தயாரிப்பாளருடன் 2-வது திருமணம்... காட்டுத்தீ போல் பரவிய தகவல்! வேறுவழியின்றி உண்மையை போட்டுடைத்த பிரகதி
சினிமாவிலும், சின்னத்திரை சீரியல்களில் நடித்து பிரபலமான நடிகை பிரகதி, தனது 2-வது திருமணம் குறித்து பரவிய தகவலுக்கு காட்டமாக விளக்கம் அளித்துள்ளார்.
Pragathi
பாக்யராஜ் இயக்கத்தில் கடந்த 1994-ம் ஆண்டு திரைக்கு வந்த வீட்ல விசேஷங்க படத்தின் மூலம் தமிழ் சினிமாவில் நடிகையாக எண்ட்ரி கொடுத்தவர் பிரகதி. முதல் படத்திலேயே தன் அசத்தலான நடிப்பால் ரசிகர்களை கவர்ந்த பிரகதி, தமிழில் அடுத்தடுத்து படங்களில் நடித்தார். பெரும்பாலும் தமிழ் படங்களில் குணச்சித்திர வேடங்களில் மட்டுமே நடித்த பிரகதிக்கு தெலுங்கில் ஹீரோயினாக நடிக்கும் வாய்ப்பு கிடைத்தது. இவர் டோலிவுட்டில் 100-க்கும் மேற்பட்ட படங்களில் நடித்திருக்கிறார்.
Actress Pragathi
இவருக்கு 20 வயதிலேயே திருமணம் ஆனது. ஐடி கம்பெனியில் வேலை பார்த்தவரை காதலித்து திருமணம் செய்துகொண்ட பிரகதிக்கு இரண்டு ஆண் குழந்தைகளும் உள்ளனர். திருமணத்துக்கு பின்னரும் சினிமா மற்றும் சீரியல்களில் நடித்து வந்த பிரகதிக்கு அவரது கணவர் உடன் ஒரு கட்டத்தில் கருத்து வேறுபாடு ஏற்பட்டது. இதனால் இருவரும் விவாகரத்து செய்து பிரிந்துவிட்டனர். இதன்பின்னர் தன் பெற்றோருடனே வசித்து வந்தார் பிரகதி.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
Pragathi about second marriage rumours
தமிழ் சினிமாவில் அம்மா ரோல்களில் நடித்து பிரபலமான பிரகதி, தமிழ் சீரியல்களிலும் நடித்திருக்கிறார். குறிப்பாக விஜய் டிவியில் ஒளிபரப்பான அரண்மனைக்கிளி சீரியலில் இவரது நடிப்புக்கு பாராட்டுக்கள் கிடைத்தன. இதுதவிர இன்ஸ்டாகிராமிலும் ஆக்டிவாக இருக்கும் பிரகதி, அதில் அடிக்கடி வீடியோக்கள் மற்றும் புகைப்படங்களை பதிவிடுவதை வழக்கமாக வைத்துள்ளார். லேட்டஸ்ட் பாடலுக்கு இவர் டான்ஸ் ஆடும் வீடியோக்களும் அதில் டிரெண்ட் ஆவதுண்டு.
Pragathi angry reply
தற்போது நடிகை பிரகதிக்கு 47 வயது ஆகும் நிலையில், அவர் தெலுங்கு தயாரிப்பாளர் ஒருவரை காதலித்து வருவதாகவும், அவர்கள் இருவருக்கும் விரைவில் இரண்டாவது திருமணம் நடைபெற இருப்பதாகவும் தெலுங்கு ஊடகங்களில் செய்திகள் வெளியாகி காட்டுத்தீ போல் பரவின. இதைப்பார்த்து கடுப்பான நடிகை பிரகதி, அது உண்மையில்லை என்று கூறியதோடு, இதுபோன்ற ஆதரமற்ற செய்தியை வெளியிட்ட தெலுங்கு ஊடகத்தை தன்னுடைய இன்ஸ்டாகிராம் பக்கத்தில் வெளுத்து வாங்கி இருக்கிறார்.
இதையும் படியுங்கள்... தங்கத் தாமரை மகளே.. 49 வயதிலும் குறையாத அழகு.. கூடிக்கொண்டே போகும் கவர்ச்சி - கஜோல் ஹாட் கிளிக்ஸ்!