லதா ரஜினிகாந்துடன்... கேக் வெட்டி 'லால் சலாம்' படத்தை கொண்டாடிய விஷ்ணு விஷால் - விக்ராந்த்! போட்டோஸ்!
லால் சலாம் படத்தை, திரையரங்கில் லதா ரஜினிகாந்துடன் இப்படத்தின் ஹீரோக்களான விஷ்ணு விஷால் மற்றும் விக்ரம் ஆகியோர் பார்த்த போது எடுக்கப்பட்ட புகைப்படங்கள் வைரலாகி வருகிறது.
சூப்பர் ஸ்டார் ரஜினிகாந்தின் மூத்த மகளான ஐஸ்வர்யா ரஜினிகாந்த், 2012-ஆம் ஆண்டு '3' படத்தின் மூலம் இயக்குனராக அறிமுகமான நிலையில், இதை தொடர்ந்து வை ராஜா வை என்கிற படத்தை இயக்கினார். இவர் இயக்கிய படங்கள் எதிர்பார்த்த அளவுக்கு வெற்றிபெறவில்லை.
இதை தொடர்ந்து நீண்ட இடைவெளிக்கு பின்னர், கிரிக்கெட் விளையாட்டை மையமாக வைத்து... அதற்குள் ஒளிந்திருக்கும், போராட்டம், பிரச்சனை, கலவரம், அரசியல் போன்றவற்றை தெள்ளத்தெளிவாக பேசி இருக்கும் திரைப்படம் தான் 'லால் சலாம்'. நடிகர் விஷ்ணு விஷால் மற்றும் விக்ராந்த் ஹீரோவாக நடித்துள்ள இந்த படத்தில் ரஜினிகாந்த் மொய்தீன் பாய் என்கிற கேமியா ரோலில் நடித்துள்ளார்.
மேலும் முக்கிய கதாபாத்திரத்தில், லிவிங்ஸ்டன், செந்தில், தம்பி ராமையா, ஜீவிதா, கே.எஸ்.ரவிக்குமார், கபில் தேவ், விவேக் பிரசன்னா, தான்யா பாலகிருஷ்ணன் உள்ளிட்ட பலர் நடித்துள்ளனர். லைகா நிறுவனம் பிரமாண்டமாக தயாரித்துள்ளது. பொங்கல் பண்டிகையை முன்னிட்டு இந்த படம் வெளியாக இருந்த நிலையில், பின்னர் லைகா நிறுவனம் தயாரித்த 'மிஷன் சேப்டர் 1' படம் ரிலீஸ் ஆனதால் இப்படத்தின் ரிலீஸ் தேதி தள்ளிப்போனது.
இதை தொடர்ந்து, இன்று மிகப்பிரமாண்டமாக வெளியாகியுள்ள இந்த படத்திற்கு தொடர்ந்து பாசிட்டிவ் விமர்சனங்கள் வந்த வண்ணம் உள்ளது. ரசிகர்கள் பலர் ஒரு இயக்குனராக ஐஸ்வர்யா ரஜினிகாந்த் வெற்றி பெற்றுவிட்டதாக வாழ்த்துக்களை தெரிவித்து வருகிறார்கள். மேலும் இன்று ஐஸ்வர்யாவின் அம்மாவும் ரஜினிகாந்தின் மனைவியுமான லதா ரஜினிகாந்த் பிரபல திரையரங்கில் இப்படத்தின் நாயகன்களான, விஷ்ணு விஷால் மற்றும் விக்ராந்துடன் படம் பார்த்துள்ளார். அப்போது கேக் வெட்டி படத்தை வரவேற்ற புகைப்படங்கள் சமூக வலைத்தளத்தில் வைரலாகி வருகிறது.