியின் 3-வது சீசனில் போட்டியாளராக கலந்துகொண்ட பின்னர் தான் இவர் மக்கள் மத்தியில் ரீச் ஆனார்.
BiggBoss Vanitha
பிக்பாஸ் நிகழ்ச்சிக்கு பின்னர் வனிதாவுக்கு அடுத்தடுத்து பட வாய்ப்புகள் குவிந்த வண்ணம் உள்ளன. இவர் நடிப்பில் தற்போது உருவாகி உள்ள திரைப்படம் வைஜெயந்தி ஐபிஎஸ். இப்படத்தை மனோஜ் கார்த்திக் காமராஜு இயக்கி உள்ளார். இப்படத்தில் நடிகை வனிதா விஜயகுமார் போலீஸ் அதிகாரியாக நடித்துள்ளார். இப்படத்தின் பர்ஸ்ட் லுக் போஸ்டர் அண்மையில் வெளியிடப்பட்டது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Vaijayanthi IPS movie First look
இந்த போஸ்டரில் போலீஸ் கெட் அப்பில் கையில் துப்பாக்கியுடன் போஸ் கொடுத்தபடி நிற்கிறார் வனிதா. வைஜெயந்தி ஐபிஎஸ் படத்தின் போஸ்டர் மூலம் நடிகை வனிதாவுக்கு புது பட்டமும் வழங்கப்பட்டு உள்ளது. அந்த போஸ்டரில் வைரல் ஸ்டார் வனிதா என குறிப்பிடப்பட்டு உள்ளது. இதன்மூலம் வனிதாவுக்கு வைரல் ஸ்டார் என்கிற பட்டம் கொடுக்கப்பட்டு உள்ளது போஸ்டர் மூலம் உறுதியாகி உள்ளது.
Actress Vanitha
இதைப்பார்த்த ரசிகர்கள், நடிகை நயன்தாராவின் லேடி சூப்பர்ஸ்டார் பட்டத்துக்கு டஃப் கொடுக்கும் வகையில் வைரல் ஸ்டார் பட்டம் இருப்பதாக கமெண்ட் செய்து வருகின்றனர். வைஜெயந்தி ஐபிஎஸ் படத்திற்கு ஷங்கர் கணேஷ் இசையமைத்து உள்ளார். கே.பி.தினகரன் இப்படத்தை தயாரித்து உள்ளார். இப்படத்தின் போஸ்டர் சமூக வலைதளங்களில் செம்ம வைரலாகி வருகின்றன.
இதையும் படியுங்கள்... சர்ச்சை எதிரொலி... விஜய் பேசிய கெட்ட வார்த்தையை மியூட் பண்ணிய சென்சார் போர்டு